في منطقة هادئة فيها غير شجر ومزرعة و قصر كبير كي تاع افلام 😯ً تعيش فيه البطلة تاعنا : رانسي المشهورة بغجرية بنسبة لجمالها عينيها خضورة وسمرة بوبية وطاي ديالها مانكا في عمرها 21سنة تقرا في جامعة 👩🎓 شخصيتها قوية وطموحة مثابرة وتحب تضحك وحنينة بزاف بصح قبيحة وحتى واحد مايدنا ليها لأنو هي حفيدة السي سلطان رجل كبير وكامل يخافوه في منطقتهم بزاف قبيح وكلمتو غير هي لي جوز عليهم عايشة في قصرو مع باباها ومرتو يماها توفات كانت مريضة كي كان عمرها 8سنين عندها ختها صغيرة ايناس عمرها 13 سنة من بابها تحبها بزاف اما امها تحب دائمآ تفرقهم وتزرع حقد بيناتهم 😈😈 ( الاب اسمو محمد ومرت بابها المسمامة سميحة ) وهادي هي صورة بطلة ديالنا رانـــسي :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تشبه الغجريات كل طايح فيها لوف اما هي كان عندها حب طفولة في قرية لي تعيش فيها جدتها تاع يماها لي محرمة تروح ليه بلا سبب 💔ً
نبداو بلقصة مع بارتيات اخرين تتعرفو عل بطل ~~ ً ناضت من نعاسها ثاوب عينيها مغلوقين من سهرة بارح دخلت عليها ايناس تجري وتلهت : رانسي بصوت مبحبح ورقيق: ممم وشبيك صباح ربي تجري 🏃♀️ هكا تقول هاربة إيناس: يااو اجري بابا وماما طالعين ليك دخلي دوش راكي راقدة بحوايج تاع سهرة مهبولة ناضت تجري 😂 علبالها نفس حكايات علاه خرجتي وين رحتي نص ليل وهي راسها خشين دير وش تحب جات سميحة وبابها كي عسكر : ☠️ سميحة : راااانسي رانسييي شت قتلك مكشها منعرف وين بايتة محمد: حبسي من هاد هدرة يا مرا معنديش طفلة تبات برا بلا اذن ذك نعيطلها سميحة بخبث: انا قتلك نزوجوها لكاش واحد تستعقل من قباحتها معدتش نحمل كثر ... سمعت رانسي هدرتها زودتها جات طيح دمعة شدتها تنهدت وخرجت بسربيتة فوق راسها راني: بونجوغ بابا بونجوغ سميحة ، هههههه تضحك وتمشط في شعرها سميحة : منيش قدك انا شحال من مرة نقلهالك اهدرً معاها يراجل 😢😢 محمد: رانسي بركاي ملعب دراري مكيش صغيرة وين كنتي ديجا قاتلي سميحة ، (قرصاتو سميحة باش ميفضحهاش ) اه خدامة شافتك خارجة فليل بتخبية مازلنا نسيتي وش صرا عمليفات ! رانسي : منسيتش وكنت هنا 👈 فبيتي ولا دايرين عليا عسة اصلا خدامة راحت بارح لدارها 🙄 وش حسبالكم معلباليش وش كاين فدار سميحة : كي كنتي هنا علاه غالقة بيتك محمد : انا نروح راني روطار وهدرة معاك عشية بنتي انا راني خايف عليك اتهلاي خرج وخلا سميحة معاها تطلق في سمها رانسي : ايه بابا راح وش راكي تسناي. سميحة في قلبها حسابك من بعد عندي : 😈😈ًراني خارجة راحت وجات ايناس ايناس : هوووف مزيا راحو تعرفيهم ، احكيلي وش درتو بارح وانا نقعد نخبي عليك كاش نهار اديني معاك رانسي : هههه مزالك صغيرة تكبري نديك ايناس : نفس هدرة افف هايا لبسي باش توصليني. لبست رانسي وخرجو يجرو بلا ميشوفو جدهم تسوق بسرعة وختها تعيط وهي تضحك مجنونة 😜 ايناس: يااااا كلبة دايمن هكااا نولي نجي مع شوفور رانسي ميتة بضحك : 😂😂 ناس تتمنا تركب معايا تفوه عليك ودعت ختها وهي تضحك متوجهة للجامعة 💓💓 ————————————————————————-واش رايكم بنات نكمل ؟ مقدرتش نصبر للعيد ههه 😂 حطيتها اليوم تفاعلو وجيبو صحباتكم 💓💓💓💓💓💓💓💓💓💓💓💓💓💓💓 ......................................................................... Piiiiiwwwww piiiiwwwwww
