قليل الشوق في بعدك ويضعف قلبي الكتمان♠️

بارت ١٢

عند كادي
جلست بالارض تبكي على حظها تعرف ان الي سوته شي ما ينغفر له نهائي ،دخلت عليها اديم وهي متضايقه بالحيل ليش تحس انها مضايقه المفروض انها تستانس مو ذا الشي الي تبيه
اديم :السلام عليكم
كادي بضيقه :وعليكم السلام وين كنتي مختفيه؟
اديم  ببرود: ابد تطلقت
كادي وسعت عيونها :نعمم
اديم بغصه:كادي سكري على الموضوع
كادي :اديم بقولك شي ابيك تساعدني شلوننن احله لاني متوهقه
اديم باستغراب:نعم؟
كادي :تذكرين سالفه الي انقذني لما كنت بالمزرعه
اديم :اي الي تحبينه على قولتك
كادي بضيق:طلع مو تركي طلع سلطان
اديم :كيف عرفتي؟؟!
كادي:ماعليك كيف عرفت في سالفه اكبر
اديم :نعم بعد شمسويه
كادي :بالبدايه كنت ابي تركي يحبني بس هو مايدري عن هوا داري بعدين هددته بمسك
اديم بعصبيه خفيفه: بمسك؟
كادي:اي بمسك شربتها مخدر وصورتها مع شباب
اديم صفقتها كف :كادي انتي شسويتييي حرام عليك البنت ما ضرتك بالعكس ساعدتك والله حرامم الي سويتهه شلون فرقتيهم شفايده الندم اللحين؟؟
كادي ببكاء مزدوج:والله اني ندمانه والله بس حسبته هو مدري شسوي الحين
اديم بعصبيه:تقولين الحقيقه لازم
كادي:بس..
قاطعها رنين جوالها شافت المتصل تركي
كادي مسحت دموعها وردت بسرعه:الو
جيسي:مرحبا
كادي لاستغراب:مرحبا هل هنالك خطب ؟ولماذا اتصلتي من هاتف تركي هل هو بخير؟
جيسي:لقد وجدت صاحب الهاتف مغمي عليه اتصلت بالاسعاف ونقلوه للعنايه المركزه هل يمكنك المجيئ لمشفى******
كادي بهلع:حسناً حسنااً
اديم :شصاير؟؟؟
كادي برجفه :تركي بالمستشفى
اديم فزت بسرعه:يلا امشي نروح يارب مو صاير فيه شي ولا وربي محد بيسامحك
كادي بربكه :بدق على كيان
ركبو السياره
كيان بنعاس:الو مين
كادي بشبه صراخ:كيان تركي بلمستشفى
كيان وسعت عيونه :يلا جايهه ارسلي الموقع
وسكرت بسرعه
طلعت الصاله لقت مسك جالسه على الكنب تفكر
كيان بعجله:مسكك تركي بالمستشفى
مسك نشف دمها :نعمم؟ تمزحين توني شايفته
كيان طلعت من الشقه بعد مابدلت ملابسها
مسك لحقتها بخوف وقلبها ينبض بقوه وخوف عليه حست انها بتفقده

بالمستشفى
كادي وجسمها يرجف:يارب مايصير فيه شي يارب مايصير فيه شي
اديم تناظرها بشفقه:كله منك الله يعلم شصار معه لو مات وماسامحك؟ لين متى بتظلين انانيه كادي !!
قاطعهم يوسف بحده :نعم ليش جايين انتو ماكفاكم الي سويتوه ؟
كادي بدموع :يوسف انا كنت فاهمه غلط ياربي والله اني ندمانه
وصلو مسك وكيان
كيان دخلت تركض
مسك تصارع نفسها: انا خايفه عليه بعد كل الي سواه فيني المفروض استانس الحين لان ربي عاقبه على الي سواه بس ليش انا الحين ابكي ليش مو مبسوطه الفروض افرح الحين لان ربي انتقم لي دخلت بهدوء وبرود شرت لها قهوه وتبين انها مو مهتمه وهي بتموت من خوفها وحبها
كيان شافت يوسف وكادي يتهاوشون جت عندهم:بس خلاص تركي بين الحياه والموت وانتو هنا تتناجرون
يوسف مسك يدها بعصبيه:انتي مالك دخل هاذي سبب المشاكل كيان ابعدي عني ودفها على الجدار تألمت لان راسها صقع وعينها دمعت اول مرا يمد يده عليها قامت من الارض وببحه:مارح ارد عليك لين اتاكد من سلامه تركي
يوسف غمض عيونه بندم بس مايتحمل كادي ابد

جت لهم مسك تتصنع البرود:للحين ماطلع
الكل طالعها باستغراب
كادي ببكاء :كله مني
مسك باستغراب:كله منك ليش انتي شدخلك؟
كادي :انا الي..
قاطعتها الممرضه
الممرضه: هل يوجد احد هنا يدعى مسك؟
مسك :نعم انا ولاكن لماذا
الممرضه بحنيه:لان المريض يتمتم باسمك ورفض ان ياخذ المسكن اقنعيه رجاءً
يوسف بهمس:ياطيب قلبك ياصاحبي
مسك باستلام:حسنا
دخلت بهدوء شافته مركب عليه الاجهزه ووجهه شاحب وشفايفه بنفسجيه:تركي
تركي فتح عيونه شوي شوي وحاول يعدل جلسته بس ماقدر :مسك
مسك ببرود :كيفك الحين محتاج شي؟ واشرت للمرضه تعطيه المسكن
تركي مسك يدها الي كانت على السرير وبصعوبه تكلم :محتاجك مسك عطيني فرصه اوضح لك
مسك ابعدت يدها بجفا وبنفسها تضمه وقف قلبها من الخوف:تركي قلتها مرا وبرجع اقولها ما احتاج مبرراتك ماعدت تمهني اساسا
تركي بغبنه وهو باليابه يتكلم :يعني لو صار فيني شي عادي عندك؟
مسك بكذب:شوفني لاني منهاره ولا شي بالعكس عادي عندي سواء انت عايش ولا ميت (الله ياخذني انا شقاعده اقول ياربي إحفظه واحميه وعالجه)
تركي بهتت ملامحه وببحه فيها حزن العالم كله :اجل الله يوفقك دامك بالبعد مرتاحه ولف وجهه للجهه الثاني
مسك ماسكه نفسها:امين يارب
طلعت بهدوء نزلت دمعتها بحزن ودها لو تروح تضمه وتقوله شكثر هي مشتاقه وشكثر هي تحبه بس كبريائها مايسمح
جتها كادي :مسك تعالي برا بكلمك
مسك :اوك يلا شسالفتك
راحو برا وحليو بالكراسي القريبه
كادي :اسمعي لا تقاطعيني لين اخلص
كادي قالت لها سالفه الاصطبل وسالفه سلطان وتركي وكيف هددت تركي
مسك بدموع:ل
انتهى🙂