خلاص يعني ذحين عارفين اش قاعده اكتب "خليطي" يعني اي شي يجي ب التنكة اللي ب راسي اكتبه . مندبلة كبدي ليش ؟؟🤦🏾♀️
لأن الأهل اللي يصلحهم حطونا ب الأمر الواقع إنا رح ننقل للديرة !!
أوك طيب فهمنا ناقلين للديرة ليش مندبلة كبدك يالله دامنا م نعرف بعض هذا اللي ي خليني اكتب و اقرقر عليكم مع ان يمكن م احد يقرأ غيري بس يالله افضفض لنفسي .
خلاص ح ارجع للموضوع ليش م أبغى اروح اول شي "الديرة" هي مكان تربو فيه من هما صغار و اهلنا أغلبهم فيها طيب ياخي خلاص نقول صلة رحم بس م يكفي اننا نروح لها ب الاجازات كل اجازة فيها ساحبين ع مدن المملكة و مرتزعين في "الديرة" كل إجازة 🤬🔪
من غير بعض الاقارب اللي م أبغى احش بس أكيد أنتم تعرفون حركات "الكيني ميني" اللي الله يسلمنا منها و يبعدها عنا🔪🤯.
من غير الأجواء جفاااااااف تخيل تنقل من مكان رطوبة أنت مولود و متربي فيه من و أنت بزر للجفاف اوك يالله رح تقولون" فيه شيء إسمه كريم ي ماما 💅🏾" طيب ياخي رح تكملون حياتكم ب مكان م فيه مولات و لا مقاهي و لا حتى مطعم شاورما عِدل 😭💔.
إذ إيوا فهذا خياركم بس ياخي أنا اللي أجي كل إجازه و عايشه معهم يعني م ح تعرفونهم اكثر مني مو ؟؟ و دراستي !! م فيه تخصصات زينه حده ثانوي على علمي أو دبلوم يعني مشان اروح الجامعة اقطع كل يوم فوق ٣٠٠كم روحة و جيه لا طيروا عني اقعد ب مكاني ابرك حتى الجامعة حدها ١٥ دقيقه عني 💔 . فيه أشياء غير بس متعيجزة أكمل بس ترا فيه أشياء إجابية ، بس مو كافيه تخليني أعيش عمري فيها أقدر أشيل الأشياء الإجابية احطهم عندي لأنهم أشخاص "جداتي" صح و حده طيوبة و الثانية تنق فوق رأسك من الصبح لليل بس حبوبات😂😂👍🏾
اوكه الزبدة اذ سكنا هناك ح اكتب اش ح يصير هذا إذا م انهبلت أو أكلت ضربة شمس 🤚🏾🥺.P.S
ح أكتب على حسب المود الليلة إندبلت كبدي لأني تلقيت الخبر فجأة ف جاء كل شي مرة وحدة .