بين المراهقه والزواج

الجزء الرابع

وتشعر أنك خُلقت لأجله،لتحبه وتعشقه وتهيم به، لتسعده،لتشتاق أليه،لتكون تؤام روحه،لتخفف ألامه،لتصنع أبتسامته تفرح بوجوده، تطمئن بقربه،خُلقت لأجله فقط.

شمس: جان يوم ولا بالاحلام صح مصار اي شي بيناتنه بس احسه يتنفس شعري نمت بحضنه احلى نومه ويمكن اول مره ارتاح هيج راحه وهو الليل كله يغنيلي وهو صوته يجنن فدوه لعينه ويقرالي اشعار محسينه غير واحنه غافيين ع ارواحنه

حسين : جان من اجمل الليالي الي عشته بحياتي لان اني بعمري ما باوعت ع بنيه كلت لمن اتزوج راح اتزوج وحده زغيره واشبعه حب  وغزل وذني السوالف كعدت الصبح اباوع بوجه ملاك ونايم محبيت اكعده كمت سبحت وبدلت وتعطرت وشسوت شعري 

شمس :كعدت الصبح سبحت وبدلت ولبست كلابيه بيضه كلش حلوه ومخصره ع جسمي وكويت شعري وحطيت بس كحله وحمره ومسكارا

  طلعت من الغرفه لكيت حسين فاتح التلفزيون وكاعد يتفرج فلم وكلي صباح الخير يا وجه الخير وشبكني باسني بخدي

كتله صباح الانوار يا روحي ووره شويه اندكت الباب وجانو اهله جايين وجايبين وياهم الريوك واكيد هو الريوك الرسمي لكل العرسان الي هو كيمر عرب من هذا التازه وكاهي يخبل بعده حار ومقرمش  متروش شيره وجاي حار والله مو ريوك دماااار

وره شويه اجت امي ووياهه شهوده باركتلي وراحت مبقت نص ساعه

حسين: عدت الايام عاديه واني كل يوم اتعلق بشمس اكثر واكثر واغركه بحب وحنان واهتمام حتى لاهله اروح وياهه ما افاركه دقيقه وحده   وهي لبنيه هم حبابه مشفت منه شي مو حلو اهلي كلهم يحبوه ويرغبوله طبعاا ما عداااا امي ابد ما حبته وكل اسبوع تسال ما حبلت مرتك خاف هاي عاكر ومتخلف واني اكلله بعد وكت وبعدنه ازغار

شمس :خلصن شهرين ع زواجنه وبدت سنه جديده الي هي ٢٠١٤ طبعاا بذاك الوكت جان داعش موجود   بلعراق وهواي شباب تطوعت بلحشد ومن ذوله الشباب الي طوعو جان حسام الولد الي حجيت ويا فتره اول روحهه الهه  من اتطوع وجابوو شهيد خطيه امه صار بيه شلل من وره ما مات

صح انقهرت عليه وصليتله صلاه الوحشه وقريتله قرات ودعيت الهه من كل وكلبي انه ربي يغفرله ويعوضه الجنه لان راح شهيد ( الله يرحم كل الشهداء)

بابا مقبل ماما تروح للفاتحه مالته مع انه همه جيرانه بنفس الشارع وماما كلعاده ابد متناقش كلشي يكلهه تكله حاضر

جان بابا ميخليني اكعد وي شهد وحدي ومحذر امي عباله راح اعلمه تخابر شباب لو انطيه موبايل بدون علمه وجنت كلما اروحلهم وانطيه الجهاز ينتر بيه بصوت عالي كلش يعني عود بدون ميحسس حسين اني جان عندي شي قبله

بيوم من الايام عزمتنه عمتي كلنه طبعا اني وحماي ومرت حماي جانت علاقتي بيهم كلش طيبه يحبوني واحبهم وحتى باقي حمويني وحمواتي كلش احبهم واحترمهم وهمه كذلك