نصيبي

نصيبي ~ الجزء العاشر

نصيبي❤
لكاتبة: 🔥اروي الطاهر االمسلاتي🔥
الحلقه (10)

حازم:هادا فرخ مالوما المريش عنده اخت هكي😨😨مستحيل يكونو من نفس الام البنت محلاها

عزو:حبي
حازم؛شنو😨
عزو:خيرك تقول خالعك تمساح
حازم:شش شي اطلع وقت

وهيبه:مشاء الله لوطه زحمه
حياة:اي يوتو لي لعرس وداد مش فاضيين بي حد
وهيبه:وخطوبة جهاد
حياة:ربي يهنيهم

هبه:اخيراا حبيبي
جهاد:اي ياقلبي باش تطلعي مع وداد اليوم ختاري الذبله
هبه:انت بترفعنا😍
جهاد:لا ياعمري بوي بيرفعكم
هبه:علاااش؟😭
جهاد:والله عندي موضوع ضروووري وهلبااا لازم نكمله
هبه:به اوكي ربي معاك

عزو:شن رايك في هادي
حازم:مليحه اي ونركبولها كدار ابيض
عزو:بززبط اي
سيف؛انت عزو؟
عزو:غريبه حد نداني بي اسمي؟تفضل خوي
سيف:علاش شنو ينادو فيك
عزو:مالوما
سيف:به انت مالوما؟
عزو:لالا عزو😂
سيف:بووووم ضربه ع وجها
حازم:😨😨
عزو:ناض وقف...اخخ هادا ضربني ولا انا نتخايل
سيف:ضربتك
عزو:حزوم ضربني 😂
حازم:بنحرش بوك
سيف:شد عزو من سوريته
عزو:شوف يا بابا الانسان لما يسكتلك مره مش معناها خلاص يحبك لا لالا ...وضرب سيف ع وجها لين طاح
حازم:تي خيرك يا مالوما الزح نوض ياخوي نوض قعد يساعد في سيف لين وقف ولما وقف ضربه حازم مره تانيه لين قعد زي الدايخ
عزو:تي خزي عليك حزوم عيب ..نوض خوي نوض ونفس الشي ناض وقف وضربه عزو من جديد قعدو ع الحاله هادي لين طاح معاد قدر ينوض

صاحب المحل:😨😨😨
حازم:ينفض في يديه 👏🏻...عادي مدور شي
عزو:حزوم هي نحطوه في كوفيني السياره ونكملو شري الحوايج ونرفعوه للاستراحه يزردو فيه الاولاد
حازم:تم ياحبي
صاحب المحل😨😨😨😨

              ✨روايات بنووتة الشيخ✨

في الاستراحه:-
سيف:اااااااااااه
فيصل؛لي اخر مره نسألك منو باعتك
سيف:حد
عزو:فيصل شنو رايك في طرحه
فيصل:اطلع طووول...وطاااف ضرب سيف
سيف:اااااااه

ترن ترن ترن
حسام:تالفون منو هادا
حازم:تالفون الفرخ هادا
فيصل:جهاد يتصل بيه
سيف:هاااات التالفووووون
فيصل:هاك مالوماا
عزو:فتح الخط
جهاد:شنو صار معاك يابرو
فيصل:👊🏻👊🏻
سيف:ااااااه
جهاد:سيف؟😨
عزو:سيف ولا سكين😂
حسام:😂😂😂😂😂
جهاد:منو معاااي
عزو:خطيب بنت عمك
جهاد:😨😨😨ششنو وين سيف
عزو:سيف تفضل عندك مكالمه
جهاد:الووو
سيف:اااااه ياعن فيتك انت ومواضيعك يا بغل تعالا روح بينا قتلوووني
جهاد:وين انت
سيف:ااااااه
عزو:الوو
جهاد:وين انتم 😡
عزو:مدايرلي فيها شاطر وراجل تي كانك راجل متبعتش حد يضرب تجي انت فكرتني بي لقطات الابتدائي والله لما نجيبلك خوي يقرا في الثانوي😂😂
جهاد:بلااا دوه زايده وقولي وين انتم
عزو:خيرك مستعجل والله صوتك حلو في التالفون وبعدين مشاء الله شكله معبي رصيد خونا سيف
جهاد:وووووووين انتم😡😡😡
عزو:شارع الهلولولو تلقا حوازه علي دورين الدور السابع الشقه ع السطح تعالا نستنو فيك ...طووط طووووط

عزو:هي شباب دبرو وين تلوحوه الفرخ هادا
فيصل:تم ياحبنا كله

          ✨روايات بنووتة الشيخ✨

طبعا سيف وله لونه ازرق مخضر من الضرب ولوحوه علي الطريق

عزو:تقوووى تقوووى
تقوى:نعم
عزو:امتا تمشي الجامعه غضوا
تقوى:الساعه 7ليش
عزو:تمام اول متفتحي عيونك نوضيني عندي مشوار للجوازات
تقوى:بيرفعك بابا؟
عزو:لالا بيخطم عليا حزوم
تقوى:به تمام تصبح ع خير
عزو:تلاقيه انشاء الله وتقسميلي منه
تقوى:شن هوا
عزو:الخير😂😂😂
تقوى:مبرد وجهههك

تقوى:هادي فرصتي نخليه يشوفني وانا مساويه ع الاقل بالك ينسه منضري كيف فتحتله الباب 😭

احمد:الوو
تقوى:اهلين احمد كيف الحال
احمد:تمام
تقوى:غير بنقولك بكرا منبيش نمشي الجامعه متجينيش
احمد:اه به تمام انشاء الله
تقوى:بسلامه ....طووط طووط

تقوى:ناضت طلعت من دارها ...وين مفتاح سيارة بوي وينه وينه وينه اااه لقيته..نحطه تحت الصالون باش ميلقاشي

حازم:زعما نتلاقا معاها الفرخه غضواا اففف شن قاعد تقول ياحازم راهو اخت مالوما هادي مالوما خووك

               ✨روايات بنووتة الشيخ✨

سيف:تي معش تتصل بي دين امي فووووتني
جهاد:تي ياراجل ان.....طووط طووط

ثاني يوم:-
تقوى:افففف عزووو ليا ساعه انوض فيك الزفت
عزو:10جني
تقوى:ههههه تي نوض وقت
عزو:اخخخ به نايض

وهيبه:حيووته نوضي وقت عليك ره
حياة:لالا معنديش اليوم
وهيبه:به ارقدي

تقوى:عزووو توا كلمني الباص واقفه سيارته وصلني😭
عزو:لا يافالحه مش ماشي بي سيارتي انا بري بوي يوصلك
عبد السلام:مريتوش مفاتح السياره وقت عليااا
عزو:مريت شي
تقوى:استناااا عزو وصلني عندي امتحان
عزو:لااا يعني لااا
عبد السلام:ارفعها يافرخ انا ملقيتش المفتاح
عزو:اففففف اطلعي

حازم:ياصباح الرمان علي فراق ندمان
عزو:صباح الخير 😒
حازم:خيرك ناقرهم
عزو:بنحطو اختي في الجامعه
حازم:قلبه بيطلع ...به عادي
تقوى:السلام عليكم صباح الخير
حازم:😍😍😍

وطبعا طول الطريق حازم متوتر ويخطف في نضرات مره مره في المرايه وتقوى عاجبها حااازم موت

              ✨روايات بنووتة الشيخ✨

#تسريع_في_الاحداث

تمرر الايام والاسابيع
عزو:تمر ولا حليب😂
بنووتة الشيخ:ضم فمك وخليني نكمل
عزو:به اسف😂😂

تمر الايام والاسابيع وعزو يوتي في روحه هوا وحازم واليوم خلاص مزال ساعات علي موعد طيارته بس

في المطار:-
عبد السلام:دير بالك علي فلوسك يافرخ
عزو:داير بالي عليهم اكتر من حازم والله
هيام:كول كويس وليدي ربي يحميك
عزو:انشاء الله امي
مبروكه(ام حازم):حازم منوصيكش كتر من السوائل
عزو:شكله عندك امساك😂😂
حازم:صكر فمك مدخلكش😂

وتقوى وحازم بينهم نضرات غريبه

النداء الاخير لي الطياره
وسلمو علي بعضهم وتوجهو لي صالة الاقلاع
حياة:دير بالك ع روحك واول ماتوصل كلمني ع الفيس
عزو:حاضر ياقلبي خليفه عليا
حياة:امالا ع منو بنخاف
عزو:اوووويلي😍
حياة:زي موصيتك
عزو:تم حب حبي هي سلام
حياة:سلام...#يتبع