روايه حلم🌍❤️

البارت الثامن ❤🤔

فينوس بخوف ورعب وملامح وجهه صارت صفره

يريد يندار  بس خايف

صوت غريب ( مو داحجي وياك شعندك هنا)

فينوس يندار عليه بخووف

وينصدم بالمنضر المخيف 

رجال لابس سويتر  ولابس براسه الكبوس  وصاير بالضلام ف ميكد  يميز منو هالشخص

فينوس:- اني هنا عايش انت منووو

الرجال:-فينوس؟؟؟!!

فينوس:- شنو منو انتي مين تعرف اسمي انت ؟؟

الرجال يقترب عله فينوس وينزع الكبوس من راسه

فينوس:- سيزر؟؟!

سيزر:- شجابك هنا انت

فينوس:- انت شجابك هنا مو اني

سيزر:- ههههه اني هنا عايش اني لازم اسألك هذا السؤال مو انت

فينوس:- هااه اي بس اني يعني انت

سيزر :- هههههه انت كلتلي عايش قريب ع الكنسيه بس شعندك هنا

فينوس:- تروح الرعبه من عنده ويكعد ويحط ضهره عله سياج الكنيسه  ويكله هففففف رعبتني كلش كلت مجرم لو شوف شنو

سيزر:-ههههه اكعد اكعد وهاي شنو الاكل نطيني خل اكل اني هم جوعان

فينوس:- شنو انت عايش هنا من شوكت

سيزر :-اهووووو قصه طويله كلش  احجيلي انت ليش هنا شنو اهلك طردوك لو شنو

فينوس:- ههههه اهلي يطردوني ياريت

سيزر:- !!!!لعد

فينوس:-  اني من دار الايتام ومليت من عيشتهم ومليت من كلشي

يبدي فينوس يحجيله معاناة حالته وشلون جان بالمصح وشلون صار بي هيج واخر شي شلون نهزم وتركلهم رساله

سيزر :-مممممم والله يا حبيبي ماعرف شكلك بس بعدك صغير شلون تريد تعيش حياتك هيج انت كل عمرك شكد يطلع مابيك ١١ سنه شلون رح تعيش

فينوس :- اكدر اعتمد عله نفسي

انتي اذا متريد ابقه هنا اكدر اطلع واشوف غير مكان

سيزر :- قابل المكان بأسمي انت هنا مكانك وباجر اجيبلك فراش الك واني هذا مكاني

مالك دخل بالاشياء الي اسويه

واني مالي دخل بالاشياء الي تسويه

تمام متفقين؟؟

فينوس:- تمام

سيزر:- ولتحاول تطلع من المكان واذا تطلع ف البس شي حته تخفي وجهك وميعرفوك

ولتخلي احد يشوفك تمام

فينوس:- تمام

سيزر :- نام باجر ورانه شغل هواي

فينوس:- شنو الشغل