عــــذراء و قــــوس♍️♐|🇲🇦

☁️و فـــي عـــيـــنـــي غـــيـــم كـــثـــيـــر لا يـــمـــطـــر☁️|7

عذراء بتوتر:ق قول ليا ا مستر
قوس:تنسمعك
عذراء:علاش درتي الفيستة فالصيحة الربيعية؟(حدرات راسها)تتبقى فيستة خسرتها و صافي
قوس:و انا بغيت نرفع من قيمتها
طلعات عذراء راسها فيه بقات تتشوف فيه شحال و حتى هو ماشي من العاجزين بقاو لثواني تيتبادلو شوفاتهوم حتى حدرات عذراء راسها بخجل متقدرش تطول كتر من هكا..اما قوس هز فنجانو و شرب رشفة مراقبها تتلعب بصباعها بتوتر...
قوس:ياكما منزعجة؟؟
عذراء:لا لا بلعكس الضيافة زوينة بزاف
قوس:امم اوكي
رجعات ترف تتبتاسم واقفة عليهوم:اش بان ليك ا خويا نمشيو نكملو القهيوة فلاتيراس؟
قوس:فكرة زوينة(ناض)
عذراء ناضت موراه هازة حلوتها...
ترف:غير حطي ا عذراء غتجيبهوم الخدامة
حطات عذراء الحلوة و مشات معاهوم حتى دخلو فواحد الباب زجاجي كبير محلول و الخدم تابعينهوم بالأواني حتى خرجو فواحد المكان واسع بزاااف فيه اثاث ديال الجرادي و طبلة كبيرة بكراساها و لابيسين كبير و الدنيا كلها خضرة و عامرة بالربيع و النباتات...
جلسو فوق الفوتويات و حطو الخدم الماعن فوق الطبلة تما و وقفو بعيد الى بغاو شي حاجة...
عذراء عاجبها المكان:زوين المنضر هنا
ترف:خويا تتعجبو الخضورية داكشي علاش
عذراء:ااه مزيان حتى انا تيعجبوني الورود
قوس:حتى انا
ترف:ههه عشق خويا هوما الورود عرفتي كاينة بلاصة مخصصة لزراعتهوم عندو
قوس:ترف!!
ترف:وا مالك راه حتى هي تيعجبوها
عذراء بإعجاب:بصاااح الى كان ممكن بغيت نشوفهااا
قوس:متأكدة؟
عذراء:ااه اكيد
حط قوس القهوة ديالو فوق الطبلة و ناض داير يديه فجيوبو:تبعيني
عذراء ناضت تتمشا بجنبو و خلاو ترف تتشرب فقهوتها بابتسامة...بقاو غاديين فواحد الطريق معلوم بالحجر حتى دخلو فواحد المكان زايد خضورية على لاتيراس كان عامر بالربيع و الورود و فالوسط كان محطوط تمثال كبير خشبي على شكل 3 3 ديال الناس واقفين حدا بعضياتهوم...من بعد هاد التمثال كاين طريق اخور لي فيه كانو الورود المزروعة..بقات عذراء تتشوف تما بدهشة مكان زوييين بزاااف...
عذراء:واااو وا حديقة عندك د الورود
قوس:هادي صغيرة مقارنة بلي عندي فسويسرا
عذراء:سعداتك ههه
قوس تقدم جيهة واحد المجموعة من الورود الحمراء حتى قطف وحدة و عطاها ليها فاش شداتها مفلتش يديه بقا شاد الوردة مع يد عذراء حتى طلعات فيه راسها باستغراب و هو يطلق من يديها و تحنا لعندها حتى حطها ليها فشعرها فجنب وذنيها و هي تتشوف فيه بواحد النضرات فشكل نفس الشيء معاه نضراتو الإعجابية غادة و تتزيد خصوصا و الشمس ضاربة فعينيها الخضرين لي زايدينها جمااال اليد باش حط الوردة رجع حطها على حنكها و تحنا حتى باسها فيه....

♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 149💜📖
و بهمس قال فوذنيها:الورد الأحمر تيفكرني فظهورك فعرض باريس
قشعر جسد عذراء من البوسة و زاد كمل عليها بهاد الهمس شوية و غدوب ليه بين يديه ولكن ميمكنش ليها ضميرها اكيد مغيخليهاش!!!بعدات منو بشوية غارقة فخجلهاا بغات تدوي ولكن الكلمات تسرطو ليها..قرب منها قوس و دوز صباعو داخل شعرها الرطب...
قوس:مالكي؟
عذراء:ع ع عف عفاك مت مت متقيسنيش هاكا مستر
قوس:علاه معاجبكش الحال؟
عذراء حدرات راسها مبعدة منو:لا
قوس:امم اوكي(عطاها بضهرو)ساليتي من استكشاف الحديقة؟
عذراء سبقاتو بخطوات عاطية بضهرها:ا ااه صافي بغيت نمشي الى سمحتي
تمشا و هي بجنبو فنفس الوقت كانت ترف فالداخل فواحد الصالة سادة عليها هي و واحد الخدامة...
ترف:هي قلتي باسها فحنكها؟ و حط ليها وردة فشعرها؟
الخدامة حادرة راسها:اه ا سيدتي
ترف بتاسمات:امم مثير للإهتمام صافي سيري لخدمتك و هاد الهضرة متخرجش من فمك!
الخدامة:غير تهناي سيدتي
نصارفات الخدامة مخلية ترف تتفكر و هي ترجع ل لاتيراس ملقاتهومش قالت يمكن باقيين فالحديقة حتى بانو ليها جايين...
ترف:كيف جاتك الحديقة ا عذراء؟
عذراء حركات ليها راسها:ز زوينة
ترف:اووه جاتك الوريدة الحمرة فنة ههه
عذراء بخجل:حتى نتي فنة
ترف رجعات شعرها للور بثقة:اكيد انا فنة ههه
قوس:غنمشيو دابا باقي تابعاني الخدمة
عذراء:ا ااه و حتى انا غتكون تتسنا فيا مدام بنان
ترف:ام ااه مزيان على كل تشرفت بمعرفتك ا عذراء دوزي عندنا مرة خرى
عذراء:ش شكرا ا م... ا ترف هه راكي ضريفة
ترف:اوه شكرا على كلامك عارفة راسي سكر
قوس:تفضلي ا عذراء
سلمات عذراء مع ترف و خرجات حتى لبساتها الخادمة المونطو و عطاتها حقيبتها..لقاو الشيفور واجد و رجعو للشركة مخليين ترف واقفة قدام الباب حتى مشاو...