الــــجــــزء الــثـــالـــث والأخـــير
#قصة_رنده
#حقيقية
#الفزيعه
بعدين خطيبي قالي معادش نتحمل 😤
قالي امي اتكلم امك وننهو الموضوع وفعلا انتهى وكنت مرتاحه مرتاحه ارتحت من الشك ووووو ارتحت من هلبه حاجات 😫
كنت نتمنى نرجع رنده الاولى 🥰
من اسلوب التهديد يلي كنت عايشه فيه كنت عايشه ف خوف توتر ارتباك 🤦♀️🤦♀️
خلاص اه يارنده اني فسخت وافتكيت تعرفوا يابنات وحق ربي مرتاحه وفرحانه افتكيت منه نحس فيه مريض نفسي مرت ردو بالك ترتبطوا بشخص مشكاك لانك رح تتعبي معاه هلبااا ....
خودو النصيحه من مجررب 💔
لاكن صدمتي متوقعتش انه حيكون انتقام قاسي للدررجه هادي 💔
بعد فسختي بأسبوع خطيبي سابقا اتصل بخوي وقال نبيك في موضوع
الله قداش حني شعب نحبو الشهدره وياريته على موضوع حق ، ربي ياخد الحق 🤲
فعلا تلاقى هو وياه في خدمته لما خوي مروح منها في طريق اتصل بيا
الو رنده نعم
خوي : بنسالك خطيبك السابق كلمك
رنده : لالاليش
خوي: لا هكي بس
وسكر وما نحسابش ان يلي جاي كله بينقلب على راسي 🤦♀️
لما مروحه لقيته يشكي لامي عليا كان اسوء يوم في حياتي ..
ياامي تندري ان بنتك تكلم في ولاد وهي مخطوبه ؟؟؟
وتخون في خطيبها و انا كيف خاااشه
وطول وقفني قالي طلعتي تكلمي في ولاد وانت مخطوبه وشوهتي سمعتنا حطيتي روسنا ف الترااب هادي تقتنا فيك 😡😡
وضربني كف وقعد يبخط فياا على راسي وانا في حالة صدمه 😞
مش مصدقه كيف بنطلع من المصيبه هادي ياربي شن بندير ع فكره ولا خبطه من خبطات خوي وجعتني تعرفوا يوجع فيا قلبي وجعتني روحي وجعتني نفسي كيف بنتطلع من المصيبه لفيها اي مصيبه كارته 😭😭..
كارته امتى انت حد يشوه سمعتك وباش يقول تتطلع استرحات شن مزال فيها السمعه اصلا 😟
شن درت في عمري باش نتحمل ذنب مش دنبي ذنب خطوبه فاشل
لاكن الحمدالله ربي انصرني عليه ..لما حاولت اندافع علي روحي وقفت جنبي امي واختي وخوي صغير
يلي عرفوه مهما اندير مستحيل نوطي روسهم وانحل الموضوع بين عيلتي بس اما المجتمع الخارجي كل واحد يألف من جهه ويركب في دنوب على رووحه
نظرة المجتمع ليا في موضوع اساسا كدب لاكن هاتي من يصدقكك
توجع ص
ومشيت حياتي بعدها بفتره من تجربتي تعرفت على اروع صاحبه وصديقه 💗
بنسبه ليا اختي ومش صديقه هي فاطمه 💚
