سلمى:انت
:ايوه انا مالك خوفتي ليه (وبيحاول يمسك ايدها عشان يطمنها)
سلمى اترعبت حرفيا وذكرى اليوم ده رجع فى عقلها من تانى وقامت قعدت فى ركن فى الارض وضامه ايديها لرجليها واخده وضع الجنين وتقول ليه: ابعد عنى ابعد عنى انا اختك ارحمنى ابوس ايدك ابعد عنى ااااااااااااااااااااااااه
واغمى عليها بس كان الكافيه كله اتلم عليها وساره جات على الصريخ وشافتها
ساره بخوف:سلمى سلمى فوقى والنبى فوقى سلمى (وكانت بتعيط)لما شافت مراد قالتله:انت ايه الى مرجعك تانى مش كفايه الى عملته فيها من سنتين مكافكش ابعد عنها بقا ياخى وسيبها فى حالها
(اما مراد مسمعش منها ولا كلمه وكان خوفه حقيقى على سلمى):سلمى قومى.حاول يشيلها ساره منعته: متقربش منها تانى ابعد
مراد: طب هى تعبانه هوديها المستشفى مش هتقدرى توديها لوحدك والنبى مش هتشفونى تانى فى حياتكم بس اقومها
ساره كانت خايفه على سلمى اوى بس خفها الحقيقى كان لو سلمى شافت مراد تانى هيحصلها ايه فقالتله:خلاص ماشى يلا بسرعه
شالوها كلهم ودوها المستشفى قعدت جوه فتره وهما كانوا مرعوبين عليها
الدكتور خرج جريوا عليه
ساره:طمنى يادكتور سلمى مالها
الدكتور:دى كان عندها انهيار عصبى وادتها مهدا بس محدش يعرضها لاى ضغط نهائى
ساره:شكرا يادكتور
الدكتور: العفو ده عملى
وسابهم وخرج ساعتها ساره افتكرت ان مراد لسه واقف
ساره بحده: اخرج بقا وسيبها فى حالها حرام عليك انت ايه مش بنى ادم
مراد:اسمعينى بس انا ندمت بجد وهيا مراتى وعايز اعوضها
ساره بسخريه: ندمت 😏 ندمت على ايه ولا ايه على السنتين الى تعبت فيهم جدا ولا على جرح قلبها ولا على الثقه الى ادتهالك وانت خونت الثقه دى جاى دلوقتي اقول مراتى متطلقها ياخى وتريحها خليها تشوف حياتها بقا
مراد:هيا حالى ومش هسيبها ابدا
قاطعهم صوت الممرضه:المريضه فاقت
ساره: امشى بقا قبل ماتشوفك وتتعب تانى
مراد:حاضر
ومشى مراد ودخلت ساره لسلمى لقيتها قاعده كوضع الجنين وبتعيط
ساره: اهدى يا حبيبتى مشى ومعدش هيجى تانى ابدا خلاص مش هيجى بس انتى اهدى
(اخدتها فى حضنها وفضلت تهديها لحد مانامت بعد فتره فاقت وافتكرت تانى بس معيطتش
ساره :حبيبتى فوقتى الف سلامه عليكي
سلمى: والنبى يا ساره والنبى خليه يبعد عنى انا كرهت الرجاله كلها بسببه خرجيه من حياتى انا تعبت بقا تعبت
ساره: خلاص يا حبيبتى هبعده ومعدش هيجى تانى بس هطلب منك طلب وارجوكى توافقى
سلمى:حاضر بس عايزه ايه
ساره: عايزاكى قويه اقوى من كده بكتير متخليش خوفك ياثر عليكى واجهيه اقفى فى وشه زعقى ليه اضربيه اعملى اى حاجه بس متبقيش ضعيفه كده
سلمى:انتى عارفه انى حاولت بس اما بشوفه بفتكر اليوم ده وبخاف اوى ومبقدرش اكلم خالص والله بحاول وهحاول انشاء الله بس خليكى جمبى
ساره: هو انا عمرى هسيبك ياهبله انتى
سلمى ابتسمت وسكتت
بعدها عملو اجراءات الخروج وخرجوا رجعوا البيت تانى
ساره:سلمى بقولك خالتى عايزانا نروح ليها اسكندريه عشان واحشنها تعالى نروح وبالمره نغير جو
سلمى: طب والمحاضرات
ساره:نبقى ناخدهم من صحابنا لما نرجع
سلمى: اوك
ساره: قومى نعمل الشنط
سلمى: اعمليهم انتى انا تعبانه وهدخل انام
ساره: حاضر يحبيبتى ارتاحى انتى بس
سلمى: ربنا يخليكى ليا
سلمى دخلت تنام وساره عملت الشنط كلهم ونامت هيا كمان
جيه تانى يوم قاموا من بدرى صلوا ولبسوا ونزلوا ركبوا وسافروا
وهما فى الطريق
ساره:بت ياسلمى بقولك
سلمى:نعم
ساره: اول مانوصل نودى الشنط ونروح الملاهي
سلمى:الاه انا عايزه اروح بسرعه
ساره بمرح: اهدى ياهبله كده دانتى هتفقعى الى هيبقى جوزك
سلمى بصت ليها بحزن
ساره:انا اسفه والله نسيت خلاص متعكننيش علينا
سلمى:لا خلاص بس ركزى فى السواقه وخلاص
ساره:ايوه كده خلاص هركز اهو
سلمى فضلت طول الطريق سرحانه وحزينه جدا
وصلوا
فاديه(خالتهم): تعالوا يابنات وحشتونى اووى
وحضنوها هما الاتنين
فاديه: خشوا استريحوا يا حبايبى ولما تقومه هحضرلكم الغدا
ساره وسلمى:اوك
ودخلوا ناموا واكلوا وراحوا الملاهى زى ماتفقوا
سلمى بطفوله:الاه اللعبه دى جميله اوى تعالى نلعبها
ساره:انتى هبله يابنتى انتى اخر مره ركبتيها لمتيتى علينا الناس
سلمى:والنبى والنبى
ساره:خلاص بس ان صوتى هزقلك من فوق
سلمى:ماشى
اول ماركبوا سلمى فضلت تصوت وتقول نزلنى اااااه نزلوني
ساره:مانا قولتلك
سلمى: خلاص هسمع كلامك اخر مره
نزلوا وقضوا اليوم فسح ولعب وانبسطوا جدا
جم يعدوا الطريق العربيه خبطت سلمى
ساره: سلممممممممممممممى
أنت تقرأ
لسه فيه امل
General Fictionكانت واثقه فيه جدا خان الثقه دى وبقا اكتر حد هيا بتكرهه فى حياتها بس هو بيحاول هل هينجح ويبقى لسه فيه امل ولا القصه انتهت كده
