بابا قال لي.......يادانية انا ما حصل جبرتك على حاجة صح.😊.... قلت ليهو اكيد يا بابا😁 ......... قال لي ولو قلت ليكي تتزوجي ولد خالد..😊........هااااا😳💔ماسمعتك كويس يابابا قلت لي شنو؟؟😳....قال لي يابتي العمر ما مضمون و انا ما ح أجبرك على حاجة انتي ماعايزاها ....... بس يابابا انا مابعرفو ...... بتتعرفو ما ح نستعجل ح نعمل خطوبة لو ما عجبك خليهو و لو اتزوجتو و ما عجبك اخلعيهو 😂😂💔....... طيب موافقة..... فجأة ماما جات داخلة بتزغرد😂😂😂💔........ المهم انا ما كنت راضية بس ما عايزة ازعل ماما وبابا بجد فرحت انهم فرحانين...... شوية وجو نازلين رسيل و ريناد مستغربين بيقولو مالكم😳.... ماما ورتهم ريناد قالت ..... يعني انا ح اكون البايرة😭😪💔.........المهم اتونسنا كدا اليوم البعدو لبست للجامعة تنورة بنفسجية منفوشة شوية و بلوزة بيضاء مع بنفسجي باكمام طويلة و جزمة بيضاء و طرحة بنفسجية و شنطة بيضاء نزلت تحت انتظرت ابرار ولبنة جوني و مشينا الجامعة أخدنا محاضراتنا و طلعنا اتونسنا شوية وماما دقت علي قالت لي وينك قلت ليها جاية ليه؟؟؟ ....... قالت لي ف ضيوف جو ما تتاخري ...... طيب تمام....... البنات وصلوني البيت و مشو صلحت طرحتي و دخلت لقيت عمو خالد و خالتو غادة و روان و عمر و منذر.... قلت ليهم السلام عليكم و مشيت سلمت عليهم و طلعت فوق استحميت و غيرت ملابسي و نزلت ليهم ماما قالت لي سوي قهوة سويتها و ودينها ليهم و جيت ماشة عمو خالد قال لي اقعدي يا دانية..... قعدت و قال ل بابا انا الليلة جاي عشان اطلب يد بنتك دانية ل ولدي عمر ....... بابا قال .. طبعاً انا بتشرف انو اناسبكم انت كنت اخوي و سندي ف الغربة بس الرأي رأي البنت...... انا كنت طاشة شبكة ومصدومة ماكنت متوقعة انو يجو بالسرعة دي😳😳💔....... سكت وماقلت حاجة و كنت خايفة أني احرج بابا و ف نفس الوقت نفسي اقول لا......... بابا قال السكوت علامة الرضى ....... عمو خالد قال ...... على بركة الله جابو الخواتم و لبسونا ليهم و عمر يحمر لي وانا احمر ليهو........ خلصنا قمنا سوينا العشاء و و اتعشينا مع بعض و مشو وانا طلعت غرفتي و بكييييت و دقو علي البنات مكالمة جماعية ...... رديت قلت الو كلهم استغربو قالو لي مالك
نون: دانية😳 مالك بتبكي
ابرار : يابت مالك
لبنة: يابنات شكلو حاصلة حاجة ارح يا ابرار نمشي نشوفها وانتي يانون بيتك بعيد ما تجي اسي تعالي بكرا
إبرار و نون : طيب تمام.
البنات جوني لقوني ببكي و مستغربين مالي وحكيت ليهم
لبنة : يابت احسن ليك زاتو انتي هبلة ولا شنو ياخي الولد دا انا كنت راقدة رز فيهو انتي هبلة ولا شنو الله أداكي يابت امي انتي جاحدة بس..
ابرار: مع أني ما شفتو بس من هسي منبرشة فيهو كدي اديتو أسمو افتش ف الفيس...... وااااااااااااي ياعفنة ولد زي السكر زي حلاوة العيد احييييي من غبائك اريتني كنت مكانك
انا: انا ف شنو وانتو ف شنو ياخي انا ب سبب خليل ماقادرة اثق ف اي زول ما قادرة ياخي😭💔
لبنة: خلاص معليش ياخي والله الله ح يعوضك .. واصلاً انتي ما خسرانة حاجة اتعرفي عليهو لو ماعجبك خليهو......
المهم اتكلمو معاي كدا ومشو ....بعد أسبوع صحيت من النوم لقيت حوراء بت خالتوغادة قاعدة جنبي استغربت قمت سلمت عليها و خشيت الحمام استحميت و طلعت سلمت عليها زي الناس😂💔 و قالت لي انزلي سلمي على ماما قلت ليها خلاص تمام لبست فستان و اخدت طرحتي ونزلت ليها لقيتها جايبة حاجات قل د شنو ماما قال لي د قولة الخير المهم استغربت قعدت شوية ومشت مشيت ل ماما قلت ليها ياماما انا ما وافقت أني اتزوجو و ماعايزاهو ماما عملت انها زعلانة و مشت المهم مشيت غرفتي شوية جاتني ريناد قالت لي تعالي امي أغمى عليها قمت جريييت غرفة ماما قالت لي تعالي. ..... يا دانية انا بقيت كبيرة و مامضمون يمكن يومي يكون الليلة قبل بكرا انتي لو بجد بتحبيني وافقي الله يخليك...... ماما طيب خلاص موافقة بس لو حصلت ليك حاجة انا مابعيش الله يخليك...... الله يرضى عليك يا بتي عارفة انك بتحبيني..... خلاص ياماما ارتاحي المهم مرت الايام وجابو سد المال وكان حااجة خيااالية رهييييب وجابو لي ايفون اكس💙💙💙 د اكتر حاجة فرحت ليها لانو كان نفسي فيهو........ يوم الجمعة صحيت من النوم لقيت البيت مليان فجأة اسمع صوت طلق النار
.........
يتبع
أنت تقرأ
رويترز🌺💜
Romanceبجد أحياناً الزول بختار ناس غلط ف حياتو و بيكون بيقنع نفسو انو هم الناس الصح ... وما كل الناس بيتعاملو معاك بعفوية زي ما انت متوقع .. فحاول انك تكون حريص على نفسك 🌺💙
