الـــجــزء الأولـــــ
#قصة_رنده 📢
#الفزيعه
اي أنا البنت يلي إنطعن في شرفها تعرفوا شن معنى حد ينطعن
في شرفك ؟
في عرضك ؟
معناها ما تسوي شئ حتى كان أنت مظلومه مجتمعنا مجتمع يستمع لكلام الناس .....
أنا رنده كنت انسانه ناجحه بمعني الكلمه طموحاتي عاليه كنت نحب نلبس ونهتم بنفسي 😔
محلاه شعور امتى تبدي مميزه وراقيه وناجحه اي هدا شعوري قبل سنين فاتو 💔
عايشه في منطقة السراج نسوق ، نطلع عايشة حياتي كيف ما نبي متقولوش عليا منحله 💔 أهلي واثقين فيا مدايريلي حدود في حياتي منفوتهمش وانا كنت نسمع في كلامهم وماعمرؤ خالفت رايهم
لاكن وعلاش صارلي هكي الله أعلم 💔😔
عندي صاحباتي نحبهم ديما نطلعو مع بعض اي وحده يصير معاها موقف توقف مع صاحبتها
انا طالعه ب صاحبه ربي يحفظها ليا فاطمه ليا انسانه كافحت حتى طلعني من الورطه صاحبتي ملتزمه وشيخة 💗
قصتي تبدا 📢
كنت وياريتني ما كنت علاقة بشخص ممكن سته شهور مثل اي بنت تعرفت عليه من النت ...
اي حبيت انسان عن طريق النت عادي كلنا بنات واغلبا متعرفين على ولاد من النت ما علينا 😔
يوم نتصل بيه رد عليا صاحبه
الوو محمد ؟ لا انا فؤاد صاحبه !
هدرز عليا وعرفني ان انا حبيبت محمد سألني من وين ؟ وين نشتغل ؟
طلب رقمي لأن المكان لنشتغل فيه كان عنده فيه اوراق وقالي مرات نحتاجك وسكرت 😴
والله يا بنات انسيت المكالمه لان عادي كان يبي مني خدمه وانا حاولت نساعده لان أمر في خدمتي واجب عليا
علمت ان محمد يخون فيا 💔 اصلا كنت حاسه
شعور لما يهب عليك يقولك لا الانسان هدا مش متجاوب مع نفسك وقلبك وعقلك لما كنت نبي نشكيله ميردش نعدر فيه كان يتصل الا لما يفضى ويمل وبفضي نفسه بيا كنت انقول هدا كله اوهام نظلم في الولد
لعند اليوم خلاص تأكدت ان محمد يخون فيا انا مش مجبوره نرتبط بيه يا رنده هو لاقاري فاتحتك ولا خاطبك ولا دايرلك حساااب 😭
اتصلت بيه وكالعاده مردش 😔
دكرت رقم فؤاد وتصلت بيه
فؤاد : الو من معاي
رنده : رنده دكرتني ؟
فواد: اي اي مدكرك اهلا تفضلي
رويده : مانبيش نطول عليك عندي رساله وصلها لمحمد قوله رنده مش لعبه في يدك تتصل امتى ماتبي وتخون فيا انساني وانسى اسمي ومكالماتي واليوم يلي كلمتك فيه 💔 ارجوك فؤاد قوله
فواد : تمام تو انقوله
تلاقو محمد وفؤاد بس فؤاد ما جابش السيره لمحمد
في الليل تليفوني يرن توقعته محمد يحاول يبرر موقفه لاكت كان المتصل فؤاد ♥️
