صفقه 20 الجزء الثاني ماقبل الاخيره
الدكتور: شن اسمك
حمدي: اسمي ؟
الدكتور: ايه اسمك! !
حمدي: ضياء
الدكتور: بس اسمك حمدي مش ضياء
حمدي: مني حمدي؟؟؟؟
الدكتور: انت اسمك حمدي
حمدي: لا ضياء اسمي قتلك!
_________________
مسره تبكي وتسمح في دموعها وتزيد تبكي وهيا ماشيه في الممر، يدها ترعش، قريب ادوخ، شعور الفرحه الداخليه قلبها قريب يرقص من الفرحه، خاطرها تقوله قداش حبيتك قداش عانيت في غايبك خاطرها تقوله حمدي اني أكتشفت أني أنحبك رغم كل شي خلينا نفتح صفحه جديدة ♥🔥
طلع الدكتور يتكلم وهوا والممرضه: طلع فاقد الذاكره وناسي اسمه وعاطيني اسم ثاني ضروري نعرفوا شن قصة الاسم هدا اول مره تجينا حاله هكي من أكثر الحالات انه ناسي انه مني وشن اسمه ومن يكون !! زعما من يكون ضياء هدا هل هوا حق ضياء ولا اسم ماضي
الممرضه: ضروري نكلموا عيلته بالك لما يجو يقلولنا ولا لما يشوفهم يذكر
الدكتور: ايه كلمت مرته.. !؟
الممرضه: نستنوا شن بيصير معاه بالك يذكر وبعدين شن بيصير اصلا حالته تمام الا ذاكرته وصعوبة في تكلم بس ! !
الدكتور: هيا شويه وتجي مرته لو اذكرها بعد يومين نديروا خروج اصلا صحته الجسديه ممتازة
الممرضه حطت يدها في جيبها: ان شاء الله خير 😊
الدكتور: بري شوفي المريض في غرفة رقم 33 بيتبرع بالدم
الممرضه: تمام ...ومشت
مسره تستنى يكمل هدرزته وقربت منه عشان خايفه تخش في شعور الخوف فيها مش طبيعي بس ماسمعت شي علي لي قالوه!
مسره: دكتور
الدكتور سلم عليها: اهلين مسره انتي مرته صح
مسره: ايه مرته شن نسيتني😊
الدكتور ضحك: ضغوط الشغل وانتي عارفه 😅المهم الأستاذ حمدي رجع لي وعيه و....
مسره قطعاته: نقدر نشوفه
الدكتور: اكييد
مسره تهدي في خوفها وتذكر في اسم الله في سرها لين فتحت الباب وخشت ،شعور الشوق شعور جديد فيها شعورها بس توا نبي نشوفه ♥♥
حمدي يشوف يمين يسار مش عارف روحه وين ولا كيف صاير معاه حط يده علي راسه وأتكه وقعد ساكت
مسره تبكي وخشت وسكرت الباب
حمدي ناض طول من مكانه لما سمع الباب انفتح
مسره تترعش ويدها مشبكات في بعض خاطرها يقول زعما حمدي قاعد زي قبل مريض نفسي! !!؟؟؟ زعما العذاب بيرجع من الجديد ،حب التملك وكل شي عاناته🔥
حمدي يفرز فيها وهوا ساكت
مسره : اءء حم.....
حمدي: مني انتي؟
مسره : مني اني! 😳
حمدي حط يده علي راسه: ايه مني مانعرفكش
مسره انفجعت وانهارت انه نساها نسي حبه ليها: اء اني اني مسره ياحمدي
حمدي: مني حمدي مني مسره اني اسمي ضياء
مسره لاحظت يحاول يتكلم بالسيف ويلقط في الحروف تلقيط (بس اني بنوضحلكم انه يتكلم عادي لكن هوا يتكلم بكل صعوبه ) : ضياء 😨
حمدي: ايه!
مسره: اخر مره شن تذكر اي شي
حمدي: اخر شي نذكر اني عايش في حوش كبير زي القصر شخص دخلني مانعرفش مني لكن اني صغير وقتها! ! اخر شي نذكر موقف اني صغير
مسره تبكي ومسكت في يده وهيا تتراعش: اني مرتك اني حبك الطفولي ياحمدي
حمدي: حب!
مسره: ايه حب 😔
حمدي ضحك: ههههه مانفهمتش شن تقولي به نتعرفوا شن فيها
مسره مستغربه 😨كأنه رجع لي عقله الطفولي
حمدي مد يده بيسلم: بالمناسبه اني اسمي ضياء وانتي!! ايي هههه حق اسمك مسره قلتي علي فكره اسمك حلو هلبا هلبا
مسره : عجبك
حمدي: ايييي هلبااا تعرفي
مسره: ههه
حمدي حط صوابعه الزوز في فمها: ابتسمي خيرك زعلانه
مسره ابتسمت
حمدي ناض من مكانه: مش عارفه نحس في روحي تايه ومش عارف وين نمشي
مسره: شن رايك تروح معاي ممكن اذكر كل شي 💔
حمدي حك راسه: باه تمام
مسره: شويه ونجيك .. وطلعت
حمدي: مني هدي ، مني تكون وخيرها حلوه هكي هلبا 😂❤
أنت تقرأ
صفقه
Adventureقصة لي بنت عايشه في كذبه كبيره 🔥من بوها عاشت في رعبب في حياتها ومضايقات وتحرش كل يوم من ولد عمها وبوها راضي ع لي يصير شن سبب هدا كله لي يصير وليش وهل هيا ح تكون المغصوبه او المغتصبه وقصه ثانيه ع مكانيكي تغيرت حياته 360 من شخص جبان إلى شخص وحش وماير...
