قصه قصيره*روبابيكيا*
وقفت علي المسرح وامسكت المايك وهي ترجع خصلاتها الي الخلف وتطلق تنهيده قوية.... تخرج بها ثقل همومها
دقائق وسمعت هتاف الجمهور
يهتف بأسمها بقوه وصوت التشجيع يملئ المسرح لتغمض عيناه وتقول بصوت مرتفع كلمات شعرها
وروبابيكياااااا... روبابكياا ياناس
لم همومك واديهالي روبابكيا واديك مكانها فرحه وابتسامه....
روبابيكيا واديني حزنك ارجعهولك سعاده
روبابيكيا علي همومك وعلي سكوتك قصاد لمعة عين وقلب سليم مشافش كسور ولا اتشرخ ولا اتجرح
روبابيكيا علي دموعك واهاتك في نص الليل
روبابيكيا علي الذكريات الي بتخبط علي قلبك بليل وهي عارفه انها ضيف مش خفيف
روبابكيا علي قهوه مره ودمعه سخنه خرجت عشان تشوف جرحك وتشهد عليه
روبابيكيااااا ياناس... بيع حزنك واديك فرح ..روبابيكيااااا اخلي قهوتك سكر نبات
في اخر نقطه في قلبك هتلاقيها
في ساعة الفجر في دموعك هتلاقيها
في الشوش المهمومه هتلاقيها
لا سحر ولا شعوذه اديني همك واخليك سمايل ديما بدون وجع ولا احزن
من كتر ساعدتي بابيع سعاده
قرب قرب قرب..... واشتري السعاده ببلاش... اشتري ابتسامه تكمل بيها اليوم
تنهدت بقوه ودمعه هاربه تحررت من عيناها ولكن لم تؤثر علي نبرتها القويه
لتكمل بقوه اكثر
اشتري مدح مديرك فيك عشان تطلع احسن ما فيك ونجاحك يكون كبير
اشتري قلب مبيعرفش يحب يقع في غرامك يدوب ويسهر الليل ويسمعلك ام كلثوم
اشتري اهل حساين بكم اوجاعك
ويواسوك في وجعك ميستهتروش بيك
اشتري نجاح اشتري مال اشتري سعاده واشتري حياه نعيمه مليانه ايموشن قلب
روبابيكياااااا
روبابيكياااااا ياناس
روبابيكيا او تشتريني انا
اشتري بنت مخلصه اتخرجت وملقتش شغل اشتغلت في محل هدوم عادي وهي خريجة اداب
اشتري بنت عايشه وسط ناس شيفينها امينه وهي اجدع من سي السيد كمان
اشتري بنت واقفه في امان الله في مترو
لقت ايد علي وسطها... ولما زعقت قالو لبسها
اشتري بنت اهلها رمين طوبتها
ماهي عشان بنت اتقل منها
اشتري بنت حبت واحد واستجدعت معاه وصبرت عليه وفي الاخر سابها وقال بيقول... مش هينفع نكمل اصلي زباله
وروبابيكياااااااا....اشتري بياعة سعاده
روبابيكياااااااااا ... واديني دمعتك
روبابيكيا وسط زحمه وسط فرحه
روبابيكيا ياانسه وارجعك بنت بضفيرتين وشريطه حمرا علي شكل فيونكا تغيظي بيها بنات الجيران
روبابيكيا يامدام وخلي بيتك هادي مفيهوش دوشة عيال ولا راجل يشخط عايز الفنله والشربات
روبابيكيا يااستاذ وانا اقولك انك مش فاشل بس الظروف هي الي خليتك قاعد علي القهوه بتابع الي رايح والي جاي وانتا نفسك مكسوره
تصفيق حار لها وتكون الموسيقي الهادئه اخذت دورها لتريح تلك الحنجره المجروحه.....
لتقو بعدها بصوت ضعيف مسموع
هيقوللكم مجنونه شاربه السعاده من كيعانها...مولوده في قلبها تفائل من الجنه
ناس هتقول تافهه
ناس هتقول مجنونه
ناس هتقول شحاتة أسيه وهموم
هقولك خلي الي يقول يقول
هيقولو بنت طالعه علي المسرح طالبه شهره بتبيع الهوا وانتو بتشتروه
ثم ارتفعت نبرتها لتصبح اكثر قوه قائله وهي تمسح تلك الدمعه التي تخونها
روبابيكيااااااا... اضحك من غير بياعة سعاده....الدنيا مش بتدوم
روبابيكياااااا... كمل حياتك كأنك لسه مخلوق اليوم
روبابيكياااااا... بيع الي باع ومتشتريش ابدا استني الي يشتريك
روبابيكياااا...غصب عن الدمعه والكسره وقلة الحيله هتبتسم وتقول ياجبل مايهزك ريح ....كمل انتا تقدر ....
كمل قبل ماتكون حزين وحيد مكسور
كمل قبل ما تصحي في يوم تلاقي نفسك وسط دوامة سودا
كمل قبل ما تقف علي مسرح وتبيع سعاده
وروبابيكياااا......
انهت جملتها الاخيره وهي تنزل يدها الاثنتين جانباً مغمضه عينها بقوه
وهي تسمع صوت التصفيق الحاد يداوي المسرح وصوت التصفيير
فتحت عيناها لتري ابتسامات أمل
واخري فرحه واخري دموع
اعطتهم السعاده ليبتسمو وهي تنزف دمع
اعطتهم الامل وهي فاقده اياه
اعطتهم دفعه للأمام وهي في الخلف
كذب من قال فاقد الشئ لا يعطيه
لان فاقد الشئ يعطيه وبكثره
لتقول بخفوت لم يسمعه احد غيرها
اضحك لبياعة السعاده.....
*ابتسم وعش قبل ان تجد نفسك تأقلمت علي الاقتضاب والحزن لا تعرف للسعاده طريق... ابتسم قبل ان تفقد عينيك عذريتها وتنزل الدموع دوما
ابتسم فالعمر قصير*بياعة السعاده*
........................................
قصه قصيره *روبابيكيا*
بقلمي وسام اسامه
