....... مهما اختفى من حياتك أمور ظننت أنّها سبب سعادتك تأكد أنّ الله صرفها عنك قبل أن تكون سبب في تعاستك.
.
.
.
.
.
.
.فرح..
صار عندي اهداف اول هدف انو اعرف ليش الدكتور سالم خافي موضوع بنته ثاني شي انو اعرف سبب موت جدتي لان مستحيل يكون حادث..
ثالث شي الدكتور حسن صح الشرطه تحقق بس ما اتوقع يجيبون.. نتيجه..
ياللهي. احس هموم الدنيا ع راسي من غير الشلهوما اعرف احس كل واحد يمثل الفرح وهوة گلبي عالم كامل من الحزن قررت افاتح احمد..
.
.
. مهيمن.. اكلج فرح.
فرح.... ٠ول گلبي.
مهيمن.. سالم گلبج.. بعد يومين عدنه مشوار.
علي.... هاي شنو كثرة مشاويركم.
فرح.... اي شعبالك.. والله طلع مهيمن يخبل. مووو. مهيمن.
مهيمن... وفروحه درة مال الله تخبل ب الطلعات.
علي.. ما اريد اروح وياكم..
فرح.. لا عيني شعندك رايح عدنه امور خاصه.
علي.. اها هسة صارت امور خاصه..
فرح.. علش وين احمد..
علي... بغرفته.
فرح.. رايحتله...
علي... مخليتي واحد...
فرح... شنوو قصدك. ولك... عگروك.
علي.. انتي ام خشم روحي ولي.
.
. فرح....
رحت للغرفه.... دگيت الباب
احمد.. تفضل.
فرح.. هاي.
احمد... اهلا وسهلا نورتي الغرفه..
فرح... بنورك خيوو اجيت واريد اسولف وياك.
احمد.. تفضلي خيتي اگعدي وسولفي لا تضلين واكفه.
فرح. تسلم اوكف بس اسد الباب ولا تخاف لان ما اريد احد يسمعنه.
احمد.... ههههههه من شنو اخاف المفروض انتي تخافين مني.
فرح. هههه ياااا طاح حضك..
احمد.... هههههههههاي والله من زمان مضاحك هيج..
فرح....... ههههه ليش.
احمد.. هيج.
فرح.... احمد. اريد اطلب منك طلب.
احمد.. اي گولي.
فرح.... اشرلحي عن عائلتك..
احمد.... اهوووو.( همة ذوله ب الذات ماردت اجيب طاريهم شسوي هسة هاي فرح مثل خيتي وانه محاجي لاي شخص عنهم لذالك احتمال من اسولفلهة ارتاح وبعدين بس بعض الامور مسولفهن لعلي لذالك راح اسولف)
فرح.. هييي هلووو ويايا
احمدد.. ايي وياج. راح اسولف وماريد تقاطعيني.
فرح.. اوك ابدة
احمد....
. احنه عائلتنه من طبقه عاليه وانه ما افتخر بهذا الشي عندي خوات ثنين وحدة هسة بگدج والثانيه متوفيه وهم اكلج السبب.
ابوي جان متسلط وعصبي كلش وامي ماشيه وياه بكلشي هوة عصبي ويانه بس من يوصل يم امي لا يتغير 180 درجه بحيث انه دراستي وملابسي غرفتي ديكورهة كلشي بكيف امي وابوي بس من كلت الهم لو اعوفكم لو اروح قسم فنون الطبخ فا استسلموو وقبلوو الموضوع وبديت اتعلم الطبخ..
وهذا الحجي من جنت وياكم ب المزرعه..
.
اختي الثانيه الله يرحمهة جانت هادئه كلش لدرجه مو طبيعيه ميطلع الهة صوت..
ف ابوي صارت وياه مشكله وي احد الشيوخ والشيوخ رفعو عليه دعوة.
ومقبلوو يتنازلون عن الدعوة اله بشروط.
الشرط الاول.. عشرة ملايين.
الشرط الثاني.. مرة.
ابوي مجان يگدر يسلم روحه الهم وهانت عليه اختي ينطيهة واتوقع يسمونهة فصليه. ما اعرف بعد.
المهم.. اختي مجانت تفهم شي يعني 15 سنه وينه وين الزواج.
راحت فترة ورة تقريبا شهر اتصلو ع ابوي گالو اله تعال اخذ جثه بنتك..
ولهذا اليوم منعرف شنو سبب.
فرح...( بلشت تنزل دموعه حاولت ادور وجهي... لان نقطة ضعفي اشوف رجال تنزل دمعته او هم موحلوة بحقه يبجي گدامي فما اريد اخليه بموقف محرج) لزمت ايدة علمود اهدئة.
احمد.
.
. انه هنا نهاريت كلش بحيث گمت حته اكل ما اكل وما اگدر اسوي شي لان ابوي ميقبل وهوة تقبل موت اختي بكل سهوله.. المهم.
مرت الايام والشهور والسنين.. وهسة قبل ست اشهر..
اختي العايشه كان عندهة صديقه مو زينه..
انه حاولت اعرف عنه امور وعرفت انو هية تضحك ع الولد وهية بعدهي صغيرة ومو زينه صداگتهة وي اختي ما گدرت احجي وياها انه ف گلت لامي.
.
امي.. قبلت تحاجي اختي بس اختي فطيرة متعرف بسرعه شخص شيريد ميريد تصدك بسرعه.. امي گالت لاختي اختي نص ونص متقلبت الموضوع كلش لان كانت متعلقه بيه....
راحت للمدرسه هية اختي عدهة تلفون وميقبلون ياخذونه للمدرسه لذالك متاخذة..
لحد. ما يوم من الايام اجتني رساله من رقم اختي انو هية واگعه ب مشكله بهذا المكان تعال انقذني...
انه تخبلت مافكرت انوو هية متاخذ التفلون وياها بسرعه بدلت ورحت للمكان كانت الساعه يمكن ب 2 الضهر...
وصلت لامكان لگيته بيت...
دگيت... وكون ما دگيته.
انجريت وانسد الباب.
شفت شوفه ياللهي استغفرالله.
صديقة اختي لابسه لبس مو زين وكلش مفضوح انه اول مشفت غمضت عيوني واستغفرت ربي من ه الشي حاولت اطلع مگدرت...
شفت باب المطبخ مفتوح... ركضت لگت ماكو باب لبرة بس حايط.. گمزت من فوگ الحايط...
رجعت للبيت وانه افكر شنو من بنت هاي... والصراحه خفت لا تسويلي مصيبه..
وصلت للبيت تلگاني ابوي..
گلي كلام لهسة يدك باذني..
هلة ب العار هلة بطايح الحظ. هلة ب الي نزل راسي. انته ماخفت ع اختك يجي يوم واحد يسوي بيه هيج..
شويه وطلعت وراه صديقة اختي..
هاي يمته وصلت لهنا لگتهة شكلهة بريئه وتبجي. تگل لبوي.
هوة سوة علاقه وياي ومن مل مني گال انه ما احبج وحاول يبعد اخته عني وانه احبهة وما اگدر اتخله عنهة وعنه وحته هاي خالتي شاهدة مو كلج احمد.
انو تبعديني عن بنتج.
امي... كالت اي والله صدك.. ي ا صخام وجهك يا احمد. هاي جزاتي وتربايتي الك.
انه هنا نهاريت مگدرت احجي ولا اسولف شي اخذت ملابسي وكم فلس وطلعت من البيت محافظ ع شويه من كرامتي قبل لا انطرد.
فرح.... ( والله گلبي انعصر كل ما يحجي يعصر ع ايدي انه ما متضايقه بس شايف ضيم شگد الله يساعدة)
احمد...
بعدين.... هوة بوكتهة علي جان صديقي بس شنو مو قويه صداقتي وياه.
ف يوم من الايام طالعين انه وياه وشفت ذيج البنيه الي تخبل اختصر الموضوع احبهة وتحبني. تعلقت بيه لدرجه مو طبيعيه ومنتضرة الراتب مالتي حته اروح اخطبهة ونعقد.
لحد ما يوم اجتني رساله منهة...
كاتبه بيهة... حبيبي انه اسفه ما اگدر اكمل وياك لسبب اسفه مرة ثانيه والله احبك واموت عليك واتمنى متنساني واتمنى انو خليت بصمه حلوةة بحياتك
وياها گلب احمر مكسور..
انه بعد ما بصعوبه استجمعت نفسي بعد اهلي ارجع انكسر مرة ثانيه ما سمحت لهذا الشي.
وما اهتميت للفلوس اخذت علي. وكم شخص ورحنه لبيتهم نريد نخطبه وصلنه لكينه ناس مكلوبه وجاي نصبون جوادر.
انه گلت احتمال جيرانهم مو همة رحت لاخوهة. سلمت عليه شبگني وگال البقيه بحياتك انه هنا دم ما بقه بي كتله خير شصاير هنا.
كال جا متدري.. كتله كول خوفتني... كال رهف انطتك عمرهة.( اسم حبيبته)
احمد.... هاااااا ما ادري شصار بعدين كعدت لكيت روحي ب الديوانيه مالتهم.
ضليت مثل الطفل المفطوم الوج ما اعرف شسوي.
لحد ما تقويت وسألت اخوهة شنو السبب.
گال انوو مرض مو زين قبل يومين اكتشفنا الموضوع.. والييوم قبل لا تموت بساعه عرفت هية..
.
.
.
.احمد....
وهنا يفرح انته شي اسمه فرح بحياتي ..... تدهورت اموري.
ومن التقيت بيكم صار عندي هدف انو تبقه لمتنه بس احاول اتكايف واضحك وي الامور.
فرح..... والله يا خويه ما اشگول غير الله يساعدك والبقيه بحياتك.
وانه اعتبرني مثل اختك الي ماتت الله يرحمهة واختك الثانيه وانه بأي وقت موجودة اذا تحتاج شي واهم شي ما تخلي الماضي يأثر عليك وحاول هم انوو تتكيف وتصنع الطريق لنفسك.....
.
.
.
احمد... اوك اشنالله.
.
.
.
..
.
..
.
.
بعد مرور يومين.
مهيمن...
حاليا انه بقلق كلش خايف..من الموضوع بس وجود فرح وياي ايخليني ارتاح
طلعن النتائج
فرح...
مهيمن مهما يكون انشالله خير خ نروح للمطعم هناك نفتحه.
رحته للمطعم طلبنه اكل وخلصنه..
وهنا فتحت الضرف..
وجانت الصدمه...
انو مصاب بمرض السرطان (الله يكفيكم شرة) بس هم الحميدة مو الخبيثه بعمليه يستأصلونه مثل ملك
.
.وتحدد الوقت ورجعنه للبيت وخبرنه البقيه اكيد صارت شويه داما وعناقات وكذا بس اهم شي انو تنجح العمليه راح تصير صعبه لان من زمان بي.
.
.
.
.
.
تصويت..
متابعه...
تنشر القصه ع المنصه مالتك طلب وليس امر..
