في الصميم
ضحى محمود
فطومة بت حلووة وطيبة وعلى نياتها ومابتحب تزعل زول خصوصا امها وابوها ومابترضى فيهم الحتة وبالذات من اخوانها بتشاكلهم داايما لو زعلوا امهم وابوهم.
فطومة امتحنت تامن وكانت شااطرة عشان كدة جابت مجموع حلوو ودخلت مدرسة نموذجية.
حتى في الثانوي كانت شاطرة ومحبوبة من كل البنات المعاها بالذاات صحبتها شذى بت كدة سنفورة وعندها غمازات وحلاات الدنيا عليها وصحبة فااطمة شدييد ومابترفض ليها طلب ابدا.
نرجع لفطومة وهي برضو سنفورة وسمرا لونها حلوو وشعرها حلوو وماسمينة لكن معقوولة ومابتشتغل بحاجة اسمها اولاد ابدا ابدا.
شذى عندها اخوها الاكبر منها كان بريد فاطمة ودايما بكلم شذى عشان تكلمها بس شذى دايما بترفض بحجة انو فطومة مابتشتغل بالمواضيع دي كتيير رغم انو كان جاادي ومستعد يطلبها من ابوها وشذى بتنتظر في فرصة عشان تكلم فطومة .
فطومة وسط بين اخواتها عندها احمد وخالد اكبر منها وندى ونادية تومات اصغر منها.
فطومة في السنة الاولى كان عندها واحد صاحبها شدييد (صاحب بس ياجماعه).
ومرة كانت بتتكلم معاها بالتلفون وهو ببقى ليها يعني ماجابتو من الشارع لكن امها لم عرفت زعلت منها شدييد لانها بتثق فيها شدييد ومااتوقعت فاطمة تعمل كدة.
المهم بعد الموضوع ده فاطمة كسرت حنك الاولاد عموما وبقى ماعندها حاجة للاولاد عموما وفجأة.
يتبع...
