حسدوني فيه🔥-البارت7:
❤ آلُگآتٌبْةّ دُودِیْ آلُفَيَتٌۆريَ❤
ناصر:شوفي أني نبي الخيمة هني...
أمان:لا هتكون هني أحسن😁
وبعدها فاتت السيارة تجري مغبرة
أمان شدت في كتف ناصر مخلوعة:ااااي😣
ناصر:ماتخافيش هذه سيارة😑سياااارتي😲
أمان:خيره شن فيه
ناصر:بش عارف خش الداخل(ومشي للحوش)
___________🏥_______
ألاء عليها الأجهزة والأكسجين ومحمد يراقب فيها ومتحسر
دكتور:والله😕
محمد التفت
حليمة:خيره دكتور تكلم😞
دكتور:من كثرة الحبوب خذت جرعات هلبا يعني شبه انتحرت
أروى:يعني أختي ماتت😭
دكتور:لا لا مامتتش بس هي في دائرة الخطر تقعد لازم يومين تحت الملاحظة لو تحسنت تروح لو قاعدة كما هي هنزيدوا المدة😕
محمد خبط رجله ع الباب بقوة😡
حليمة:خلاص محمد
محمد:هذه النتيجة بنطلقها شن رايكم مي اليوم هنطلقها 😡
حليمة:شن تحكي راهي أهلها تبرو منها
محمد:وأني عندي حياتي ياعمتي عندي حياتي عندي بنت نبي نتزوجها عندي حلم نبي نحققه ليش ترا ليييش💔
حليمة تمسح ع ظهره:ظروف ظروف😧
ترن ترن ترن
محمد بغل:ألو ها شن تبي
ناصر:شن ليش طلعت😕
محمد:ألاء ابصر خيرها زي الي أنتحرت!
ناصر:لا لا باهي مني مشي معاك 😞
محمد:عمتي حليمة وأروى يمكن بعد يومين تطلع ويمكن لا... إيه قولي لعمتي حميدة وعمتي زهرة لما يروحوا أنها كويسة
ناصر:امباه في أمان الله😧(وصكر)
______________
أمان:شني ناصر😕
ناصر:ألاء😖
أمان بخوف:ناصر تكلم معاش تقطع كلامك
ناصر:زي الي انتحرت حالتها تحت العناية😟
أمان:كيف ماقالوش لي
ناصر:كيف ترا لقوها مغمى عليها وبيقول لك😒
أمان قعمزت وتبكي
ترن ترن ترن
ناصر:ألو
نور بدلع:كيفك بيبي❤
ناصر😒
نور:ألو
ناصر:ااه ألو نسمع فيك
نور:خيره صوتك متغير هكي في حاجة
كان هاتف ناصر صوته واضح وأمان تسمع فيها وتتوجع ستين ألف مرة💔
ناصر:ماخيرني شي يانور
نور:نونو يانوني🙈
ناصر خذي نفس:نور أني توا عندي موضوع صكري
نور:الليل كلمني امممموها💋(وصكرت)
ناصر قعد شوي وقعد يضحك😂
أمان:عليش تضحك😢
ناصر:قصتنا كيف كلها حسد في حسد شوفي من بدايتنا والله العالم نفسيات😅(وطلع)
أمان:صدقت في هذه😧
_______________
مي مقعمزة وحالفة ماتحول الفستان لين يشوفها محمد..محمد فتح الباب وتاعب حول القرواطة وقعمز ع السرير
مي:محمد شن فيه😕
محمد:ماتتكلميش
مي:وليش بش من حقي
محمد:ايه طبيعي واحد يكرهك وأنتي تتلصقي فيه وخاصة لما يحب وحدة ومخطط حياته كلها معاها...مي أنت شن هدفك😡
مي:محمد!
محمد:بش محمد بش محمد😠
مي:ليش هكي تتصرف معاي
محمد بصوت عالي:قلتلك طبيعي أني وله مالمتسكش ولا حتى جيت جيهتك وجاية تكذبي وتقولي ليش تتصرف معاي هكي😡
مي:أنحبك💔
محمد:أمك عارفتها...أصلا طالعة ومخليك في الدار ههذه كلها فيها(وطلع)
مي تبكي:والله لما تشوف يامحمد😢
____________الصبح🌞
ألاء قاعدة في نفس الحالة مغمى عليها وحالتها بش مستقرة وأروى بايتة معاها وحميدة وأمان قعدت غادي مع عهد وأحم مي...وعلي مرة مرة يمشي للمستشفى ومحمد بش معروف وين مشي🤷♀️💔
أنت تقرأ
حسدوني فيه ( روايات ليبية )
Romanceحب كبير بين طرفين يدخل فيه الحد و الفتنة ليغير مسار القصة بلكامل ، فهل حسدوهم في حبهم و من الفاعل و لماذا 💔 ؟ و ما هي النهاية ؟ رواية من داخل المجتمع الليبي للكاتبة : دودي الفيتوري
