لن تكن لي 🎻🍃

part 2

دخلت لبيتهم جان بيتهم كلش بسيط يعني بيت عادي جدآ كدام الباب درج وبصف درج مطبخ وحمام وعلى اليمين صاله و وفوك طابق ثاني بي غرف واخيرآ  السطح .. 

كعدت بصاله دخلت عمتي تحضر اكل .

دخلو هواي ولد ماعرفت كم واحد لان جان شعور الخوف والرهبه مالكني

احسان : شلونج شجونه ولله كبرانه اخر مرة شفتج قبل 8 سنوات

شجن: هلو عمو

احسان : شجو اني اسمي احسان عمري 30 سنه اخوج الجبير اي شي تردي تجيني اني عندي بنت وولد بكد عمرج تقريبآ  حبيبتي ف ابد لا تستحين 

شجن : شكرا

احسان: خلي اعرفج على الي بالبيت .

هذا ابراهيم عمره 25 سنه طالب كليه قانون واندعيله يتخرج لان خزانه  ربعه تخرجو 😂

ابراهيم : لا يا الله معليج بي حبيبتي اني اخوج برهم احسان كبر وخرف اني هل سنه اتخرج 😅 بس اندعيلي

احسان : يله على كولتك مو من اول لقاء نشرك عل حبل  😂😂😂 

اسمر : سلام !

ابراهيم : شجونه هذا اسمراني عمره 20 ثكيل وصاك من تكبرين نزوجه الج 😂😂

احسان: ابراهيم انجب خجلت سمرة

اسمر: هلو شجون شلونج

شجون : زينه

ضياء :  شجونه اني ضياء اخوهم الاصغر اله شويه😂 عمري 18 وهذا محمد اخر العنقود عمره 15 وكلحنه اخوتج بعد شتردين عدج 5 اخوة ياكلون الي يحاجيج بسنونه 😌

الخاله : يمه شبيكم وخرو عنها بنيتي موتوها كومي يمه خل اوكلج

شجون: من خالتي كالت هيج تذكرت امي من تكعدني توكلني 😔
كمت يمها وكعدت هيه توكلني بيدها وراها كامت غسلت الموعين وفوتتني للحمام سبحتني ومشطتلي سوتلي شعري ضفيره ولبستني تراك  بنفسجي رياضي وكعدت يم الولد

ضياء: الله شهل خدود دبدوبه

شجون: ليش تكولي دبدوبه 😢😭😭

ابراهيم : لا تبجين ولج اريدج تصيرين قويه يكلج دبدوبه كليله يالمعصعص ما ماكله بجدرك 👊

ضياء: اكعد ولك لا تعلمها هيج .

ابراهيم: اعلمها واخليها تكسر خشوم وكلوب 😂

احسان : شجونه هذوله علاوي ابني عمره 10 وهاي حلا بتي عمرها 6  وامهم حامل

شجو: تشرفت بمعرفتكم 😊

مرت الايام وهمه يعاملوني مثل بتهم واحسن

يمه اسمراني اخذ شجو لسوك اشتريلها كم شغله كتبتهم الك بورقه وشوفها شتريد اخذلهيا ..

رحت لسوك  شفت المحلات مو مثل مولاتنا محلات بسيطه

ياربي محلوات الهدوم

اسمر: ليش مو هذني  هدوم

شجو: اريد برمودات وبديات

اسمر: لا ما عدنه بنات يلبسن هيج لبس

شجو : وانت شعليك اني اريد البس هيج لبس

اسمر: امشي نرجع كدامي يلااا

رجعنا طبيت اسمر انطه امه الفلوس وكلها صاعد انتي روحي وياها اني ماعرف لهدوم البنات بس متشتريلها برمودات وبديات ..

اهووو هذا شبي مسوي روحه ابويه كبر

اني انام يم خالتي لان ماعدي غرفه منتظريني اكبر علمود يسولي غرفه هسه اخاف ...

خلصت العطله واجه الدوام ابراهيم حظر جنطته واخذ اكل وفلوس وراح للكليه  مالته بالبصره هو قسم داخلي

والولد الثلاثه يدرسون مدارس .. اما اني ف خالتي ما سجلتني خلتني يمها اتعلم خبز طبخ 

صار وقت التخرج وتخرج ابراهيم وحضرنا حفله تخرج مالته وخالتي فرحانه كلها تهلهل وتركص ههه اول مرة احضر حفله تخرج ..

ابراهيم يمه مو تخرجت اريد اشوف جهالك يمه عمرك 25 اني زوجت احسان من عمرة 19

ابراهيم : يمه خل اكون حالي واتزوج لاحك على الضيم

يمه اني عندي الك مرة تعجبك

ابراهيم : بكيفج يمه بس هسه انتي بلكوة متحمله مرة احسان وجهالها ومصاريفهم احسان هم عاف المشتل وكعد يوم يشتغل وعشره لا

يمه انت لا دوخ روحك انت ابني وهم اريد اشوفك مستقر ومخلف راح اخطبلك ابتهال بت عمتك

ابراهيم : يمه اخذي وياج هدى خطيه تغير جو
.
.
رحت وي خالتي وباجي هدى نشوف العروس

الخاله : اشلونج ام كريم

هلا ولله عاش من شافكم

الخاله : ولله مشاغل بس اني جايتج بطلب

عيوني تاخذيهن

الخاله : رايده بهوله ل ابراهيم

كبعي واخذي ..

تزوج ابراهيم وجانت ابتهال حبابه وتحب زوجها والكل

وراحت الايام وكبرنا

اسمر : يمه طلعت القبولات😄
بشرني يمه وين قبلوك
اسمر: جامعه الكوفه يمه كليه هندسه
وهاي وين صايره
اسمر: يمه بالنجف