الحلقة 3
كنت عادي نضحك ونغني ومنددري على شني يلي بيصير...
اني: هايمة نغني مع الاغنية لين كملت مشي اني قلت حي تمت❤🥺
نذير:تمت😍
اني: خسارة....
وكملنا وصلنا بقيت البنات معاش في هلبا مزال اني ورورو وسارة يعني تلاتة
اني:واااااك قريب نوصل للحوش
نذير:يشبح
اني 😒😒
نذير:مزال انتم الزوز بس
اني:اي
نذير:به
اني:زيكو اسبوع الجاي زي مقتلك متخِطِمش عليا بكل به
زيكو: تي والله الا منورة سومة 👍🏻
اني:بوجودك زيكو😏😏
رورو: ااااه ع الدراما
اني:سكري فمك انتي 🤨🤨
نذير:وخيرني اني متتكلميش معاي🤔🤔
اني:لا ياكبدي راجلي يغار
نذير ورورو وزيكو:😂😂😂😂
المهم وحني جايين منحطو ريان
نذير:مني توا انتي
اني: لالا توا رورو
نذير:اهاااا
اني:اي.......توا لعوص على ايدك الايمين....طبعاااا لعوص معاناها دور ولف متستغربوش لانها من كلمات زمان🤭😉
نذير: شنهياااا هههههععههه ووووه ع الجو منين جبتها اني قداش ليا مسمعتهاش😂😂😂🤔🤔
اني: نسيت والله مااعرفا نهارها مشعارف من قالها قدامي
نذير:لاكن ولا كوميديا يااسماء
اني:حفظت اسمي
نذير:كيف عاد ننساك اني
اني:هنايا ركبني الشك....ابتسمت وصكرت الموضوع
زيك:سومة
اني.نعم
زيكو: مزال امتحاناتكم
نذير:وعلاش تسأل فيها هيا
زيكوو: لانها احسن وحدة الحق ليها معزة خاصة
نذير:اممم صار هكي
اني: اي
زيكو:😏😏😏
نذير.السعد ياكبدي
اني: ولله دير باص ركب فسه بنات واكيدااا وحدة بدافع عليك
نذير:لالا شكرااااا
اني ولايهمك اني اهووو معاك خلاص معاش تفكر في شي مداما زكريا خط احمر انت خط اسود
نذير:سلمها ياربي
اني:سلمك
اني المهم يازيكو امتحاناتنا الاسبوع الجاي لا الي بعده يوم السبت نبدو
زيكو:تمام ياقدر
اني:😉😉
نذير:مزال حوشكم
اني:وخيرك انت شني مقعمزة على قلبك مثلا ولامضايقاتك
نذير:لالا بالعكس.....نذير في سره تي اني كان نلقى نروح بيك معاي توا انتي مش مقعمزة على قلبي انتي في قلبي مكانك ااااخ بس ياربي
اني:خيرك
نذير:لالا شي
اني:لالا سامحني نبصر عليك بس اني لاكن الحالة نوووو اكيدة بتضايق
نذير.تي لالا عادي نو شني وانتي.......
جي بيتكلم انطمس وهو في داخله انتي الجمال الي عندك يخليني طول العمر مقعمز محداك
اني:اهااااااا
اي هي لف عل يسار
نذير:الشيت الاغبر متقوليش وصلنا بس........هذا حوشكم
اني: اي هووووا هذا وابتسمت ابتسامة ساحرة🥰🥰
نذير: في سره النم الاغبر حي ع الابتسامة حي بتقتلني رسمي البنت هيا ❤❤😜
اني:هي باي
نذير:قريب ننزل معاك اني.....بايي
زيكووو:باي باي
اني.نزلت من الباص وحسيت بقلبي نبض لاول مرة ياسبحان الله ❤❤❤مشيت وقلت عادي يالله شعور عادي وممكن اعجاب وبس
خشيت للحوش
اني:السلام عليكم
عايلتي: وعليكم السلام وين اليوم
اني:اهوو جيت
عيلتي:عطلتي
اني:اي ماهو زكريا جانا مخر شوية
عيلتي:به
اني خشرت لدار لحقتني اختي ومرت بوي
سمية:سومة شني جوك
اني:الحمد لله بخير....لاكن تعرفي جانا خلقت ولد اليوم روح ا مع زكريا طرف
سمية:اهااا به يحنى
اني:يعطيه نقطة على الحواجب الي عنده لاكن الزفت مشاء الله عليه يهببل
سمية به غر شوفي روحك منفطرو وانتي خشي ديري حاجة ولابترقدي ارتاحي شوية لان العشية منمشو لحناك الصغيرة
اني:به تمام عماتي بيجو غادي
سمية:والله مانندري عليهم
اني:به
فطرت ورقدت وبعدها نضت غسلت وجهي وصليت وتغديت وبدلنا حوايجنا
اني لبست سروال اسود وبلوزة سماوية ووشاح اسود حرايري فيه الفضي والسماوي وكندرة وشنطة سودة
كملنا وطلعنا.....
في حوش حنينى
سمية:اسماء برورة تتصل بيك
اني:هاتيها ترا
سمية:هاااكي
اني:رديت....الو اهلين برورة
برورة:بالله عليك دسكة الادب فوتيها هيا
اني:هههههههه به
برورة:شجو
اني:ماشية وانتي
برورة:تمام.......وهدرزنا بعدين برورة سألتني اسمعي
اني:نعم
برورة:اليوم الولد الي جي مع زكريا بعد مانزلت اني شني قال
اني:هههههههه ااانذير
برورة.اسمه نذير
اني ايه ....قعد يتسهوك عليك على الكلمة يلي قولتيها
برورة: مبرده 😒😒😒
اني:هههههههههههههه
برورة:به صحيتي
اني:تمام؟......لاكن تعرفي اليوم طول الطريق وهو يشبحلي انشاء لله خير
برورة.بالك يبيك
اني:مفضاي حتى اني نحكيللك
برورة:هي مالا باي طيري
اني.: هي باي وجهك يله
وسكرنا المكالمة مشيت قعمزت محدا عماتي وهدرزنا وتعشينا وغسلنا الماعين زي كل عيلة ليبية وروحنا
طول الطريق واني نفكر في الولد
وثلنا للحوش كل واحد لداره بدلنا حوايجنا ولسرير طول كل مانغمض عيوني تجي صورته بين عيوني نفيق ونرقد لين خلاص خداني النوم
طبعااا فات اسبوع وممشيتش للمدرسة واني نقرا في امتحناتي وبس ونفكر في نذير طول الوقت
لين جي يوم السبت نوضت الصبح وتيت روحي وقعدت نراجع ونستنى في الباص لين جي طبعااا ماكانش زكريااا كان واحد تاني ينادوووو فيه التيمسو وهو اسمه علاء
ركبت ومشينا وصلنا للمدرسة وقعدت نعدرز اني ونور لين ضرب الجرس وخشينا للامتحان كل واحد ولجنته امتحنا وكملنا وطلعنا......
مجاش الباص لازكريا ولاتيمسو قعدنا نستنو لين جي تيمسو روح بينا
اركبنا روحنا وكان الجو مليح وهووو يضحك معانا هبلناه المسكين.......المهم اني اخر وحدة زي ماتعرفو كملنا وصلنا البنويت مزال اني بس دورا يرن تلفون التيمسو وكانمني يتراااااااااا............
مني الي اتصل بالتيمسو؟ وشني بيقوله؟ واني شني بنقول؟ وانتم ششن تتوقعو؟ يلا خلي نشوف توقعاتكم............❤❤❤
أنت تقرأ
نِفُسِيَتٌيَ
Romanceآلَقُصّةّ تٌتٌحًدٍثً عٌلَﮯ بًنِتٌ آحًبًتٌ شُآبً فُمًآذِآ حًدٍثً لَهّآ آنِظُروٌ آلَيَ آلَآحًدٍآثً لَتٌعٌرفُوٌ
