بكل فخر استطيع ان اقول اني احبببت سيد الرجال .🖤🌍🔗.
♥️____________________________♥️
نبأ
كعدت الصبح كعدتني امي عمود نروح لبيت عمي ابو حسين لئن اليوم الصباحيه مالت زينب كمت اول شي حاجيت حسن كتله راح اروح لئن هوه كلي اي مكان ترحيله تكليلي حتلو ادري قبل يوم كتله وطبيت للحمام سبحت وطلعت لبست بده طويله لئن اكيد اكو ولد ولبست حجاب اسود لئن البدله رصاصيه اخذت عباتي وجنطتي ولبست الحذاء ونزلت جوا لكيت اهلي مخلصين صعدنه بسياره وصلنا لبيت عمي طبينه لكينه عمتي انسام لئن هيـﮫٰ بايته من امس وعمتي شيماء وبناتهم سلمت عليهم ورحت يم البنات كتلهم
نبأ :وين زينب
البنات: جاي تسبح كتلهم
نبأ:حسين فوك لـ؏ــد.
البنات :ـلاا طلع من مساع
نبأ:اوك لـ؏ــد. اني رايحه يمهه منو فوك
البنات :بـَسہ ساره وبت خالتهه عمود يسون شعرهه
صعدت فوك دكيت الباب كلتلي زينب ادخل دخلت وهيه جانت جاي تمشط شعرهه رحت شبكتهه عبالك صارنه اشهر ما شايفين بعض سلمت عليهه وبعدين كعدت تبدل واني اباوع لغرفتهه ولشقتهه لئن ما شفتهم ابد حته الهدوم مالت الحنه عماتي اخذوهن واخذو زينب ورتبوهم اني مرحت وياهم لئن البنات يمنه عيب اتركهم باوعت للغرفه مالتهه تجنن كعدت تحط مكياج كتلهه اوكفي اني احطلج الايلينر لئن يجي بيدي عدل اضبطه مثل الحلاقات صدك حطيتلهه خلصت مكياج ورادت ساره تسوي شعرهه كتلهه ـلاا عوفيهه وانزلي خاف يحتاجونج اني هسههہ اسوي
اسماء بت خالت ساره كالت :اي واني هم اساعدهه نزلي انتي احنه نكمل
صدك راحت ساره واني كعدت اسرح بشعر زينب واسماء تبرمه سوينالهيه هيج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلنه اني واسماء وخليناهه تبدل طبيت للمطبخ شفت حسين
نبأ:الف مبروك
حسين :الله يبارك بيج يوم اللج نباوي
نبأ:تسلم
طبعاً اني استحي كلش من حسين وهوه كذالك معنو ابن عمي بـَسہ ما اعرف ليـشہ كلش استحي من اشوفه وحاجي بهدوء وره شوي. ونزلت زينب لابسه قفطان ماروني سلمت ؏ امي وراحت تسلم ؏ ابوي وخواني بعدين رجعت اجو الاقارب واجت عمتي نهى كمت سلمت عليهه وع رهف وياسمين وكعدنا اني ورهف وريم وساره نسولف اما زينب يم اهل عمتي ام حسين كاعده بنص خالاته وبيبيته وصبا وياسمين يسولفون سويه طنجره ولكت غطاهه كعدت ساره تسولفنه ؏ حبيبهه ورهف صافنه عليهه واني كلساع اطك رهف واكلهه شبيج من مندمجه وهيه تكلي سكتي خن اسمع قصت روميو وجوليت 😂😂😂
