نـــدم

الـــبارت الخامس

    غزل
عبرت٣اشهر
نفسيتي صارت ابد موزينه ابد كمت اكح دم
صارتت هواي احداث
متحمسه اكلكم شلون انكسرت💔

صفنت واني اتذكر قبل٣اشهر شصار ويايه
كعدت عله ركعه الباب باوعت ماكو بصفي باوعت منو فتح الباب هيج باوعت بنيه شابه مو ذاك الجمال بس جسمها مبينه مسويه نفخ للوره وليكدام باوعت كلت  منو انتي
مرت اسد
ضليت اباوع شدتحجين بنتي اسد مزوج
ايي اني مرته الثانيه دفعتها ودموعي تنزل وخري جذابه
اسسسد وينك
خيررر
منو ههاي
مرتي وهوه يحضن خصرها
بهذيج الحضه مدري شسوي ضليت اباوع عليهم ودموعي تعيط تكول مالتيي اسد عوفها عوفها هزيت راسي بقهر ودرت وجهي ورحت للغرفه قفلت الباب فتحت الجراره حبايتين ڤاليوم شربتهن ورحت نمت كعدت ثاني يوم نفسي تلعب شربت حبايتين ورجعت نمت معقوله محد سال نمت مره ثانيه صارلي بلغرفه٣ايام انام بدون اكل ولا شي طلعت جنطه لميت ملابسي واخذت حبوب ويايه واخذت شويه من ملابس اسد
صعدت للطابق الثالث مهجور محد بي بس شلون البيت مطبخ وكلشي
دموعي تنزل حموت جوع رحت لكيت مي شربت ورحت نمت كعدت لكيت انواع الفواكه والخضروات مسواك كامل علاليك بلمطبخ باوعتلهن نفسي مسدوده اخذذتلي تفاحه اكلتها ورجعت نمت واني حاضنه قميصه نمت عبر اسبوعين اخذ تفاحه وانام شعري البدايه مالته صارت كلها شيب عبالك عجوز واني عمري١٧
رحت للمطبخ شفت العلاليك زايده يمكن جابو مسواك نفسي مسدوده كمت اكح دم
نزلت ولاول مره من بعد٥اسابيع
نزلت بس نزلت شفت خالتي باوعت عليه وشهكت باوعتله بعدم اهتمام كلتلها اريد اروح لدكتور
همست بصوت كوه يطلع
هسه اكول.لاسد يوديج
هزيت راسي ب اي
صاحت
اسد يمه اسد
سمعت صوته وكلبي رجف باوعتله نزل بهيبته المعتاده صاير احله باوعلي وصفن منصدم باوعت شكلي طبيعي بس يمكن لان ضعفانه وشعري ابيض كلت بصوت ضعيف رح اخذ الجبه من الغرفه مرتك موجوده
مصدوم يباوعلي
باوعتله نزلت دمعتي واني اباع بعيونه شفت عيونه غركت دموع طلع بره وكال بصوت مخنوك ومهضوم انتضرج بره
كلت معقوله لهلدرجه اني مثيره للشفقه؟
رحت لغرفتنه القديمه خليت ايدي عله كلبي ونزلت دمعتي واني
اشتم ريحته بلغرفه اخذت جبه وذبيت الحجاب ب اهمال
باوعت الشكلي خدودي ذبلان حيل ضعفانه كحيت باوعت بلكلينس دم نزلت دمعتي
رحت طلعت صعدت يمه بلصدر باوعتله عيونه التقت وكانو اول مره واحد يشوف الثاني اتقرب مني كلش وخر الحجاب باوع الشعري كام يتنفس بقوه وعيونه غركت دموع كال شيبتي
عجوز صايره وضحك وهوه يباوع لعيني يحجي وعيني تبجي تنزل الدموع بلع ريقه وهوه يباع الشعري ضمه بلحجاب زين وكال يا الله خلي نروح لدكتور بلكي سرطان وتموتين
ابتسمت بقهر كلت ولله؟ تتمنه يصير بيه سرطان
اي امنيتي  تموتين وها كون بين ايديه تموتين حته ارتاح.
هزيت راسي بقهر
وصلنه للمستشفى
سوينه فحص عام
كالو انتضرو ساعه وتجي التحاليل كال ماشي كعدنه كحيت هم طلع دم بلكلينس باوع للكلينس وعكد حاجبه كال شنو هاي
اخذ الكلينس باوعلي كلي بخوف من شوكت يطلع دم كلتله بحده معليك انته
دار وجهه طلعت التحاليل
صاحو اجه يباوع بلتخاليل ويمشي بلحضه انتصم بمكانه ضل واكف ويقره ودموعه تنزل كلبي قبضني لــيــش ديبجي بيه شي
باوعلي كلتله هاا
كلي
سرطان بيج