طبق البسله وبدله الرقص
حااحكيلك موقف حصل مع سلفتي
لقينا مره سلفي الكبير بيتعارك مع سلفتي وعياط وبهدله وزعيق وكانت الفرجه للركب
طبعا جرينا انا وجوزي نشوف في اي داالشارع كله ملموم علي بيتنا
المهم
قعدت مع سلفتي ودي كانت زي حالاتي كدا ست مصريه مطحونه في البيت
يرضيكي يهدكي يطلع بلاويك
لقيتها بتتشحتف وتعيط وقالتلي
سلفتي : كنت عملاله بسله ورز ولحمه ومنضفه البيت
وقعدنا ناكل انا والعيال فجاه الولا محما ابني الصغير دلدق علي هدومه وقعد يعيط عيل صغير لسه
راح قايم ناطر في وشي طبق البسله وقعد يزعق وانا اصرخ والعيال تعيط
انا:هو انجن ولا ااي الراجل من الباب للطاق عمل كداا
سلفتي: اعمله ااي يعني هو اصلا بقاله يومين مش مظبوط انا مش ملاحقه علي البيت والعيال وهو بيقولي شعرك بقي منكوش
ماهو نزل من كتر الشد فيه العيال بهدلوني
يقولي وزنك زاد
الله مش مخلفه 3مرات عاوزني ااي عصفوره
بيقولي نفسي تلبسيلي قميص نوم زي زمان
طب البس ازاي والعيال موجوده وتشوف امهم كدا عيب
يقولي ارقصيلي زي زمان
قولتلو شغل قناه التت
النهارده بقي زعق وبهدلنا
انا هديت سلفتي وبعدين فكرت في نفسي ولقيت نفسي فعلا غلطانه انا كمان مع جوزي لاني بقالي كتير مرقصتلوش ولا اي حاجه
طلعت فوق شقتي
وروحت خدت شور كدا بقيت فله وروحت مطلعه بدله الرقص الي ملبستهاش من خمس سنين هو دخلت بالعافيه بس دخلت
سمعت باب الشقه اتفتح
روخت حطيت الروج والبوهيا بتاعتي وخرجت لجوزي علي اغنيه عبده عمل ااي
علي الحظ
جوزي دخل هو سلفي الكبير الي المفروض متعارك
وانا داخه الصالون بهز زي صافنيار
عينكم ماتشوف الا النور بقالي شهر في السرير تقريبا حاافك الجيبس النهارده
اخره الدلع والمرقعه ماهو مش وش نعمه
Sabreena 💔
تابعوني ع صفحتي الشخصيه حااسيب اللينك في اول كومنت
أنت تقرأ
كسرني ولكن
Romanceحب من نوع اخر كسر من نوع اخر مكنتش البدايه مكنتش النهايه يمكن القدر كان سئ او حول حياتها جحيم لكنها حبت البطل من قلبها احببت جحيمك
