اعرفكم علينه....👉🏻
اني مرينا واخوي محمد اني ومحمد عمرنه١٨ سنه احنه تؤم😻
بس احنه لاهلنه ماما عدها مشاكل صحيه ومكدرت تجيب بعد بس احنه🤗
ماما مدرسه لغه نكليزي
وبابا صايغ فضه عنده محل
اني ومحمد ثنينه ندرس
الحمدلله اهلنه مدللينه وممخلينه نحتاج شي
ف اخويه طلع بلسياره راح لابويه للمحل....الكاتبه زينب التميمي
محمد:جنت بلسياره مشغل اغاني وصوت عالي كلش واباع بتلفون اصور سنابات جان باوعت وشاب يعبرشارع وداير وجها واريد بس الزم بريك ماكدر ودعمته
يا الله اني شسويت
نزلت اركضض من سياره
اكعد خويه خويه
يولد حاجيني
الولد سابح بدمه ومغمض عيونه لتمت ناس وبسرعه صعدته بسياره وخذته للمستشفى وهناك خابرت ابويه
محمد: يابه الحكلي
ابو محمد:خير شكو شبيك بابا
محمد:يابه اني بمستشفى....تعالى دعمت واحد
ابو محمد:تحجييي صدكك ايي ايي جايككك
اللو ام محمد وكعدنه بمصيبه
ام محمد:يمممه شكو احجي
ابو محمد؛ابنج داعمله واحد وهسه بلمستشفى واني رايحله لطريق
ام محمد:يمه وليدي وهسه شون
ابو محمد:رايح ونشوف
ام محمد:عود طمني فدوه
محمد:اجه ابويه ونخصبنه وشرطه خذتني وضل ابويه يم لولد
خذ ابويه تلفون الولد لكه اخر مكالمه مكتوب عليه امي الغاليه
اتصل عليهم وكللهم
طلعو هم مو من بغداد من البصره
بس الولد جاي البغداد على مود معامله تعين
ضل بلمستشفى٣ايام وتوفى الولد
مرينا:كلش بيتنه مابي صوت جان محمد يشاقي ويضحك وتارس علينه البيت من راح لسجن لليوم حال ضيم حالنه
الكاتبه زينب التميمي
وتوفه الولد يعني محمد حيضل بسجن😢
ام محمد:شلووون بينه يارجال يعنيي ابنه راح
ابو محمد:وابن الناس موهم راح على اقل ابنج بسجن ويطلع اله ابنهم مات شيرجعه الهم بعد وابنج طبه الف مرض شكم مره كايله لاسوق وعينك بتلفون لاسوق سريع
ام محمد:قضاء وصار شووون يارجال
ابو محمد:باجر يجون الناس يردون فصل واذا ماخذو الفصل ابنج ينكتل
ام محمد:لايمه وليدي اسم الله شكد ميردون انطيهم
مرينا:ثاني يوم ساعه١٢ ضهر وصلو الناس يمنه بس كومه شيوخ معكله ترسو الستقبال ترس
ابو محمد:الله بلخير والعافيه بويه اني حاضر شتردون اني بلخدمه
ابو رزاق(شيخ العشيره):يابو الوليد احنه نريد فصل١٢٠ مليون وناخذ منكم مره فصليه
ابو محمد:شووون اني ماعندي بس بنيه وحده شلون انطيها الكم
ابو رزاق:ماعدنه غير هذا الحل وهاي عادات عشايرنه وبتكم سنتين وراجعتلكم
ابو محمد:شيخنه بنيتي هاي شلون هيج اذبها انطيكم٢٠٠ مليون بس بنيتي لاتاخذوها
ابو رزاق:جا وابنه راح بعد مايرد بتكم سنتين وراده هنيالنه لو سنتين ويرد ابنه
ابو محمد:زين ماكو غير حل الله يطول اعماركم
ابو رزاق:١٥٠ مليون ونخليها سنه وترد الكم وابنكم يطلع من سجن من عين باجر
ابو محمد:هذا هو نتوكل ان شاء الله
مرينا :اني وماما وره الباب ونسمع اني سمعت هيج صراحه كيفت😂😂تدرون ليشش هههه جنت هواي اسمه ع فصليات ويعذبوهن وهيج وبعدين يكومون يحببوهن جنت اريد اروح فصليه بس اني اعذبهم😈😈😈
ام محمد:يمه بنيتي شوون ولج شووون ترحين مني
مرينا:عادي ماما اهمشي اخويه يطلع واني سنه وارجع الكم لتخافين عليه بتج سباعيه
وجان من شروطهم ممنوع اخذ وياي تلفون او الزم تلفون
المهم صار ثاني يوم
يتبع......
