Masarap magmahal ang isang PUTA.
Marumi ang tingin sa kanila,
latak ng lipunan ika pa nga ng iba
mga babaeng kani-kanino nagpapakana
O, kaya’y iba-iba na ang nakasamaNaroon sila sa pinakamaliwanag at pinakamadilim
Nakasuot ng pipiranggot na damit, minsa’y wala pa nga
Nakapustura’ t mapang-akit ang mga tingin
Naghihintay ng lalaking daratingSabi nila ‘y di marunong magmahal ang puta.
Dahil para sa kanila pera ang mahalaga
Gagawin ang lahat kumita lamang ng kuwarta
Kahit pa gamitin ang katawan pang-aliw ng ibaPero isa lang ang maipagmamamalaki nila,
Hindi basta-basta nagmamahal ang katulad nila
Sa iisang lalaki lang nila binibigay ang tunay na sila
Iisang lalaki lang ang nagmamay-ari ng puso nilaDahil alam nila kung ang lalaki, gusto lang ay saya
O, kaya’y sila ba talaga ay tunay na may halaga
Batid nila kung ano ang pampalipas oras sa hindi
Ramdam nila kung ang hangad – katawan o silaIsa lang ang kayang ipagmalaki nila na mayroon sila
Kaya nilang magmahal nang wagas at walang kapalit
Sa taong mahal lang nila inihahalik ang kanilang labi;
ito lang ang makapagsasabi kung sino sila.