Ik bün al hier !

De Jugend von vondoog

In'n Lokool bi'n Middagsdisch seet he mi gegenöver un lees Zeitung. Un denn harr he eenen Artikel funnen, de em opregen dee. "wat is dat bloots mit de Jugend von voondoog! Door is doch nix mit los!" sä he. "kiek die dat an. Door hebbt se in de Stadt wedder een Huuswand vullsmeert mit jümer Spraydosen. IK segg jo: De jüngen lüüd döögt nix."" Ik bün gewiss ok nich doorför, dat se de wannen vull farv smeert.", sä ik. " Aber wenn wi jüm alltohoop över enen Kamm scheren wüllt, denn will ik vörher noch een GEschicht ton besten geben.De Schoolfründin von mine Swester, dat is de Mudder von de beiden jungen Lüüd. De Dochter studeert Musik un de jung Medizin. Beide sünn recht musikalisch un köönt goot op de Querfleit un op de Gitrarre spelen. Vör twee Johr müß de Jung een Praktikum för sein Medizinstudium afleisten. Un dat möökhe in een Heim för kranken kinner in Middelengand, dicht bi York. Door is he een poor Maand wesen un hett de kranken Kinner pleegt. He hett dat Geern doon. Aber se deen em ok bannig leed. Leesten Sommer harrn de beiden Geschwisert sik wat utdacht. Se wullen tohoop in England Urlaub moken und bi de Gelegenheit wat för de kranken Kinner doon. Se wullen jüm Freid moken mit Musik. Un as se lange Tiet vörher allens vörbereidt harrn, güng de Reis los. In London ünnerbröken se de fohrt för twee doog un keken sik de Stadt an. Aber nich bloots dat! Se stellen sik eenfach eenerwegens in de stroot op, kregen Fleit un Gitarre her un möken Musik. Wat se so utwennig kunnen, dat spelen se.un de Lüüd in London gefüll dat. Se bleben stohn to un wunnern sik, wat so'n poor junge lüüd ut jümehr Instrument ruutholen köönt. De een von de torhörers kööm an jüm ran un sä, se schullen door doch irgendwat henstellen to'n Geldrinsmieten. Dat bröch gewiß wat. He harr recht. As de beiden jungen lüüd na een poor Stünnen dat GEld tellen deen, door wunnern se sik. Mit so veelharr se nich rekent. Un ddorbi harrn se doch bloots so to'n Spooß Musik mmokt.-