الاب: اني اعلمج بسيطه اذا ما ازوجج واخلص منج لج هاي راح تجيبلي العار بصوت عالي ونرفزه وعصبيه وفجاه حسيت الم صعد لراسي من الاعصاب وحسيت وراه ضغطي صاعد حيل
الام: ع كيفك يا رجال استهدي بلرحمان ماكو شي ما ينحل اني احجي وياهه واطيح حضه ع هاي سوايته
الاب: لو بيج خير جان ربيته من البدايه وعرفتي شعده ما عده شنو الفائده هسه تجين تطيحين حظه ومدرسه بعد ماكو خلي تنسه من باجر اجيبله رجال اني اختاره وغصبن ما عليه توافق والا قسما بالله اذبحه واخلي دمه بطوله سمعتي لو لا
الام: امرك ابو توفيق ماكو ماكو ارتاح خلي اجيب جهاز الضغط واقيسلك ضغطك
الاب: باوعتله وكتله يلا روحي من وجهي ما اريدك شي لا ضغط ولا صخام ولي منا لا بارك الله بيج ولا بتربيتج الصكط هاي
.
.
مرحبا اعرفكم على نفسي اني اسمي شمس وعمري ١٣ سنه معاني وجهي حلوه وجسمي يخبل مع انه عمري بس ١٣ سنه اصلا مبينه ١٧ هيج شي وجهي دبدوب وعندي خدود وغمازه وشعري سواد الليل وعيوني عسل النحل يخبل لونهن شنو الي البسه يكلب عليهن المهم احم احم.. خلي نحجي شوي عن اهلي عندي اخوان ٢ توفيق ووليد واخت وحده اسمه شهد اخواني توفيق الجبير اكبر مني ب١٠ سنوات وامي وراه عالجت هواي يلا صار عده اطفال غيره وشرفت حظرتي ووراي وليد واخر شي شهوده وحالتنه الماديه متوسطه احنه من سكنه الشعله ببغداد والدي نجار والدتي ربه بيت ابويه من الصبح لليل ملتهي بلشغل والمحل وهو حيل عصبي واطباعه صعبه مينجرع ما اعرف ماما شلون حاملته ... ابوي طبعا رجال جبير ماخذ بنت عمه الي هي امي و متصدكون من اكلكم من تزوجه جان عمره بس ٩ سنوات ووره ٨ سنوات يلا حبلت باخويه توفيق بصعوبه اصلا يصير حمله واكو شخصيات هواي خلال الروايه راح تتعرفون عليهن
شمس: رحت للمدرسه كلعاده عندي صديقه دائما احب احجي وياه وبنفس الوقت هي جيرانه اسمه ملك طبعا ملك حالتهم الماديه كلش زينه وبيتهم عبالك فيلا احنه بيتنه بسيط غرفتين ومطبخ وحمام وصحيات وطابق واحد وخلص المهم ملك دائما اشوفه تحجي بلمبايل وي اشكال شباب والصراحه جان عاجبني اجرب واسوي مثله واعيش الحب الي نشوفه بالتلفزيون والي الناس كلهه تحجي عنه فكلتلهه اريد جهاز اريد اخابر اريد اجرب
ملك : رحت مريت ع شمس حتى نروح للمدرسه سوه دكيت الباب وطلعتلي هلو حبي شموسه
شمس :اهلا ملك يلا امشي تاخرنه على المدرسه
ملك: باوعتله وكتله جبتلج الجهاز الي كتلج اجيبلج واحد وعليه رقم حسام هذا الولد الصاك الي يوكف يوميه بلفرع خابري وكليله اني شمس اني كتله عليج وكال اني هم معجب بيه حيل
شمس: باوعت عليه واحنه دانروح للمدرسه والصبح والدنيه موت برد شهر ال١٢ بدايته والهوا يكص كص وكتله شكرا حياتي بس ارجع للبيت اتصل على الرقم واشوف
ملك : اوك عيني براحتج
شمس: دنكت راسي ومشينه للمدرسه ووصلنه دخلنه للصف وحطيت جنطتي بلرحله وتحاضير وامتحانات عادي خلص اليوم ورجعنه للبيت
الصراحه جنت حيل متردده اتصل او لا لان ادري الي دا اسوي غلط بس حابه اجرب واحب وانحب اول يوم متصلت جنت خايفه بس ثاني يوم سئلتني ملك كالت اتصلتي او لا كتله لا ضلت تحفز بيه وشجعتني انه اتصل وفعلا صار الليل واتصلت ورد عليه واحد نبرت صوته خشنه كال منو مجاوبت بس بعدين عرفته عن نفسي
# Amnah Razaq
أنت تقرأ
بين المراهقه والزواج
Romanceمسومرين من الحزن والليل مو من شمس ومغربين من النحبهم ما مغربنه وطن فتاه تتزوج بعمر ١٣ من عمرها فهل يا ترى تعيش مراهقه مثل باقي البنات وتتحمل اهمال زوجها القصه حقيقيه 100٪
