JOURNEY TO THE VISEL KINGDOM (#JHP_WRITER)

Kingdom 2: Green stone

Chapter 2:

Pagdating sa aming destinasyon ay nagkanya-kanyang baba ang mga kasama ko. Sinadya kong magpahuli para walang harang sa dinadaanan ko.

Nang makababa ng bus ay inilibot ko ang aking buong paningin. Saktong tanghali na kaya mainit ang buong paligid. Puwede na magbunyi si Briana dahil hindi maulan. Maganda rin ang panahon ngayon dito.

Humingang-malalim ako at nilanghap ang sariwang hangin ng probinsya. Nakakagaan ng pakiramdam ang lugar dito.

Pero nawala rin ang pakiramdam na iyon nang makita ko sina Cheska at Chans na masayang naglalampungan sa may gilid. Napasinghal ako sa inis.

"Guys, let's go!"

Nagpamaunang naglakad si Luie na agad naming sinundan. Pero napaangat ang kilay ko nang makitang nasa unahan ko na ang dalawang ulupong. Nakaakbay pa sa balikat ni Cheska si Chans habang dala-dala ang mga bag nito.

Dala ng inis ko ay binilisan ko ang paglalakad at sinadyang banggain si Cheska sa gilid.

"What the-ano ba?!" sigaw nito pero agad rin nanlisik ang mga mata niya nang makita ako. "Ikaw-!"

I gave her a smirk.

"Sorry, paharang-harang kasi kayo sa daan," nakangising saad ko saka nagpatuloy sa paglalakad.

"You b*tch-!" Akmang susugurin niya ako pero pinigilan siya ng boyfriend niyang tikbalang. Binigyan ko siya ng nang-aasar na tingin. Sinubukan niya pang magwala pero pinapakalma na siya ni Chans na halatang iritado na rin.

Napailing na lang sa amin ang mga kasamahan namin. Ang iba pa ay nagbubulung-bulungan. Ako naman ay sumabay na ng lakad Luie.

Pagdating sa isang hotel ay binigay na sa amin ang mga susi saka nagkaroon ng grupo. 30 kaming lahat kaya naman tig-limang tao ang magsasama sa bawat kwarto. Buti na lang at pagmamay-ari pala ng pamilya ni Luie ang hotel na ito kaya libre na kami.

Pagdating sa loob ng kwarto ay agad kong inayos ang dalang bag. Kasama ko rito si Briana at ang tatlo pa naming kaklase na sina Amanda, Lelie, at Iana.

Nagbihis ako ng maong short at halter crop top na kulay old rose saka kami muling lumabas ng kuwarto. Nagdala ako ng sling bag saka nilagay roon ang cellphone at iba pang gamit ko. Sakto namang naghihintay sa amin sa lobby si Luie at agad na nagyayang mag-Island hopping na sinang-ayunan naman ng lahat.

Ang unang Isla na pinakamalapit sa kinaroroonan namin ang unang pinuntahan. Dalawang bangka ang nirentahan kaya tuwang-tuwa ako dahil hindi ko kasama ang dalawang ulupong sa bangka na sinasakyan ko.

Sa unang Isla ay marami-rami din ang mga tao. Kanya-kanyang selfie, harutan at ligo naman ang ginawa ng mga kasama ko. Samantalang heto ako, tahimik na nakaupo sa isang malaking bato habang pinagmamasdan sina Cheska at Chans na masayang nagpi-picture.

Hindi ko mapigilang makaramdam ng selos, sakit at inis. Ako dapat ang kasama ni Chans ngayon kung hindi lang siya inahas ni Cheska. Nagsisi talaga ako na naging kaibigan ko siya. Traydor naman pala.

Napangiwi ako nang makita ang swimsuit ni Cheska. Nakabikini ito kaya kitang-kita ko ang mga pasa sa hita at binti niya na gawa ko. Pero hindi talaga ako nakaramdam ng guilty, bagkus ay nasisiyahan pa ako. Mukha kasi siyang binugbog ng asawa sa hitsura. Sayang ang OOTD niya na hindi naman bagay sa katawan niya.

Well, makinis naman ang katawan niya, maputi, mahaba ang kulay dark red na buhok na siyang kumintab sa gitna ng araw. Pero ekis sa akin ang boobs niyang nasobrahan sa laki. Sa tiyan siya bumawi.

Halos dalawang oras din ang inilagi namin sa unang Isla hanggang sa mapagpasyahan nina Luie na lumipat sa ibang Isla. Napatingin ako sa Isla na pupuntahan namin at hindi ko mapigilang makaramdam ng kaba sa dibdib.