باباها حاير وش يدير علجال بنتو جا طبيب 👨⚕️ شاف حالتها
طبيب : بنتكم راهي في صدمة عليها تصرعت
سميحة : لا صدمة لا والو هدا فشوش نوضي بركاي متزايدي
خزر فيها محمد نار شاعلة فعينيه تاع اخرجي ولا نبهدلك
خرجت تجري للبيتها
طبيب : عطيتلها مهدئات تشربهم وراحتها نفسية مهمة نتمنى متعبوهاش باش تتحسن
ودع طبيب غلق لباب عليها وراح
———————-
ايهاب عطالو مراد دراهم بصح طلب منو ينفذ مهمة سرقة مستندات مهمة من قصر ستسلم للوضع ملقى غير هاد الحل
قاعد في بالكو يتكيف ويشوف فسما يتفكر اخر مرة كان بين عايلتو
قبل 7سنوات :
ايهاب في عيد ميلادو 17 في دارهم مع يماه
ام: ايهاب وليدي نوض ماما تروح تقرا
ايهاب : ماما خليني نرقد ديجا ليوم عيد ميلادي كون منروحش خير ههه
ضرباتو لكتفو ونوضاتو ناض عنقها
ايهاب : نحبك ماما راني نايض
ام: حتى انا نحب وليدي عزيزي
دارتلو فطاير بفرماج قاعد ياكل وفرحان حتى جا باباه تبدل وجهو يخزر فيه
الاب بحالة سكر🍺🍺 )رهج نوض تقرا قاعد كي بيبي تتفشش عليها.
الام: خليه ياكل علاه راك ديرلو هكا ليوم عيدميلادو وقريب يجوز باك ديالو
ضربها بديزة لعينها طاحت
ناض ايهاب : يما يمااا نوضي وش درتلها يكلب ااااااععع
الاب : انا كلب انا يوليد لحرام ارواح هنا ضربو حتى ولا يرعف حبس علا صوت مرتو تعيط خرج وخلاهم طايحين
الام: حبس حبس خلاااص الا وليدي لا لا ايهاب روح اخرج
ايهاب يبكي : منروحش منخليكش وحدك
عنقها يبكو كيفكيف فلارض
ايهاب ؛ يما هيا نروحو.....
**********************^^^^^^**************
فطنو صوت باب يطبطب رما ڤارو وخرج يشوف شكون فتح باب لقاه مول دار مشنف وداخل يهدر
مول دار: مدابيك تخرج من. داري هادي ثلث شهور ملي جاز عام علا كرا مخلصتنيش قبل ميكمل هدرتو رمالو ايهاب دراهم فوق طابلة تقلب وجهو ولا يتلحلح كي ستوت
مول دار: ايه انا ماشي قصدي نحاوزك مي كي طولت وراك تعرف نحسبكً كي وليدي ههه 😏
ايهاب فتح لباب : تقدر تخرج 💁🏼♂️ 🚪
رفد دراهم ويضحك وخرج : هيا باي باي غلق لباب.
دخل ايهاب : من نهار نهارك طحان تاع دراهم كون ماشي بري شويا ناقص وبلاصة بعيدة منكريش عندك رما روحو فوق 🛏
ورقد 🛌 😴
أنت تقرأ
🖤حب مجنون 🖤
Adventureحب مجنون من كتباتي مغامرة وحب بين بطلين ايهاب ورانسي 😍 من مشاجرات الى حب قوي متين ♾✖️
