و قامت جارية جري ع بيتهم و اول م دخلت لقت حاج الطيب و زوبتو قاعدين في عريشة القهوة😍و يتونسو
طوالي جات جارية لي ابوها و حضنتو و زوبة دي تشيل و تحمر ليها 😂😂
جيجي: اسمعني ي الطيوبة 😌
حاج الطيب: بابا ي قليلة الادب
جيجي: كدي اسمعني😌
حاج الطيب : اها ي ستي 😂❤️
جيجي: لي شامة لي ريحة حريقة انا 😂😂😂
حاج الطيب اتفقع ضحك😂😂😂😂لمن خت كوباية القهوة
زوبة( صارة وشها 😠): لا بتحرق لا شي بس شايفاك جيتي طايرة في ابوك و انا ولا كاني قاعدة
جيجي: معقولة ياخ اها ( اممممممممح) طبعت بوسة ع خدود زوبة
و قالت : و بعدين انا م قلت زوبة 😌🤣🤣
حاج الجيب: ال في راسو ريشة براو بنيشها 😂😂
و قعدو يضحكو و زوبة طرشقت عديل
زوبة : الله يعيني عايشة مع متخلفين 😠
و ديل لسة مواصلين ضحك 😂😂😂😂
المهم جيجي قعدت اتونست معاهم شوية .و لمن جاية مارقة اتذكرت عزومة بكرة
جيجي: هيي اسمعوني ..ابوي بتعرف ليك واحد اسمو كمال؟!
حاج الطيب: كمال كمال؟! ...اااا اي اي كان دفعتنا في الجامعة ❤️❤️ي الله كانت ايام😍
جيجي: المهم هسي بقى جارك عديل صياعة جد 😂😂بكرة قال جاي و معاو بتو ..غايتو ده المخلوق الوحيد ال انا لقيتو فبيتهم😂😂
حاج الطيب: خلاص تمام
زوبة: هيي انتو ي ال بتتفقو البسوي الطفحون منو اتفقو معاي احتمال م موافقة و بعدين د شنو كلام الشوارع د صياعة و م صياعة 😠
و الطيب من عشرة تكون في البيت ..اي كمال دفعتنا و اي شي ..لكن وقتنا نحن وين ؟؟( قالتها بصوت ناعم كدة 😂❤️)
حاج الطيب : عيوني ليك يا جميل 😍انت تامر و انا انفذ
جيجي: احم احم انا واقفة هنا لسة يا جماعة 😂
زوبة حمرت ليها و جيجي مع الحميرة فحطت 😂😂مشت لي جود ..لقتها قاعدة في التلفون جيجي فتحت الباب و جود م انتبهت ليها ..
جيجي في سرها ( فرصة لا تعوض)
مشت ورا جود و كوركت بي صوت عالي: جووووووود 🗣🗣🗣
جود قامت ناطة في مكان و التلفون في مكان و اظن الشعر زاتو في مكان 😂😂😂
جيجي اتفقعت بالضحك 😂😂😂: جيهاعهاعهاعهاع
جيهاعهاعهاعهاع
جود حمرت ليها و لمن قايمة عايزة تضربها 😠
جيجي كوركت : عندي شمار
طوالي جود وقفت و قعدت في السرير
جيجي: نقطة ضعف غريبة 😂😂
جود : انبحي قبال اقوم اشنقك 😑
جيجي: بكرة جايننا ضيوف
جود : منو ؟؟
جيجي: صاحب بابا و ماما و كان دفعتهم في الجامعة ..و سكنو قصادنا ..المهم عايزاك تتجهزي و تكوني مزززة لانو الراجل مز و بتو مزززة اها لو عندو اولاد حيكونو كيف 😭😍
جود (طااااخ ) لطشت جيجي خلي الصعلقة و قلة الادب
جيجي: غايتو كلمتك عشان بعدين م تجي تلعلعي و تقولي م قلنا ليك 😌
جود : تمام حاضر ياخ
جيجي: يلا بعد كدة حكينا ليك الشمارات نمشي نتغاتت على جواد شوية في لعباتو 🙂
جود: متخلفة و عمرك محتعقلي
جيجي: م بعقل ي زولة راجلي انتي؟؟
جود رفعت السفنجة و عايزة تضرب جيجي لمن رفعت راسا لقت بس كتاحة قايمة 😂😂😂😂قعدت تضحك و قالت : ربي م يحرمني منك ❤️❤️
جيجي بعد الكتحة ديك كان وصلت غرفة جواد لقتو قاعد و يلعب ..باني ليهو بيت مكعبات
جيجي جات داخلة و (شوووووو ) شاتتو
جيجي: هيي معليش و طلعت خلتو بيردح و تتضاحك 😂😂
دخلت غرفتها فتحت تلفونها جاتها ليك الرسايل تطاقش من يهود بني قريضة تمت الناقصة و بقو يتكلمو الرحلة و م الرحلة و العملو في منيرة 😂😂
و اول م جابو سيرة مصعب طوالي جيجي قفلت التلفون و بقت راقدة بتفكر في الحصل...
و في رقدتها ديك شخرتها م صحت الا بي موية باردة من زوبة 😂😂😂
زوبة : قومي نايمة ليها شنو منو ال ح يساعدني انتي و اختك متكومات يلا سرعة 😠
جيجي: لي كدة ي نبع الحنان معقولة بس؟؟
زوبة : يلا سررعة قبال اجيك بالتاني و مرقت
جيجي قامت صلت و استحمت و سوت روتينا اليومي و طلعت هي و جود مسكت البيت د نفضو نفض شديد و طبعا اتملو تراب زي ال كانو م استحمو و في لحظتهم ال هم قاطعين فيها حاج الطيب لمحهم ليك ..
حاج الطيب: شغال ي جعفر ي سمعة تعالو هنا تعالو 😂😂😂😂😂😂
جيجي: انننننن ظريف ي ابوي غلطانين نحن كان نخلي الراجل يجي يلقى البيت بي عنكبوتو
حاج الطيب: معقولة ياخ بناتي السمحات خلصتو صاح
جود و جيجي: اي الحمد لله
حاج الطيب: يلا امشو استحمو لانو م شايفين مناظركم عاملة كيف و اتشرط من الضحك 😂😂
جود و جيجي قامو زهجانين اي واحدة مشت استحما و لبست
جود : بنطلون اسود ووتونك فوق الركبة بي شوية كروهات بنفسجي بي اسود ..الطرحة سودا و فيها تطريز بالطرف بالبنفسجي 😍😍
و شبشب البيت للاسف😂😂😂 بس كانت طالعة مزززة 😍
جيجي بنطلون جينز ازرق قميص كدة طويل حبتين اسود 😍و كسرت اللون بالطرحة البمبي فاتح
و طلعت قرررضة 😍😍
زوبة لبست جواد و الطيوبة و بخرت البيت و بعداك لبست ..و قعدو يتصورو( اهم حاجة 😂😂😂) زي نص ساعة كدة و الجرس ضرب ( تلينك تلينك ) ..
