الحكايه عشق

الفصل الثانى

* ههههههههههه تستاهل عشان تبقى ترخم عليا تانى ياعم كازانوفا *
يقولها شخص من خلفه
يبص يلاقى فتاة قصيرة القامه بيضاء البشرة ذات العيون البنية الساحرة ترتدى فيست لحد الركبة وبنطلون جينز ازرق وشعرها يتحرك بحريه خلفها تتوجه نحوهم وابتسامه شقيه مرسومة على شفتيها
عمر بغيظ......اهى اللمضه جت
شذى بغيظ شديد.....انا اللى لمضه برضو🤨
كريمه.......بطلو بقى انتو مبتزهقوش علطول ناقر ونقير فى بعض كده
ادم بأمر وهو يشير لملابس عمر........بس خلاص عمر تقوم تغير الهدوم اللى انت لابسها دى وتشوف مذاكرتك انت ناسى انك فى ثانويه عامه ولازم تذاكر كويس
عمر بضيق...بس اى
ادم وهو يقاطعه بتحذير.....مبسش خلصنا فى الاجازه ابقى اعمل اللى انت عايزه واياك اعرف انك مسمعتش الكلام وشرحه لعب الكوره مفهوم👌
عمر بغضب......نعم لا بقى الا الكوره كدا يبقى كتير اووى يعنى
ادم بشده.....صوتك يوطى اى مش ناسى انك قعدت شهرين فى الجبس بسببها مفيش كوره تانى
عمر يقف بغضب.....عن أذنكم وتوجه لغرفته وهو يحدث نفسه بغضب....كله اوامر اوامر عيله تشل😂🤨
شذى بهدوء وتوتر....احم كنت عايزه حضرتك فى موضوع ياابيه
ادم برفعة حاجب..... مدام فيها ابيه كدا هبدا اقلق ف اى!!
شذى بتوتر .....كنت عايزه اخرج اروح النادى ارسم
* شذى فى كلية فنون جميله وبتحب الرسم جدا وبتحلم تكون رسامه مشهوره فى المستقبل *
ادم بتنهيده.....تمام مفيش مشكله
شذى بعدم تصديق.......بتتكلم بجد؟!
ادم .....ايوا
شذى تتوجه نحوه بسرعه وتحتضنه بحب.....حبيبى بقى ربنا يخليك ليا يارب
ادم وهو يقبل راسها......ويخليكى ليا ياقلبى
كريمه وهى تنظر لهم بحب......ربنا يخليك لينا ياحبيبى
ادم......ويخليكى لينا ياست الكل اومال رقيه فين صحيح مش سامع لها صوت يعنى
شذى......رقيه ف الكليه من بدرى انت عارفها موس مذاكره😂
ادم بضحك......ههههههههه عقبالك يااختى اما تبقى زيها
شذى بسرعه........بعد الشر
كريمه بضيق......بنت اتلمى اى اللى بتقوليه دا.... ليه هى اختك وحشة ولا ايه ؟!
شذى بتوتر.....مقصدتش حاجه ياماما
ادم وهو يقف منهيا هذا النقاش قائلا :
-.طيب يالا ياستى اوصلك في طريقي وانا رايح المستشفى واعملى حسابك ساعه بالكتير وترجعى مفهوم
شذى بفرح....تمام يافندم
كريمة بتنبيه......آدم متنساش الموضوع اللى كلمتك فيه
ادم وهو يلبس الجاكت الخاص به.....ان شاء الله ياماما مع السلامه
شذى بمرح.......سلاموز ياماما
كريمة بابتسامه.....مع السلامه يا حبايبى ولنفسها بتنهيده وهي تنظر لصورة زوجها الراحل المعلقه امامها...ربنا يقدرنى واقدر انفذ وصيتك ياحبيبى😍🤔
..................................
وعند شروق
ف الحاره
شروق وهى تتوجه نحو حازم قائله
- ازيك يامعلم
حازم بضحك.....معلم مش عارف انا صابر عليكى ازاى ؟!
شروق بحب وغمزه.......انه الحب يااسطى حازم
* شروق انتى يابت*
يقولها شخص من خلفها فتنظر لترى
مروه وهى تتقدم نحوها ببطء ودلع وهى تنظر نحو حازم بخبث قائل:
-اى واقفين كده ليه
* مروه صديقة شروق منذ الصغر ولكنها دائما تحقد عليها وبتغير منها جدا واى حاجه ف ايد شروق لازم تاخدها منها بس شروق مش واخده بالها خالص من الموضوع دا *
حازم بتوتر....مفيش مش يالا ياشروق نشوف اللى ورانا عشان اروح شغلى
مروه بلؤم.....اى على فين كدا خير
شروق بحسن نيه.......مفيش هنروح نجيب اللى فاضل للشقه زى ماانتى عارفه كلها كام يوم ونتجوز
مروه بحقد وغضب مكتوم وهى تنظر لحازم.....تتجوزوا
شروق......ايوا يابنتي مالك اى رايك تيجى معايا نكمل اصل حازم شويه وهيروح شغله وانا عايزه اخلص الشقه ف اقرب وقت
مروه وهى تنظر لحازم الذى يتهرب بعيونه عنها....وماله يا حبيبتى من عنيا يالا بينا
حازم بسرعه.......مش لازم يا حبيبتى خليها ونكمل يوم تانى
شروق بضحك.......ههههههههه لا انا عايزه اتجوز ياعم وبعدين ما انت عارف مروه اختي وتخدمني بعنيها
مروة بحب مصطنع.....طبعا ياحببتى يالا بينا
حازم بتنهيده واستسﻻم ..... خﻻص يالا
وتوجهوا نحو المحلات لشراء باقى مستلزمات الشقه !!
...........................
فى النادى
تجلس شذى وهى ممسكه بفرشتها وتضع الهاند فرى فى اذنها وترسم بهدوء
شخص من خلفها ......ازيك يا فنانه
شذى لم ترد عليه بل لم تسمعه من الاساس
الشخص يتحرك ليقف امامها ويلوح بيده امام وجهها
شذى ببتسامه بعد ان لاحظت وجوده فخلعت السماعات من اذنها وقالت...ازيك يا ابيه انت بتعمل ايه هنا ؟!
حمزه بغيظ شديد ولنفسه......برضو ابيه يارب صبرنى انا مرارتى اتفقعت بسببها و شكلى هشيل الطحال كمان قريب منك لله ياشذى وكتم غيظه ونظر لها
............
حمزه...الصديق المقرب ل ادم وهو طويل القامة وذات بشره قمحيه بفعل اشعة الشمس والعيون الخضراء الساحرة,بيحب شذى بس هى بتعتبره زي ادم بالظبط وهتشله بأبيه دى قريب بس متقطعوش انتو بس😂😉
........
شذى بصوت مرتفع نوعا ما.........روحت فين كدا انت فيك حاجه ولا اى؟!
حمزه ببتسامه وهو يجد في المقعد المقابل لها قائلا :
- لا مفيش اى الاخبار ؟!
شذى بسعاده.....زى الفل جدا يعنى انت مش واخد بالك ولا اى !!
حمزه....لا واخد بس اى سبب السعاده دى بقى ؟!
شذى بمرح.....كون ان الدكتور سمحلى اجى النادى فى وقت الغروب دى حاجه من عجائب الدنيا حضرتك
حمزه بضحك........ههههههههههههه عندك حق بس انت عارفه ان دا من خوفه عليكى
شذى ببتسامة حب......طبعا انا عارفه والله بيصعب عليا من ساعة ما بابا متوفى وهو متحمل مسئوليتنا ومبيفكرش فى نفسه ابدا وكفايا عمر عليه مجننه
حمزه بغمزه....ههههههههه دا على اساس انك ملاك يعنى دا احنا دافنينه سوا😂😉
شذى بمرح.....انا لالالا مطلقا يعنى دا انا كيوت وبعدين مش انت اللى طلبت تبقى صديقى الصدوق وتشيل اسرارى كلها بالتاتش بتاعها😂👌
حمزه بنظرة استهزاء.......ويارتنى ماطلبت
شذى بغيظ......كده برضه يا ابيه ؟!
حمزه وهو يقف بغضب....ابيه تانى😡
شذى بخضه واستغراب......اى ف اى مالك!!!
حمزه ينظر لها بغضب.....ولا حاجه انا ماشى سلام
شذى تنظر له بتعجب وهو يبتعد من امامها......نفسى افهم هو بيتحول كدا ازاى دا باينه اتجنن يعينى😂😂🤔
ثم نظرت للساعه التى فى يدها بصدمه قائله.....اوبس دا انا اتاخرت اووى ربنا يستر وادم ميكونش رجع واخذت متعلقاتها وخرجت بسرعه لترى حمزه ينتظرها وهو يستند بمرفقيه على السياره
شذى باستغراب.....مالك واقف كده ليه!!
حمزه .....يلا اركبى عشان اوصلك وبطلى رغى👌
شذى وهى تضرب كف على الاخر وهى تتوجه لتصعد السياره ولنفسها باستغراب...طيب عليا الطلبات بالحجات بالمحتاجات مجنون رسمى نظمى فهمى علمى😅👌
.......................................
ف كلية الطب
ف الكافيه
يجلس كل من ريم ورقيه يتناولون الطعام
ريم بملل.....ارحمى امى العيانه وسيبى الكتاب شويه حد يذاكر وهو بياكل !!!
رقيه وهى ممسكه الكتاب فى يدها و متعمقة في القراءة وبيدها الاخرى ساندوتش تاكل منه قائله:
- دى احلى مذاكره يابنتى وبعدين انا لازم اطلع الاولى السنادى زى كل سنه عشان اتعين ف الكليه
ريم بضحك وهى تاخذ منها الكتاب قائله......التلات دقايق دول اللى هينجحوكى ياست نجيبه
رقيه بغيظ وهى تستند بمرفقيها على الطاولة أمامهم قائله :
- نجيبه بقى كده مااااااشى
ريم بضحك......اعملك اى بس يا روكا مانتى شبهها والله لولا عيونك الزرقا دول يا جميل ، و بتفكير مصتنع....اممم على ما اعتقد يعنى ان دا وجه الاختلاف الوحيد بينكو😄🤔
رقيه تضربها بالكتاب بغضب.......بس ياجزمه وبعدين عشان مش تافهه زيك وبركز فى مذاكرتى تتريقي عليا كدا !!!
ريم.......يابنتي انا مقصدش بس انتى مزوداها اوووى بصراحه يعني ياروكا ، يابنتى احنا ف الكليه مش لسه ف ثانوى ، الا ما شوفتك لابسه فستان ف مره زى البنات الطبيعين وﻻ عامله شعرك بدل الكحه اللى خنقاه بيها دى كل لبسك كاجوال ، بناطيل ، ولا المكياج معتقدش انك عارفه حاجه عنه اصلا
رقيه باستهزاء.......سطحيه وتافهه هقول ايه يعنى غير كده
ثم قالت بثقه شديده...وبعدين دا انا عيونى خضرا وشعرى اصفر وعود فرنسى وحاجه مش من هنا اصلا انتى اللى عاميه ومش مقدرة قيمتى ومش عارفه مين قاعد معاكي في نفس المكان !!😄👌
ريم بضحك واستهزاء .... لا مهو المصيبه انى عارفه وبعدين عود فرنسي ايه ونيلة ايه ده انتى عود قصب ممصوص 😂.
رقيه وهي تضربها بغضب........اخرسى يازفته😡
ريم بضحك وغمزه وهى تنظر ف اتجاه ما.......طيب يااختى دكتور الغرام بتاعك واقف هناك اهو بصى
رقيه تنظر خلفها عمار يقف مع فتاة وصوت ضحكاتهم تتعالى ويبدو عليهم الاندماج الشديد فنظرت لهم بغضب شديد والتفتت الى الجهة الاخرى قائلة بحزن
شايفه بيضحك معاها ازاى الا ما شفته بيضحك كدا معايا ابدا
ريم باستهزاء......وهو هيبصلك ازاى انا عايزه افهم يا بنتى انتى مبتبصيش لشكلك في المرايه اهتمى بنفسك شويه عشان يحس بيكى
رقيه بضيق ............هو انا لازم ابقى مايصه يعنى عشان اعجب😣😒
ريم بهدوء.......انا مقلتش كده بس غيرى هدوم بليه دى وافردى شعرك و حطى ميكب كده عشان تبيني جمالك... يابنتى دا دكتور واديكى شايفه البنات حاوليه قد اى هيبصلك انتى ازاى بقى لازم تلفتى نظره تتكلمى معاه كدا
رقيه وهى تقف بتصميم وإصرار......طيب اتفرجى بقى وشوفي انا هعمل اى😉😄
ريم بضحك واستهزاء....... اما نشوف
رقيه وهي تجلس مره اخرى بتوتر......طيب اروح اقوله اى اسأله على حاجة ف المنهج مثلا
ريم بغضب........نعم يااختى انتى ناويه تشلينى
رقيه بحيرة .......اعمل اى يعنى🤔
ريم ......قوليلو ازيك والكلام هيجى لوحده بقى بعد كده وخصوصا ان انتو قرايب يعنى ونسايب كمان
رقيه وهى تنظر باتجاه بغيظ........اقوله ازيك بتاع اى انتى عاميه يابت مهو واقف زى القرد اهو يعنى لو افترضنا انه كده مش كويس اومال لو كويس بقى هيعمل اى قال اقوله ازيك قال😂😂
ريم بصدمه. وذهول.........بتاع اى غورى من هنا بدل ما ارتكب فيكى جناية روحى اتنيلى قوليلو اى حاجه😡😒
رقيه وهى تنظر له بتردد وتحاول تجميع شجاعتها ثم تتوجه نحوه بثقه مزيفه وبعد قليل من الوقت تنظر ريم بصدمه شديده وذهول لما تفعله رقيه 😮😮🤨
.........................................................
ياترى ايه اللى هيحصل مع شروق وحازم ومروه ف السوق🤔 😂
واى اللى وتر حازم كده لما مروه عرضت تروح معاهم🤔😉
واى اللى رقيه عملته خلى ريم تنصدم بالشكل دا 😅🤔
كل دا هتعرفو قريب😉😌
قراءة ممتعه ليكو ومستنيه رايكم وتشجيعكم😍😘