#ليلة_اكتمال_القمر
زهور جمال الدين(12)
والاخيرة
.
صبريه تبكى / يابنيتى ...مشيتى على امك وخليتيها .. كيف صار فيك وكيف دارولك ..مازلتى حية ولا قاتلينك ولا كيف
غمضت صبريه عيونها / استاحشتك يابنيتى اميمتك من غيرك كل يوم تموت الف موتة
افراح فى جسد نوارة / ايديا مربوطات ياماما ... فكيهملى .... شوفى الدم .... خدو الدم ...ااه جسمى يااام جسمى .. يوجع فيا ... جسمى
صبريه تبكى / من خداه الدم .... من ربطك
افراح / يدور فالمكان .... اهوا معانا ..معانا .. معانا .. معانا
صبريه شبحت لى حسنه/ اما مكان !!!!!!!!!! منوا اللى معانا ...
افراح/ اهومعانا ياماما .. اللى قتلنى معانا . اللى قتلنى معانا انا خايفة خايفه خايفه
صبريه تشبح لى حسنة زى اللى شكت فيها / متخافيش ياماما انا معاك يابنيتى
نوارة بدت تتاوه / ااااه .... ااااه
صبريه شبحت لى حسناء/ قالت اللى قاتلها معانا توة ..
-حسناء/ لاااا يا اميمه الكلام مش ساهل .. ومن هنااك معاك توة غير انا وامى وبوى..واحنا حاشانا من دم بنتك .. انشديها
على اسم اللى قتلها ولا حتى حرفه
قامت نوارة راسها وعيونها جاحضات/ليش خليتيه يرفعنى .. علاش خليتينى نمشى معاه
صبريه/ غير منهوا بس يابنيتى ..فهمينى
حسناء تهمس/ قالتلك المراة اعطيها خيارات ...مش كل شى تقدر تجاوبهولك
صبريه / اسمعى بنيتى .. انتى انقتلتى قتل ولا موتى موته طبيعيه
حسناء/ اعطى خيارات خير ما اضيعى الفرصة
صبريه/ انتى موتى موتة طبيعيه
سمعو طقة وحدة (يعنى لا)
صبريه صوتها يرعش/ انتى انقتلتى قتل
سمعو طقتين (يعنى ايه )
-صبريه ترعش مع بعضها / شن اسم اللى قتلك ..ولا اعطينى حتى اول حرف من اسمه
حسناء/ مش هكى ياودى..انتى اسألى وهيا اطقطق.. وسقدى روحك عمتك نوارة رقبتها بتنقطع وهيا صايخة
صبريه / اللى قتلوك ليهم علاقة بي وحدة من صاحباتك
سمعو طقة (معناها لا )
صبريه بلا تفكير / حسناء مرت خالك ليها علاقة بي قتلك
حسناء اتفاجئت بالسؤال و تلفتتلها 😳.... وسمعو طقة
(معناها لا )
حسناء تلفتتلها / مصح وجهك والله كان مش عيب نجبد ايديا ومايصير من هالتحضر...
صبريه/ مش انتى قلتيلى اعطيها خيارات
حسناء/ تنوضى تقولى اسمى
-صبريه/ ماتفهمنيش غلط انا منسأل ومنعطيها خيارات على خوالها وعمامها
-حسناء/ وانا فيش جيت
-صبريه/ انتى من ضمن خوالها.. ومش حكايه شاكة فيك .. اهو تو نسألها حتى على خوى مجيد وامى ..باهى هكى
صبريه تلفتت لى نوارة / خالك مجيد ليه علاقة بي قتلك
سمعو طقتين ( معناها ايه)
اتفاجئو..قولو انصدمو ...صبريه شبحت لى حسناء.. ورجعت تلفتت لى عمتك نوارة اللى راسها طايح وتسال فى بنتها
صبريه/ مجيد ...خالك مجيد خوى ..ليه علاقة بي قصه قتلك
سمعو طقتين
صبريه/نسال مجيد خوى راهو !!!!؟
سمعو طقتين
أنت تقرأ
ليلة اكتمال القمر
Lãng mạnللكاتبة : زهور جمال الدين ، رواية تحمل سر كبير ، و متاهات قصة من داخل المجتمع الليبي 🔥
