القصر الملعون

part 1

ابتسم ففى النهايه ميت......
~~~~~~~~~~~~~~$$$$$

ميرا نزلتى الشنط من العربيه ولا لسه قالتها سناء والده ميرا..

ميرا: ايوه يا ماما بنزلهم اهو نادى لآسر علشان يساعدنى

سناء: انت يا ولد يا اسر تعالى ساعد اختك متسبهاش كده

آسر بغرور: مش بتعرفوا تعملوا حاجه من غيرى للاسف

ميرا: يلا يا اخويا مش وقته

ودهب آسر لمساعدتها فى حمل الحقائب وانتهوا منها وفى طريقم لدخول هذا القصر..
وقفوا على بوابه هذا القصر

آسر: يا جماعه انا مش مرتاح للقصر ده انا سمعت عنه كلام مش كويس

ميرا: بطل يلا ومتبقاش خرع ده مجرد كلام فى الفاضى ولا اى يا ماما

سناء: ايوه اختك معاها حق يا آسر معتش فيه حاجات من دى الزمن ده يلا بينا ندخل

ثم دلفوا الى القصر واول ما فتحوه قابلهم الاتربه والحشرات

ميرا: يااه القصر ده شكله محدش سكنه من قرون

سناء: يلا هو بس محتاج تنضيف..احنا هنطلع نحط شنطتنا فوق وننزل نظبطه لانه مش هينفع ننام فى المنظر القذر ده

آسر وهو يلوح: طب يلا يا جماعه تصبحوا على خير اشوفكم بكره

ميرا وهى تمسكه: رايح فين بس يا سوسو انت هتساعدنا يا حبيبى والا مش هتاكل من هنا لبكره

آسر: لا يا اختى وعلى اى خلاص هشتغل

ميرا بغرور: ايوه كده تعجبنى

سناء: يلا يا ولاد علشان نلحق

وبالفعل صعد كلا منهم الى الغرفه..
وميرا فى طريقها الى غرفتها سمعت صوت ينادى بإسمها..
ميرا: مين اللى بينادى ده..يمكن ماما ناا هحط الحاجه واروحلها

دلفت ميرا الى غرفتها وكانت عباره عن جناح كبير بيه سرير كبير جدا واريكه كبيره والغرفه كانت رائعه التصميم لكنها كانت تحتاج الى تنظيف كثير

ميرا: ياااه الجناح جميل بس للاسف محتاج تنضيف كتير..يلا على البركه

وضعت اشيائها على سريرها وتأكدت منهم وفى طريقها للخارج سمعت نفس صوت النداء ولكن من داخل الغرفه التفتت ميرا ولكنها لم تر شيئا..

ميرا: اى ده هو انا خرفت ولا اى بقيت بسمع صوت امى فى كل ما كان..ما علينا اروحلها بقا علشان نلحق نخلص قبل بليل

ذهبت ميرا الى والدتها واغلقت باب جناها..
اما فى داخل الغرفه بعد خروجها صوت ضحكه مرعبه....

ميرا بعد نزولها الى الاسفل..

ميرا: نعم يا ماما كنت بتنادى ليه

سناء باستغراب: انا!!..محصلش انا مش نديت اصلا

ميرا: ازاى ده انا سمعت مرتين اسمى وهو بيتنده

سناء: والله يا بنتى ما حصل..اكيد بس من تأثير السفر

ميرا: ممكن

اتى على صوتهم آسر وقد سمع حوارهم..
آسر: يا جماعه فى حاجه غلط فى القصره ده انا مش مطمن

ميرا بطل يلا هبل ويلا على شغلنا

بدأ كل من ميرا وآسر سناء فى تنظيف القصر وكل ركن فيه الى ان وصلت ميرا الى باب كبير وعتيق..

ميرا: يا ترى اى اللى جوا

سمعت صوت يحثها على الدخول..

ميرا بانتفاضه: مين اللى بيتكلم
لم تسمع ميرا رد سوى "ادخلى"

كانت ميرا على وشك فتح الباب والدخول ولكن صوت والدتها حال دون ذلك

سناء: بتعملى ايه هنا يا ميرا

ميرا: هاا..لا مفيش انا معديه بالصدفه بس وكنت ماشيه اهو

اكملت ميرا عملها ولكن عقلها شارد فى هذه الغرفه والصوت اكثر..

ميرا: انا بكره ان شاءالله لازم اكتشف الاوضه دى

بعد ما انتهوا من عملهم تناولوا طعامهم وانطلق كلا منهم الى جناحه...

وبمجرد ما انفتحت باب غرفه ميرا حتى انصدمت.......

اتمنى يعجبكم وتقولوا رأيكم💜