رواية غروره

بارت 1

الحلقه الاولى
للكاتبه 💕وميض الأمل💕
رواية غروره

بيسان:قاعدة حالي هكي من تلات ايام في الدار لا نطلع ولانخش اليوم وصلتني ظرف فيه تذكرة لي بعد يومين لي ليبيا أضحكت بهزوه من الواضح أن عيلة بابا عرفوا بيلي صار قمت الصورة يلي في يدي  بابا هاذا سادس يوم وانت مش معاي استاحشتكم هلبا وينكم مشيتوا وخليتوني ماما اليوم جتني تذكرة لي ليبيا كابوسك يتحقق كنت ماتبيناش نمشوا بس للاسف بنمشي بابا اليوم هذا عايشة بس لي نكون قوية زي ماعلمتني وناخذ حقي وحق خوي اماليك بعد ما تبروا منك اهو من جديد بنرجعلهم وحيكون اول لقاء لينا حندير جهدي يرضو اعليك مستحيل انخليك تتعذب و

طق طق طق
شفت للباب واتكلمت بالروسي
تفضل
الخدامه: بالروسي سيدتي الصغيرة السيدة الكبيرة تريد رؤيتك على طاولة الطعام تريد التحدث معك
هزيتلها راسي ماعنديش نية ندوي ابدا مع حد بس لازم ننزل انشوفها
نضت من مكاني وخشيت للحمام حشاكم
غسلت وجهي وقمت أشعري فوق وبدلت احوايجي لي قفطان اسود لتحت الركبة ودرت شال اسود لان كانت الأجواء شتي ولبست شبشب اسود نفس الشي اني لحد توا ماقدرتش نلبس الوان علي خاطر ماما وبابا
انزلت من الدروج وطول لي غرفة الاكل  ألقيت جدو واميمه كانوا امقعمزين زين في  كرسيه وقدامه ماكلته الخاصة وصلت لي جدو خديت يده وبستها واني نبتسمله
 بيسان بالروسي: صباح الخير لاجمل شخص في هذه الدنيا
ابتسم لي  ودرت نفسها لي اميمه وقعمزت امكاني لين سوزي جت اتحط في الماكله
قمت راسي لي جدو
بيسان بالروسي: جدي لقد أتى لي من البريد ظرف يحتوي على تذكرتين إلى ليبيا لي ولي اخي زين
تغير وجها من بشوش وسعيد لاني طلعت وتوا ولا وجها معاش يتفسر وله وجها احمر واضح اعليه العصبيه شفت لي اميمه يلي كانت مصدومه بالموضوع من الواضح أنهم ماكنوش على علم بالموضوع
نضت من مكاني ووقفت قدام جدو شديت أيديه

بيسان بالروسي: جدي ارجوك أهدأ قليلاً هاذا الشي سيأتي سواء الان ام متأخر ولاكن أنا من الضروري علي الذهاب الى هناك اريد ان ارى بلدي وناسي هناك أنا لا اعلم اي شي عنها واريد أيضاً يسامحوا أبي لقد مات وهم غير راضين عنه ونحن في ديننا الاسلامي من لا يرضى عنه ولداه مكانه الجحيم وانا لا اريد ذالك لا اريد العذاب لي ابي
بعد كملت كلامي شفت لي جدي يلي كان مش عاجبه لكلام ولكن ماتكلمش واني هاذا يلي نبيه شفت لي اميمه يلي كانت تبكي بصمت راضيتها حتى هيا وقعمزنا اكلينا ونضت من مكاني وخديت خوي ليا فترة معاش شفته حسيت روحي اضلمته بالذات أنه صغير مش كبير باش يعتمد علي نفسه
قمته وامشيت بيه لي داري رقدته امعاي
ههه هدرزت هلبا ونسيت معرفتكمش علي نفسي

اني :بيسان عمري 18 سنه كملت الثانوية من اب ليبي وام روسية بابا جي ايكمل الجامعه أهنئ في روسيا اتعرف علي ماما  وحبها وتزوجها  وماما كانت البنت الوحيدة في عيلتها ملامحي بيضاء هلبا وعيوني كبار لونهم خضر ومخلطات بالازرق خشمي صغير وواقف وفمي صغيرون واحمر اني كنت شبه ماما الله يرحمها الحاجه الوحيدة يلي اخديتها من بابا هوا لون شعري كان لون كستنائي وفيه خصلات بالاصفر طويل.