غيرة رجل و غرور انثي.... بقلم / روان على

البارت 11

سما : مالك 😳
مالك : انا هعلمك ي ابن **** ازاي تكلم واحده متخصكش
سليم : خلآص سما خلصت عليهم و انا هعملهم محضر دلوقتي سيبه انت بس انا اتصلت بالقسم و هيبعت البوكس حالا
ياسين بيحاول يمسكه عن الولا : تعالى بقي كفايه تعالى نتطمن على سما
مالك: كفايه عليك كده انت اخدت كفايتك و لسا المحضر اللي هيتعملك و كده يكون درس و اتعلمت منه ي كلب انك متبصش على بنت تاني اعتبرها اختك ي اخي
الولا بخوف: خلاص بعد كده همشي ابوص ف الارض لكن بلاش قسم و سين و جيم انا مش حمل بهدله
سما : خلآص ي سليم بلاش محضر هو اخد جزائه مني و من مالك
مالك : لا لازم يتعمل محضر علشان يتعاقب
سليم : أهدوا كده خلاص البوكس طلع من القسم و في الطريق
سما : و انا صحبت المشكله بقولكوا انا متنزله ع المحضر
هنا مالك افتكر نفس الموقف حصل معه و بردو كان ف نفس الخوف اللي الولا فيه و افتكر انه في يوم من الايام كان بيعمل كده بردو ف قرر انه يتخلى عن المحضر علشانه حس قبل كده بنفس احساس الولا دا
مالك : خلآص ي سليم مش هنعمل المحضر
كفايه العلقه اللي هو اخدها و شكله خلاص حارم يعمل كده

سليم فتح فونه : الو ي آدم خلاص مش هنعمل المحضر و خلي القوات ترجع ع القسم تاني
آدم : خلاص ي باشا حاضر
و قفل سليم مع آدم و مالك ساب العيال يمشوا
سليم: انتي كويسة ي رنيم
رنيم : اه كويسه معملش حاجه بس انت عارف اختك لو حد كلمها كلمه بتتشاكل معه
سما : يعني انتي عجبك يقول دي محترمه و هوقعها و الكلام اللي قاله عليا و عاوزني ابقى ساكته
سليم بضحك : لا تسكتتي ازاي لازم تسيبي فيه علامه علشان يبقى فاكرك بيها 😂
سما: عيب ي برنس دا انا تربيتك ي باشا
ياسين : طب ممكن نروح نأكل لاني واقع من الجوع بقى
سليم :يلا قبل ما ياكلنا بقاله ساعه هيمووت و ياكل
سما : روحوا انتوا كاملوا اكل و انا و البنات هنكمل لف في المول
مالك : انتوا بدوروا على أي و انا هساعدكوا
رنيم : انا بندور على شوذ تليق على فستان الخطوبه بتاع سمسمه
سما: معتقدش ي حبيبي هتعرف تساعدني اصل دي حاجات بنات
سليم : الجبهه طارت ي مالك 😂😂
مالك : بيتهيئلك ي حياتي في محل في الدور التاني امشي على ايدك اليمين تالت محل هتلاقي محل شوذات هتلاقي عنده كل اللي بدوري عليه و اللي يليق ع الفستان اه صحيح وريني الفستان و انا اقولك اي اللي يليق عليه
رنيم: دا هيعجبك اوي و كمان احنا مصدقنا أن
هي قالت إنها عاوزه تجيب فساتين
سما : انا ملاحظه انك بقيتي بتتكلمي كتير يلا ي هانم
مالك بعيند : طب انا من حقي اشوف الفستان بتاع الخطوبه بتاعتنا افردي معجبنيش يعني
سما : لا مش هتشوفه إلا على آخر الأسبوع ثم إنه يعجبك و لا ميعجبكش مش هاخد رايك في حاجه تخصني
منه بتوشوشها : الله يخربيتك اخوكي واقف هيفهم انك مش ضايقهه و إنك بتتلكيكي ل مالك ب اي غلطه
سما : اسكتي انا جبت أخرى من البنى آدم دا بقي
مالك: ازاي ميخصنيش لا يخصني انتي هتبقى مراتي يعني يخصني و نص و دا فستان الخطوبه بتاعتنا
سليم : بقولك اي ي مالك بيقولوا فال وحش لما العريس يشوف فستان العروسه قبل المعاد
ياسين : خلآص ي مالك مش لازم تشوفه دلوقتي
منه : هو بصراحه الفستان حلو و هتتفاجئ من شكله يوم الخطوبه
سليم : خلآص بقى شكلكوا تعبتوا من اللف ف المول تعالوا اقعدوا معانا و بعد كده كاملوا لف و خصوصا أن العروسه ماكلتش حاجه من ليلة امبارح
مالك بغيظ : و الهانم ماكلتش ليه انا عاوزه اخدك بخدود كده مش معصعصه اعمل اي بيكي معصعصه
سما : ريح نفسك اكل و لا ماكلش حاجه تخصني و بعدين انا خلاص نفسي انفتحت يلا نروح ناكل
رنيم بتوشوش منه : بتقولك نفسها انفتحت ربنا يستر و متحطش سم ف الاكل و تموته
منه : نفسي اعرف هي بتخطط ل اي
مالك : بما ان نفسك انفتحت اتفضلي قدامي هطلبك اكل ع ذوقي هيعجبك جدا
سما : لازم يعجبني ما انت عارف ازاي تتعامل مع البنات و البنت بتحب تاكل اي
مالك : اتفضلي قدامي قاموس ردح متحرك عندك رد لكل كلمه م شاء الله
سليم : البرنسيس نيمو تفضل معايا انا عارف انتي بتحبي تاكلي اي
رنيم : انت مش ناوي تبطل تخطف قلبي بكلامك الحلو دا ي قمري
سليم : لا مش هبطل انتي لسا شوفتي كلام دا انا هقولك كلام بس لما نتجوز يخليكي تموتي فيا اكتر و اكتر
رنيم : طب يلا نتدخل ل سما قبل ما تموت الولا الغلبان دا 😂😂
ياسين : اسمك منه صح
منه : اه اسمي منه
ياسين : طب ممكن ندخل ناكل قبل ما هما ياكلوا كل الاكل كلهم كابلز م عدا احنا تسمحي تدخلي معايا بدل ما كل واحد يدخل لوحده
منه : تمام ي استاذ ياسين
ياسين : لا قولي ياسين مش بحب استاذ و الألقاب
منه : تمام ي استاذ ياسين.... قصدي ياسين
ياسين : طب يلا بدل ملاقيش اكل ف الاخر
كلهم داخلوا سما كان قصدها مالك
رنيم قصدها سليم
و طبعا منه قصدها ياسين
مالك طلب ل سما زيه
سليم : سبحان الله انت عرفت منين أن سما بتحب تاكل شاورما باللحمه
مالك بيكلم سما : انتي بجد بتحبي الشاورما
سما بيتكلم مالك : اه كنت بعشقها بس طلما انت بتحبها معدش هاكلها تاني
مالك : اكيد هبقي عارف حبيبتي بتحب تاكل اي قلبي بيحس بيها علطول
سليم عارف رنيم بتحب تاكل اي و طلب ليها
اما منه بقى طلبت ل نفسها اللي هي عاوزه
و هما قاعدين ياكلوا في بنت خبطت في طهر مالك
البنت بدلع : اسفه مكنش قصدي
مالك : عادي خلاص محصلش حاجه.. شذى...؟
شذى : اي دا مالك انت بتعمل اي هنا اللي اعرفه انك مش بتحب تروح المولات
مالك : و اديني أجيت المول
سما لما شافت شذى افتكرتها البت بتاعت النادي و افتكرت كلمها ع مالك و كانت هتموت من الغيره
شذى : بس تصدق فرصه حلوه اني شوفتك اصلك كنت واحشني اوي انا مشوفتكش من يوم النادي و حتى انت مجتش تعزمني ع الخطوبه و بعتت ياسين
مالك و هو بيوقف سما و ماسك ايدها : اهااا صحيح نسيت اعرفك سما خطيبتي حبيبتي و دي ي حبيبتي شذى
سما و هي بتسلم ع شذى بغيره و قرف : اها افتكرتها انتى بقى البت بتاعت النادي
شذى : مسميش بت اسمي شذى
شذى لمالك : نفسي اعرف حبيت اي فيها المعفنه دي لوكل اوي دي بتقولي ي بت
سما : انتي بتقولي عليا انا لوكل و معفنه طب تعالى بقي
سما مسكتها من شعرها و قعدت عليها ضربتها
مالك بيحاول يمسك سما و منه و رنيم مع سما
و ياسين و سليم ماسكين شذى
سما : سبني ي مالك اعرفها المعفنه دي بتعرف تعمل اي مع أشكالها
شذى : انا هروح ازاي كده ربنا ينتقم منك ي بعيده
مالك : ما انتي اللي شتمتيها الأول ي شذى و اديكي اخدي جزائك علشان تبقى تحترمي نفسك اللي بتقولي عليهآ معفنه و لوكل دي حبيبتي و هتبقى مراتي
سما هددت لما سمعت كلام مالك
شذى : انت بتجي على صاحبة و عشرت عمرك علشان دي خليك فاكر انك انت اللي اخترت دا
مالك : انتي مخلتيش فيها عشرة عمر اصلا و فاكر متخفيش مش بنسى يلا اتكلي على الله و امشي
شذى بصت بقرف ل سما و رنيم و منه و مشيت
ياسين : يخربيت عقلك ي سما انتي شلفطي البت خلتيها معتدش نافعه 😂😂😂
رنيم : انتي هتفضلي علطول مندفعه كده دي تاني مشكله تعملها ف ساعه واحده ارحمي نفسك بقى 😂😂
مالك : انا دلوقتي اتأكد أن بابا عرف يختار صح سما : يعني عاوزني ي استاذه اشوفها بتهني و تشتمني ف وشي و اسكت
سليم : لا تسكتي ازاي متبقيش سما اختي تجيبي البت الأرض و تخليها مش نافعه و تكوني كده ارتحتي انتي ي بنتي المفروض كنتي تدخلي شرطه مش هندسه دي مش شكل واحده مهندسه اصلا 😂😂
سما بتبص على ايدها : شوف عملت اي البت عضتني اشوفها بس تاني و انا...
قاطعها مالك : هتعملي اي اكتر من اللي انتي عملتيه ي ظالمه ي مفتريه
سما : كنت هفضل اضرب فيها لحد ما يبان ليها أهل
ياسين بيوشوش مالك : ربنا يكون ف عونك قويه اوي انا عرفت ابوك صمم على سما ليه علشان دي اللي هتنفع معاك
مالك : انا اتعملت مع جميع البنات لكن دي مش لاقي ليها مدخل و ربنا اخاف ليلة الدخله أقرب منها تموتني بدل ما تصتبح على صباحيه هتصتبح على العزا بتاعي 😂😂😂
سليم : خير بتقولوا اي كده افهم
مالك : مفيش ياسين كان بيسألني مفيش اخت تانيه تبقى تربيتك اصل عاوز واحده تكون نسخه تانيه من سما م شاء الله عرفت تربيها ي سليم
ياسين : انت هتلبسني ي عم مش كفايه واحده ف العيله
مالك : يبني انا عاوز اظبطك معايا 😂😂 ما هو انا مش هتجوز و انت تعيش حياتك لا يمكن اسيبك
سليم : انا لو كان عندي اخوات بنات تاني اكيد كنت هجوزها ل ياسين بس مفيش غيري و غير البت الاوزعه اللي هناك دي 😂😂
ياسين : الحمد لله ان طنط قطعت الخلف بعد سما
سليم : بتقول حاجه ي ياسين
ياسين : انت مالك مركز معايا كده ليه روح شوف رنيم عاوزك
منه : خلآص ي بنات اكلتوا يلا بقى نقوم علشان يشوفوا هيعملوا اي هما كمان
سما : يلا علشان نلحق نجيب الحاجات الباقيه و بصيت في الساعه احنا بقالنا ساعتين مستنين الاستاذه باصي هي بتجي منين البنى ادمه دي
رنيم: ما انتي عارفه هي مش هتيجي لوحدها محمد هو اللي هيجبها ف اخر مره كنت بكلمها كانت مستنيه يقوم يلبس اتصلي بيها ي منه علشان و ربنا انا خلقي بقى ف مناخيري من محمد كل ما نعوزها يأخرها كده
سليم : اهدي كده انا عاوزك كيوته مش واحده خلقها ف مناخيرها
رنيم : هو انت مش بتفوت فرصه غير و تستغلها كده
سما: انتي لسا متصلتيش طب انا هتصل
باصي نسيت الفون ف العربيه مع محمد مكنش هيرد بس لاقي رن تاني
سما: انتي فين ي زفته كل دا بتجي
محمد : احم انا محمد اخو الزفته هي نسيت الفون ف العربيه معايا
سما : م. م. محمد انا اسفه معرفش أن الفون معك
مالك بغيره : مين محمد اللي الاستاذه بتأسف منه اول مره اشوفها بتعتذر و محترمه مع جنس الرجاله
سليم حب يغيظه : هي سما مقالتلكش عنه دا حب عمرها ازاي نسيت احكيلك بس
هنا بص مالك ل سما بغيظ : هي الاستاذه عندها قلب و بتحب زينا
محمد بيرد ع سما : عادي ي بنتي متتأسفيش انتي زي اختي هي هتلاقيها واقفه قدام الباب بتاع المول اه بالمناسبة نسيت اقولك مبروك ع الخطوبه
سما:الله يبارك فيك تمام انا هروح عند باب مول اهوت يلا باي
محمد : بأي
سما استنوني هنا عقبال ما اجي مفيش واحده منكوا تتحرك و مشت عند باب المول
مالك جاب آخره : هو انا هنا كيس جوافه مش المفروض تعرفني الهانم راحه فين و ازاي تكلم محمد كده عادي
سما راحت جابت باصي و أجيت
باصي : اسفه ع التأخير بس محمد اخرني و نسيت الفون في العربيه و مكنتش عارفه اعمل اي
مالك : ابقى قولي ل محمد يلم نفسه و ملوش دعوه ب سما هي خلاص هتتخطب يعني يشوف واحده غيرها
باصي : مين انت قصدك ع محمد اخويا
سليم بضحك : معلش ي باصي هو فهم غلط انا هفهمك ي مالك محمد يبقى اخو باصي و ملوش اي كلام او علاقه ب سما
ياسين بضحك : اي دا انت بتغير ي مالك على سما
مالك متنح : يعني دا ميبقاش حب عمرها زي ما انت قولت
سليم بضحك : لا اكلتها ي كورديا 😂😂😂
باصي : مش هتبطل هزار ي سليم هتفضل طول عمرك كده نفسي اعرف الموكوسه دي بتحبك على أي
سما : و الله و طلعت بتغير دا انت واقع بقى ي حلو
مالك : لا ما انا كنت بمثل دور الغيران انتي مستحيل تملي عيني اصلا
سما : ماشي مصير الايام تثبتلك سلام ي زميلي
مالك : احبك ازاي بس و انتي بتقولي زميلي دا لو صحبي مش هيقولي كده
سما : سلام ي شباب احنا هنمشي بقى
و بالفعل مشوا البنات و الشباب بعد ما دفعوا الحساب طبعا و خلص اليوم على كده و اجي يوم اللي هينزلوا يجيبوا فيه الشبكه
ام سما : انتي لسا مخلصتيش ي بنتي دا مالك و أمه تحت و انا و منه خلصنا خلاص
سما : لا ي ماما انا خلصت اهو
ام سما و منه :انتي هتنزلي كده
سما : اه و فيها أي
((كانت لابسه فستان في ورد كتير لونه احمر ف اصفر ف أخضر و لبست من تحت سترة ترنج ملهاش علاقه ب فستان اصلا زي فستان الفلاحين كده مش قصدي حاجه وربنا و ناكشه شعرها و الكحل مهبب تحت عنها))
منه : ع البركه ي طنط بنتك اتهبلت و بدل ما تتجوز لا ودوهااا مصحه نفسيه
ام سما : دا مفيش عقل انا اللي فرحانه انها هتتجوز و نازله اجيب الشبكه
سما : عادي ي جماعه يعني استايل جديد عليا يعني انا هنزل على تحت
__________________
____________________
تفتكروا اي هو رد فعل مالك لما يشوف سما كده
اي رد فعل مامت و اخت مالك
و سما هتعمل اي
و شذى هتسيب حبيبها يروح منها و لا هتخطط ل مصيبه
سليم هيكلم ابو رنيم أمته
أدهم هيسب سما تروح لغيره
عاوزه اشوف توقعاتكوا ف الكومنتات
و اسفه على تأخير الفصل بس بعد ما كتبته نسيت اعمل حفظ ف كتبته تاني من جديد