#الجزء_الأول
#قصة_مريم
#حقيقية
#الفزيعه
بصدق أقوى قصة توصلني تمنى توصللكم هدف 🔥
الــبــدايــة 🖤🔥
انا مريم البنت الوحيدة المدللة لأمها ماما فاطمة
و بابا محمد متوفي من لما كنت صغيره دار حادث وانتقل لرحمة ربي 💔
تعرفو العادات وتقاليد أمي كانت صغيره لازم تروح لحوش عيالها روحت بيا ماما من لما كان عمري سنه
قداش كانوا نساوين عمامي فرحانين كل وحده فيهم كانت خايفه على راجلها انهم يردو امي أي يتزوجها واحد منهم 💔
جدي الله يرحمه قال ضروري حد يرجع ماما ويتزوجها علي خاطري يبني نعيش بينهم
ماما و بابا تزوجو عن علاقه حب ومش أي حب من الطفولة 💟
رفضت ماما إنها تتزوج بعد بابا علاقتهم كانت حلوه هلبا و قصة غرام طويله ...........
روحت امي لحوش بوها وأنا كبرت فيه كان على دورين الدور الأول لأمي والتاني لخالتي
قسمو بعد وفاة جدو وجديده الله يرحمهم 💔
عندي خالة وحدة متزوجة وعندها ولد اسمه أشرف
وبنت اسمها ماريا
انا وماريا نفس العمر بينا شهور كلهم يحسابونا خوات
بعد مده خالتي توفت حشاكم بمرض 💔
نقرا انا ماريا مع بعض لاكن مش في نفس التخصص
اشرف حكم عايش معانا مش متقبل مرة بوه نهائيا وامي تقول هدا ولدي لان حكم مربياته هي بعد وفاة خالتي 🖤
تقولو مريم عايشه حياتها ومدلعه كيف بتغلط صح !!!
ياريت لقيت من ينصحني 💔
عايشه حياتي مدلعه يلي نبيه ناخده من قبل ما نتكلم
عمامي يحبوني كل سبوعين حد فيهم يجيبلي زرف فلوس
كيف عاد بنت وحده اي حاجه نقولها نبيها
اشرف كان يرفع فيااا ويجيب ويضرب فيا كان عصبتة ولا غلطت
مرات أمتى كنت صغيرة صعب هلبة انشوفة يضحك الا امتى يهدرز على ماما بس ديما مكشم 😖
عمامي بين الفترة والفترة كان يجيني حد منهم يرفع فيا نبات عنده نقعد عندهم ونطلع ندور مع بنات عمامي
قبل ما نروح ضروري عمي يرفعني لمحل ولد جيرانهم يقولي خودي شن تبي ❤️
فيه ولد يشتغل فيه ديمه بينا نضرات إعجاب وكان طرف يهبل اسمه وليد
وليد : كيف حالك مريم
مريم : الحمد لله بخير
وليد : شني اليوم عندنا و لا مروحه
مريم : لالا ياسرني بنروح 😆
خديت شن نبي وانا في سيارة بنطلع طرف شكلاطة شفت الورقه مكتوب فيها رقم
عرفته رقم وليد 😍
روحت تعرفت على وليد وهدرزنا 💓💓
كل يوم يتصل بيا ويهدرز عليا بإستمرار وصار حب حياتي
ونمشي للجامعة ضروري نشوفة ونكلمة كل يوم
وليد صار حياتي كلها ومهتم بيا هلبه ويغار عليا هلبة ❤️
ماريا : هيا أشرف يتصل بنروحو
مريم : مازال نبي نهدرز على وليد
ماريا :وكان يبيك يجيك ياسرك تلاتة سنوات وانت وليد وليد وليد.......
مريم :شن غيرانه مني الباين 😏
ماريا :علاش بنغار نصيحة بس قلتهالك 😔
نمشي نهدرز على وليد في المحل متعه التاني يلي كان قريب شوي للجامعة
كان المحل في شقة فوقه كنت أول مانوصل طول نركب ويخلي في العامل
كنا نقعدو بساعات يومين ف الاسبوع بس الاحد والخميس
لأن ماريا معندهاش محاضرات حتى ناخد راحتي ونطلع ونفتك من النقيق متعها
وعارفة ان لو ماريا بتسمع بيا نمشيلة للمحل أكيد حتقول لأمي وأشرف
وليد : مريم اليوم أكيد بتجي اليوم
مريم : اكيد حبي لحظه بس قريب نوصل
نمشي نهدرز عليه قريب ساعتين ونروح للجماعة نتصل بأشرف نقوله تميت
أشرف : شن قتلك على المكياج ولبس هدا قداش مره بنكلمك انت تقري ولا جايه تعرضي في نفسك !!😠
مريم : معندكش علاقه فيا انت مش خوي !
طول طريق هو يعيط عليااا وأنا مش مدوره نستنى امتى نروح ونشوف هدية وليد يلي في الشنطة ❤️
يا ماما قولي لولد أختك معادش يدخل فياااا شن دخله فياااا مليت منه والله نبي سياره بناخد راحتي مش معقوله كل مره هكي تفهمي معااااه
في يوم بنشوف امتى تاريخ الامتحانات
تجي على بالي الدورة متأخرة هلبة إستغربت وخفت في نفس الوقت 😲
على أعصابي تاني يوم الصبح اركبت السيارة
اشرف : صباح الخير
مريم : صباح النور
اشرف : الخوف باهي اليوم تمام انت تسمعي الباين بتبدي الكلام
وصلت الجامعة طول خليت أشرف يطلع وانا طلعت بعده مشيت درت تحليل قتلي بعد نص ساعة يطلع
وكان أصعب وقت عشته ف حياتي كلها واطول وقت يمر عليااا كيف سلمتي نفسك لولد 💔
وفي نفس الوقت مش خايفه لان وليد اكيد بدير حل
طلعت النتيجه وطلعت حامل 🔥
دموع الخوف والرهبه حسيت بنفسي ضيعت فرحة ماما جاني شعور غريب 💔
كلمت وليد
انت وين قالي انا في المحل قتله تمام انا جايه
وصلت للمحل
وليد : صباحو حبي شن تشربي
مريم : مانبي شي قعمز نبيك انت 😔
وليد : خيره جوك هكي وطالعه هكي
مريم : وليد انا حامل 😲
وليد: من مني ؟؟؟؟
مريم : منك انت شن مني !!
وليد : والله مانعرفك كل ما نقرب منك نعطي فيك في الحبة في العصير مستحيل نقربك قبل لنعطيك الحبة الحبة تاخدي فيها من أول ماتخشي للمحل بري دوري بوه مني جايه تلصقي فيه فيا.......يتبع في الجزء التاني
لو تبي القصص يطلعولك / متابعة لإيميلي + التفاعل في القروب + علقي حتى بعشرين ملصق + نحبكم هلباا
#الأدمن_الفزيعه 💜🧚
