رحت ع موبايلي فتحت البيانات منتظره تجيني رساله ع النت وهم ماكو اي اشعار آخر ظهور منذو ١٢ ساعه انغثيت وبقيت ابجي وحسيت نفسي كلش مخنوكه وبعد ربع ساعه دك الموبايل ويه دكته دخلت ميار ع غرفتي سديت الموبايل
ميار : ها عيني جاوبي علمن استحيتي مني
ازل : لا هاي زينب صديقتي تعرفين بيه دائما تتصل عليه وتسال عليه
ميار: لج هي مو نخطبت و على اساس راح تزوج
ازل : اي من تخلص سادس ان شاء الله تزوج
ميار : الله يوفقه شكد محبوبه وخوش بنت وان شاء الله يوم الي نشوفج عروسه
ازل: مادري الله كريم
ميار: ازل كافي الولد دائما يسأل عنج و مرتين اجه خطبج ورفضتي جاي تشوفين علي شلونه وياي حباب ومودب وخلوق كلش ويتعامل ويايه عبالك مي وبصينيه وضرغام هم مثله خلوق ومحبوب ومايتعامل واي بنت وحته خجول كلش اني بس حبيت ابين الج شكد هو انسان مثقف وواعي واجتماعي بس بالنهايه القرار قرارج وهو فرصه لا تضيعينه وتتندمين
ازل : ماعرف ميار ان شاء الله خير افكر عود بس ماكلج وافق لان هاي مو مجرد انسان وارتبط بي هاي حياه ثانيه ومسؤوليه
ميار : الله كريم
ازل : الله كريم
ميار : اجه ازهر وكالي اصيحلج متعود على شغلج بالبيت
ازل : نازله وراج
ميار :اوك
فاصل
اسمي ميار واني البنت الكبيره لاهلي واكبر اخواني عمري ٣١ سنه مزوجه وزواجي تقليدي بس الحمد لله كلش طبعه حلو ومثقف ويحاول دائما يسعدني وابدا مايقصر عني مخلصه معهد معلمات بس ماكو وظيفه عندي ٢ جهال محمد واسراء محمد الكبير واسراء الصغيره محمد عمره ٨ سنوات واسراء ٤ سنوات صار ٨ سنوات مزوجه....
ازل : نزلت ميار وفتحت موبايلي لكيت ٦ مكالمات لم يرد عليها ورساله مكتوب بيه لا تردين اعرف شلون اجيبج للدرب
رجعت اتصلت عليه ٣ مرات يدك ومايرد والرابعه انطاه الخط مشغول سديت الجهاز ونزلت ...دخلت المطبخ لكيت ماما ونماز وميار جاي يحضرون الغده ...
ام ميار: ازل ماكعدتي رفل وياج راح يخيس جسمه من الفراش شجاها ع النوم
ازل : ماما بس اكعده تعيط بيه روحي انتي كعديه واني اشتغل عنج
ام ميار: مابيه اصعد الدرج يمه والله عظام رجليه تبقه تون عليه
نماز: اني اروح اكعدها ارتاحي ماما...دخلت الغرفه كعدت رفل بس اكعدها ماتكعد...بقيت اعيط رفل اكعدي وج رفل شبيج رفل اكعدي رررررفل اكعدي ركضت اعيط ع امي
رفل: تعالي تعالي مسويه مقلب بيج مابيه شي
نماز : يمه منج وكعتي كلبي كلت صاير عليه هاي نامت كلشي مابيه... يله اكعدي ع الغده ويمنه ميار وزوجه وجهالهم
رفل: لا بله اريد ريوك واتريك واكمل نوب تنطوني غده اتغده
نماز: اؤيلي ام بطن كووومي امي راح تبقه تعيط علينه
رفل: انزلي واجي وراج
نماز: لا ماكو أمان يله كدامي
رفل: غيرت ملابسي ولبست ملابس طويله غير ملابس الي جنت نايمه بيهم و حجاب ونزلت ويه نماز
فاصل
اني رفل عمري ١٧ سنه اني اخر العنكود مثل متكول ازل بزر الكعده مدلاله من امي وابوي شطلب كدامي ومن غير تعب حته مو مثل باقي اخواني داخلين حكومي لا ادرس اهليه صف خامس علمي وغرفتي وحدي و كلشي بيه واخواني مقتنعين انو اهلي يحبوني لان آخر طفل لامي
