اردت ان انتقم

البارت الاول

طبعا شكرا ع الدعم الي قدمتو كوني كاتبه مبتدئه
حيكون موعد القصه حسب تفاعلكم حته انشر بساع
ميس عمري عمري 21 مواصفاتي حنطاويه  عيوني كبار  وشعري كيرلي طولي 160  ادرس اول كليه  طب عام عائلتي متكونه من ام واب واخت اسمها سمر  واخ تؤام  اسمه احمد طبعا احنه كلش علاقتنه قويه بعض واربع عشرين ساعه عرك  .. ..

خل احجيلكم قصتي من جان عمري 15

الام :  وج ميسس كووومي بعد شوكت ترحين لدواام
ميس : يمه خل اغيب ( جنت صف ثالث متوسط )
الام  : دنجبي وكومي لا اكول لأبوج
ميس :  ففف كمتتتت  ( بابا من النوع المتشدد وميتفاهم ابد )... ف كعدت الساعه 7 وربع  كمت غسلت وبدلت شفت اخويه احمد هستوه مفتح عيونه  كتله هاا مو كلت تغيب (هوه صف ثاني متوسط راسب وبالجلاليق يلا ينجح ولو ميخاف من بابا جان من زمان بطل )
احمد : دنجبي شيخلصني من ابوج
ميس :  انيالي .. يلا خلص حته توصلني
احمد : ي صاير البديكارد مالتج
ميس : دنجب لك هسه اني بحالك لو ما بابا
احمد : ديلا طلعي ...
ميس : طلعنه بقينه نسولف لان لطريق شويه بعيد
احمد : تدرين عندي لعبه ب10
ميس : وشناوي !!
احمد : ماداوم 🙂
ميس : انجب احمد لا تورطني واذا سألني لوالد
احمد : عليج الله ... هوه تقريبا احل وي الدوام بس انتضريني يم المدرسه مو ترحين
ميس : بس يااحمد اذا تأخرت متلوم اله نفسك
احمد : كبر ولله ماتأخر  ..

دخلت للمدرسه كالعاده الدروس كوومه عود لان بكلوريا وكذا واني تقريبا تلث دروس اني نايمه واحلم  .. واخر درس صار اطول من عمري لان كلش جعت  واخيرا حلينه فوك هذا بقيت انتضر احمد يم الباب وهسه يجي وماكو بقيت انتضره بالنص الساعه والشمس تصلخ بيه جان يجي
ميس : يي واخيرا شرفت بس مو صوجك
احمد : وجج طلعت من الدرس ال3  ديلا خنروح تأخرنه ...
ميس وصلنه للبيت لساعه 1 ونص تلكتنه سحر اختي عمرها 12 سنه
سحر  : ولكم تأخرتو
ميس : اي مو عندي درس سابع
الاب : هاا شو متأخرين
احمد : ي عدنه كل اربعاء درس سابع
ميس : يي 🙂
الام  : ديلا خل غلسو حته اصبلكم اكل
ميس  : غسلنه وجانت  ماما مسويه العشق دولمه ف سحكنه بيها اني واحمد  اخر شي رحت نمت  كعدت ب 5  كمت ساعدت ماما شويه   وكعدت اسوي ماسكات لوجهي ..
احمد : هوه القرد قرد لو شتحطين بوجهج
ميس : ها يعني انته قرد نسيت احنه نفس لخلقه
احمد : للاسف الشديد
سحر : ميس حطيلي ويااج
ميس : تعاي حبي خل احطلج ماسكات ع عناد ذولاك الناس
احمد  : دولن
ميس : بقينه اني وسحر حاطين ماسك 15 دقيقه وغسلنا وجوهتنا  صار العشا اكلت شويه لان كثرت بالغده  .. انوب سويت جاي وغسلت المواعين  وكعدت اقرا الدروس مو كلش قريتهن مجرد اطلعت عليهن صار وكت مسلسلتي ف باوعتها ... صارت لساعه ب 12 خليت ونمت  ... وكعدت ع عيااط امي كالعاده
تريكت وبدلت وكعد احمد ....  طلعنه ب 7 ونص ... دنسولف ..

احمد : باعي باعي شلون حلو
ميس : شنوه ..
احمد : ذاك التاب
ميس : جنك ع تاب
احمد : ي صحيح يلا هدينيا بعيد ميلادي
ميس : هوه عيد ميلادنه بعد اقل لاسبوع
احمد  : ي
ميس : خوش .. يلا نقلع
دخلت للمدرسه .... ونطوني الورقه مال تاريخ راسبه حته مابيه حيل اضوج ..
خلص الدوام اجه احمد
ميس : نطوني لورقه
احمد  : اكيد ميه
ميس : اي تعرف اختك دكتوره
احمد : مال مطايه 😂
ميس : ي معالجتك قبل
احمد : دنجبي وكولي شكد
ميس :45
احمد : هاا يعني 5 درجات وتنجحين يلا اني انطيجياهن
ميس : متقصر اخي
..... وصلنه للبيت لكيت اهلي متحضرين يردون يرحون
ميس : ها ماما خير
الام : كرايب ابوج واحد منهم اتوفه
ميس : ها الله يرحمه
الام : ي ف ديربالج ع البيت وع اختج سحر
ميس : توصيني لو توصين  احمد
الام : يلا ثنينكم سباع
ميس : كعدت بدلت ملابسي وصبيت اكل الهم  وتغدينه
احمد : يلا راح اطلع
ميس : انجب واكعد مو تاخذ راحتك لان طلعو
احمد : وجع براسج شويه وارجع 
ميس : ولله اذا تأخرت مافتح لباب😒
احمد  : مو فهمنه ..
ميس  : طلع بقينه اني وسحر بقينه نحجي لمن نامت واني رحت غسلت مواعين ولعبت بالتلفون شويه ونمت .. كعدت ب 4 ونص لكيت احمد وسحر يلعبون دومنه ..
ميس  : هلا ولله
احمد : تعاي لعبي ويانه خل نضحك عليج
ميس :  خل نشوف منو يضحك بشرط اذا فزت عليج تروح تجيبلي حلويات
احمد : واذا اني فزت
ميس : هم تجيبلي حلويات😂
احمد : كليخرا  .. تنطيني 10 الاف
ميس : اي مو عندي بنك الخلفوك  ... بس معليش ادري راح افوز 
وسحر : واني اذا فزت ؟!
احمد : ننطيج جكليته
ميس : اني وياج بالحلويات الي حيجيبهن
سحر : يلا خنلعب ..
ميس : بلشنه نلعب ... ومركزين ....
وهاااي قفلتهاا
احمد : خررب كله من وره سحر متعرف تلعب
سحر : دوولي اني شعليه
ميس : يلا حبحب روح جيبب حلويات
احمد  : واذا ماجيب
ميس : الميوافي بوعده شنسمي !!
احمد : نجبي
ميس : صدك راح جابلنه حلوويات وبطل ببسي وكعدنه باوعنه فلم وناكل صارت ب 9  بالليل   راح احمد جابلنه موطات ...
ميس : شنو هااي منك من للشيطان
احمد : عابت
ميس : بقينه كاعدين لل11 ردت اطفي لفون بس اجتني رساله ع الماسنجر من واحد اسمه انس كاتب هلوو  عاد اني شفتها ومسحت لمحادثه جان يدز رساله معرفتيني  جان دزيتله علامة سؤال ؟؟
أنس : اسمج ميس 
استغربت كلت هذا منين يعرف اسمي دزيتله شمدريك بأسمي
أنس : اني اعرف عنج كلشي وشايفج هم
ميس : انت منو
أنس : باعي خل اكون صريح وياج
اني احبج من سنه واني منتضر هاللحضه الي اعترفلج بيها وافصحلج عن كل مشااعري الي جنت ضامها من سنه