باسم الله الرحمن الرحيم
بالبداية احب ابين
الخطــاء الي ارتكبت
انا ذكرت ..ام ماجد تكون اخت ام مهند
لكن
انا قصدي
ام فــهد ..
زووجة ماجد ولد محمد الفارس
...........
الفصـــلـ الثامن
~~~~~~~~~~~
:صـــقرر من تكللم
صقر شهق وهو
يلف
تنهد براحهه:
:شوووووق
يالمجنونه ارعبتيني
:ليش وش كنت تسوي
حتى ترتعب كذا
صقر ناظر لها كانت واقفه ورا شوق ولا انتبه
لها:شجــن
شجن والي لقطت كل مكالمته
:لا امــي
اقول بس لتتهرب وقلي مين الي تكلم
شووق تقدمت منه:اكيد صبا ليش ماقلت لها تجي عندنا وش يوديها بيت ياسر
صقر والي تفاجئ من كلام شوق مكان عنده خبر اصلا انها بتجي
:هاه ايه هههههه
مدري عنها
..وتحرك بسرعه طالع من المكان...
زادت حيرتها صقر يعرف
ووشوق واضح بعد تعرف
وش الي مخبيين عنها
بدت تجــن من التفكييــر
راقبت صقر الي يمشي حتى طلع برا
لفت لشوق وهي مصممه تعرف والحظه هاذي
لكن مشافت الامكانها
شوق طلعت برا
مشت لمجلس الرجال
فتحت الباب بوشيش
ودخلت
شافت ابوها متسند وحاطن يدينه على وجهه
تقدمت منه وهي تجلس بقربه احتضنته من
جنبه:كييف حبيب شوووشوو
ابو ماجد رفع راسه لها وبحب
احتضنها وهي جلست بقربه لازقه فيه
:بخيير ياروح حبيبك بخير دامكم بخيرر
لكن شجن لاحظت صوته المهموم: دووم يارب
بس صووتك مو عااجبني قولي وش فييك
ياتاج راسي
ابو ماجد يحس نفسه ضعيف قدام بناته وخاصه بنته شجن
عطفهم عليه وبرهم
:مافيني شي يابوك لتخافين
شجن ضمته وهي تقبل كتفه ويده:ابوي ربي يرضى عليك قلي وش فيك
والله حالك مو عاجبني
ابو ماجد بحزن:اخوك اليوم
جاء عندي وتلاسن مع عاصي وشرف
هو وولد عمه وطردته
شجن جف ريقها بخووف:شلوون طرته يعني
هز راسه:هو الي حدني وقف مع فارس ضد اخوانه وفارس ماحترمني وهو يغلط على امـ...
سكت وهو يتنهد بـهم وحزن
مو سهل عليه طرد ولده وولد اخوه وصات احـمد
له قبل يتووفى وصاه على عياله
لكن ماوفا مااوفا
بوصيته
:يبه انت ماقصرت معهم لتسوي بنفسك كذا
هم ماقدرو خوفك عليهم
يبه انت حزنك هذا كله عشان عيال عمي اعرف
ابو ماجد بحزن:خنت امانة اخوي يـ..
قاطعته بجززع:لا لا يابوي لتقول كذا انت مااقصرت
ووفيت بكل شي طلبه عمي منك لكن
هم الي رفضو
يبه حتى فاطمة تزوجة الي جابه اخوها ولا سئلت فيك
يعني اانت ماعليك ملامه لتحزن يابوي
وفارس الله يهديه انت تعبت معه لو عمي موجود الله يرحمه مسوى الي انت سويت ولا ربعه
ابو ماجد احتضنها ومسح على راسها وهو يقبله:
الله يرضى عليك يابنتي كلامك ريحني
مع اني اعرفه كله بس من سمعته منك كاني توي افهمه
شجن بضحكه:هههههه
بابا بطير كذا ولا احد ينزلني
من المديح
ابو ماجد ببتسامه:يحقلك ههههه
شجن تعدلت وبغرور:طبــعااا يحق لي
مو انا بنت محمد الفاارس
