في الصبح الساعه8
اليوم اول مره انوض نشيطه لاني امس من التدهوير في المول عييت😂😂 مش رقدت بدري نضت غسلت وجهي ونزلت
ميرا:صباح الخير
قمر#كرم:صباح النور
قمر:غريبه نايضه بدري قبل لساعه 11ما اتنوضي
ميرا:😂😂نشاط ياماما
كرم:😂😂
قمر:ميرا عدي نوضي ميس
ميرا:به😈وعديت لدار ميس اول ماوصلت قعدت اندربك وانغني عالباب وميس رمت عليا المخده😂
ميس:خليني نرقد
ميرا:نوضي يابخيله ومزلت قاعده اندربك وميس رمت عليا المخده التانيه
ميس:تي باهي خلاص نضت ومن كان اينوض متاخر
ميرا:حسوووده😂
ميس:حاسداتك على شنوا على سبا اتنوضي متاخر
ميرا:😂😂😂وعدينا نزلنا
ميس:صبااح الخير
الكل:صباح النور
فهد:غريبه ميرا نايضه بدري
ميرا:عين الحسود فيها عود توا غضوا النوض الساعه 5العشيه
الكل:😂😂😂
بعد مكملنا الفطور وغسلنا الماعين
قمر:هيا ضمن اني منعدي للسوق امنشري شكلاطه وحاجات للضيافه نسيتن اليوم بدجي مروه
ميرا:ايه حقا
قمر:كرم ترفعني
كرم:هيا وتي روحك مابين انسخن السياره
قمر:به
وبعدين عدت ماما
وبدينا ضم في الحوش لمعنا وكنسنا وبدلنا دبشنا
ميرا:ميس بيجن بنات عمي
ميس:مشعارفه اكيد
على خشه بنات عمهم
ميرا:ادكر القط ايجيك اينط
ميساء:😂😂اتلزي فينا
ميس:لالا تفضلوا 😂😂
اريام:زايد فضلك
وبعدين روحت ماما ونضمنا الحجات الي شرتهن
طق طق طق طق🚪🚪
قمر:ميراعدي افتحي الباب
ميرا:به وفتحت الباب
مروه:اهلين
ميرا:اهلين بيك اتفضلي
مروه:زايد فضلك
وخشت هيا وخويا قمعزوا
قمر:أهلين بكنتنا سلمك جيايا
مروه:سلمك ياعمتي كفحالك
قمر:الحمد الله وانت كيف حالك يامجد
مجد:تمام يامي
وبعدين هدرزنا وروحت مروه
ميرا:يابنات حسني فرحانه بالزرده
البنات:ايه والله هيا احني مروحوا سلام
ميرا#ميس:سلامات💕
وروحن عديت لبست توته وقمعزت عالنت وفتحت الواتس اب منهدرز مع صديقتي اسمها لجين
ميرا:هاي لوجين كيف حالك
لجين:تمام كيف حالك انتي
ميرا:تمام واللهي ليك وحشه
لجين:واني اكتر
ميرا:غدوا منعدوا للزرده
لجين:الله
ميرا:لجين
لجين:نعم ياميرا
ميرا:عادي ادجينا بعد غدوا
لجين:مشعارفه غدوه انرد عليك سلام
ميرا:سلام💞 وعديت قعمزت في الصاله
قمر:يابنات غدوه الزرده نبيكن اتوتن معايا يلي امننقلوهن غدوه
ميرا :اففف واللهي مخاطرني
فهد:مصح وجهك مش تبي اتعدي واتنفخ مصح وجهك ايقلد اففف واللهي مخاطرني
ميس:😂😂
ميرا:نننننن مدخلكش عدي وتي معاها انت
قمر:خلاص هيا يابنات تعالن معايا انوتوا وانت يافهد عدي اشري اللحم واشري مشروب وحاجات لغدوه يلا
فهد:اففف يامي واللهي مخاطرني
قمر:قلت عدي
ميرا:من امبدري ايعارك مصح وجهك ننننن واتنفخ نننن وهانك انت اتنفخ😂😂
فهد:😂😂
قمر:تي هيا ميس بس الفالحه
ميس:😍😍
وبعدين وتينا الحاجات لغدوه ورقدنا
__________
في مكان خارج ليبيا
على سفره الفطور🍳☕🍴
سلام:اححم عندي موضوع ليكم
كمال:نعم بابا
منعرفكم على عيله عمي كمال اكبر واحد مواليد 96
وسليم واحمد والبنات جيهان واكرام
سلام:منخبركم غدوه انشاءالله منروحوا لليبيا ومنولوا لي حوشنا
جيهان:حقا😳
كريمه:إيه ياحبايبي
اكرام:ايييه😍
سليم:وانتي زي العيل
الكل:😂😂
سلام:خلاص اتوافقنا
الكل:ايه
__________
في الصبح الساعه 7
قمر:ميييرا ميررا
ميرا:😴😴
قمر:واللهي مافي حل تاني عدت جابت طاسه اميه وبزعتها عليا
ميرا:اعععع😫
قمر:تستاهلي نوضي سادك يافرخه مش بنعدوا للزرده
ميرا:ايه حقا ونضت جريت زي العفريت للحمام
قمر:بسم الله زي الجن😂😂 وعدت نوضت ميس وفهد
وبعدين فطرنا وحطينا الحاجات في السياره وعدينا لحوش جدي
جمال:احمم منقسمكم في السيارات كل وحده مع راجلها والي مع امير هما ميرا وميساء وريم ومرام وسيف والي مع فهد اريام وبسمه وميس ومروان ومهند
وبعدين كل واحد عدا في السيارات
ميرا:اففف اولع مكيف
امير:واتري فيا السواق امتاعك منيش
ميرا:ايه كرميش ايكرمشك انشاء الله يارب
امير:فيك احمم دعوت الخنازير مش مقبوله لانك خنزيره
ميرا:هه وانت كلب ودعوه لكلاب مش مقبوله
مهند:تي خلاص بدون اهبال
ميرا:انت شن دخلك
مهند:دخلني الباب
الكل:😂😂
ميرا:متقل دمك
مهند:لا والله حسستيني انك دمك خفييف والله
ميساء:الله شوفوا سياره فهد والعين اغاني وجو
البناتوالاولاد:الله ياريتنا مع فهد
امير:خلاص عدوا وبعدين امير حمق ولع الاغاني بقووه لين طبله الادن ابتنفلق وبدا تسطريب وجري وميت ضحك على اشكالنا
البنات:يضحكن وخايفات في نفس الوقت 😂😂
ميرا:ياماما 😂😂
امير:ياجدي امك مع بوك مش هنا 😂😂
وبدن السيارات ايديرن سباق وفاز امير وبعدين نزلنا من السياره
ميرا:اهه ياظهري
امير:لاباس عليك ياعزوز
ميرا:ننننن😂😂
قمر:هيا بدون اهبال نزلوا الدبش
وبعدين نزلنا الدبش وقعمزما انهدرزوا احني والاولاد وبابا وعمامي يشووا في اللحم والدجاج وماما ونساوين عمامي ايدرن في اسلاطه وخبزه تنور😂🤤🍗🍖🍜🍷🍽
وبعدين كلينا وغسلنا الماعين وقعمزنا احني والاولاد انهدرزوا
ميرا:شرايكم نلعبوا صراحه تحدي
ميساء:ايه واني منديرها
الكل:به
ميساء:دورت الشيشه وجت علي امير وميرا
امير:صراحه ولاتحدي
ميرا:صراحه
امير:عندك حبيب
الكل:ايشوفوا بصدمه ليميرا ايراجوا في ردها😳
ميرا:تبي تقهر امير ايه عندي حبيبي ربي يحفظى ليا
امير:😳وشن اسمى ابعصبيه😡
ميرا:سؤال واحد بس مش عشره اسئله وخيرك بسم الله قريب تاكلني امالا ناغر
امير:هههه ناغر😂
ميرا:ايه واضح واضح مش ناغر والله قال😂😂
بعد اللعب والتلبيز والجري
جميله:هيا منروحوا زي مجموعه قبل هيااا
حطينا الدبش في السياره وكل واحد تاعب اني من التعب رقدت في السياره بعد موصلنا
امير:تي هيا نوضي شن راقدتيلي في السياره وكلهم نزلوا اففف
نوضني وسندني عليه وغنم الفرصه
امير:ميرا
ميرا:كنت انهلوس هاه
امير:حقا عندك حبيب
ميرا:هاه لا بس كدبت علي امير بيش انشوفى ايغار عليا ولا لا
امير:اييه به امنسالك سؤال اتحبيني
ميرا:صحيت علي روحي نضت القيت روحي قريب نوصلوا الحوش
امير:هاه شن قلتي اتحبيني
ميرا:قلعت كندرتي وضربتا بيها حبك قراده انشاءالله اتحبيني قال قال والله😂
امير:ياكلبه اه
ميرا:مديت الساني تستاهل وعديت لي حوشنا فرت زي العفريت
امير :😂😂
عديت بدلت دبشي وطف عالسرير نطيت واول ماحطيت راسي علي المخده رقدت😪😴
__________
سلام:كريمه
كريمه:نعم
سلام:اتصلت بي خويا بس خبرتا غدوه بيجينا ابيستقبلنا في المطار وقلتلا متخبرش حد
كريمه:ايه به احسن😊
سلام:هيا وتوا شناطيكم منعدوا للمطار تبينا امتى نوصلوا لي ليبيا
كريمه:ايه صدقت به
وعدت مرت عمي وتوا شناطيهن
__________
ميس:ميرا ميرا
ميرا:😴😴
ميس:توا انردلك الصاع صاعين زي ميقولوا كما تدين تدان😈😂😂
وعدت ميس جابت كشيك وطنجره وبدت تخبط في الكشيك عالطنجره واتغني
ميرا:اعع ياكلبه اففف توا انوض
ميس:مدت السانها😂😝
نضت غسلت وجهي وتوضيت وصليت ونزلت
ميرا:صباح الخير
الكل:صباح النور
كرم:في العشيه منعدوا لحوش جدكم عازمينا
قمر:به
البنات:الله منعدوا
فهد:لاتقول معد شافوا اجدودي ليهم سنه ولا سنتين تيهما امس بس شافوا بعضهم🤦🏻♂️🤦🏻♂️😂😂
الكل:😂😂
ميرا:حسسود حسسود ضروري منقرا عليا مش ميعينيش ونبدا نكرهم حقا ماما امتى منعدوا لي خوالي😂😂
قمر:الاسبوع الجاي منوتوا معاهم للعرس
ميس:ايه الله توحشت خوالي
منخبركم ماهوا عرس خالتي قريب ايجي
يتبع......
