الفصل ال13 من روايه
تحت المطر ⛈️🌡️
تأليف Fatma Hasan Mostafa
تم التعديل ✔️
🖤🖤🖤🖤🖤🖤🖤🖤🖤
تنهض وهي تنظر الي يدها والمحلول الموصول
بيدها فتخلعه من يدها وتخرج من الغرفه بحذر
وخوف لتجد مازن امامها تصرخ ثم تصمت عندما
تتأكد انه مازن: انت انت هنا ازاي
مازن: هنا ازاي ايه وبعدين انا يادوب دخلت
اغسل وشي ايه اللي قومك انا لسه مركبلك
المحلول وحاطط فيه الدوا
سما: ايه المكان دا اساسا
مازن: دي اوضتي تعالي بس هفهمك بس
الاول اركبلك المحلول علشان الدوا
تدخل الغرفه :ليه جبتني هنا
مازن وهو يضع المحلول بيدها: اللي حصل
ياستي ..........
تقف مريم بالخارج تنظر اليهم: ياتري حبه
ليها هيكون بفايده وهتكون هي كمان بتحبه
ولا هتجرحه زي ما اسلام جرحني وسابني
يارب ما توجع قلبه في الحب انت خلقت قلوبنا
وانت الرحيم بيها اوووه تتنهد بحزن ثم تدخل
اليهم وتقول: لو لفيتي الارض كلها مش هتلاقي
حد يحبك ولا يهتم بيكي ويخاف عليكي زي مازن
مازن: شششش ايه ياهبله مالك مكبره
الموضوع اوي معلش ياسما هي مريم كدا
بتكبر المواضيع فوق ما تتخيلي
مريم: الله بقول الحقيقه بقولك ايه امشي من
هنا انا عايزه اتكلم معاها
مازن: اسكتي يامريم تتكلمي في ايه عيب كدا
سما بخجل: انا انا دلوقتي هعمل ايه
مازن: ولا حاجه بس تقدري تقفي وهنخلي
المحامي يجي وتقوليله كل حاجه وهو هيرفع
عليه قضيه طلاق بس هخليكي تعمليله توكيل
علشان يخلص هو القضيه وانتي لا تروحي ولا
تيجي انتي مش ناقصه تعب يعني
مريم: مش بقولك بيخاف عليكي وبيهتم بيكي
يرمقها مازن فتقول: خلاص اهو سكت
عادل: انا من حقي اعرف انا هنااا ليه
الضابط: مراتك عامله تقرير والتقرير اهو انت
عرضت مراتك لتعب من كتر الضرب والتعذيب
وقله الاكل لو حيوان مش هيعملها وكمان قواد
يأخي دا الواحد مكسوف يقولها ازاي راااجل
في وشه شويه دم يأجر مراته بالساعه ولما
تصوت ومترضاش يعذبها اتفو علي الرجوله
عادل: انت متأكد انك ظابط متستغربش اصل
مفيش ظابط بيتكلم عن النخوه يعني دا انتوا
اكتر ناس بتنتهك شرف الناس
يصفعه الضابط: ليه انت فاكر كل الناس زباله
زيك.... كلمه كمان وهتندم
عادل: انت مستني ايه
الضابط: مدام سما دكتور مازن اتفضلوا الف
سلامه عليكي يامدام تعالي اقعدي
سما بصوت منخفض :لا انا مرتاحه كدا
مازن: متخافيش احنا في القسم مش هيقدر
يعملك حاجه متوتريش نفسك انا معاكي
ينظر اليها عادل بشر وغضب فتمسك بمازن
اكثر: انا عايزه امشي
عادل :هخرجلك ومش هرحمك
ترجع سما وتترك مازن لتخرج فيمكسها
:حضره الظابط شوف شغلك معاه وكمان
المحامي هيخلص كل اجراءات الطلاق وهيقدمها
وياريت البني ادم دا ميخرجش بكفاله لان
وجوده بره خطر علي ناس تانيه
عادل: بس اخرجلك وهنشوف الموضوع دا
الضابط: سميييير .....ايمممممن
سمير: ايوه يافندم
الضابط: ارموه في الانفراضي
عادل: انت كمان هتندم علي عملتك دي
سما: مش قادره اقف هموت ياماااازن هااا....
الضابط: خير حصلها ايه
مازن: نتيجه الضغط النفسي انها شافت
الكائن دا مينفعش تفضل هنا اكتر من كدا
حضرتك محتاجنا في حاجه تاني
الضابط: لا اتفضل
يحملها مازن ثم ينظر الي عادل: بكرا هتطلقها
وهتعيش بعيد عنك ومش هتعيش يوم عدل
بعدها وبعد ظلمك ليها
عادل: هه ما انت دكتور يعني حيلتها بس
متخليهاش ترجع تعيط ...متبصش كدا انا
اقصد الست الوالده
مازن: الرجاله مبيخرجش منهم كلام نسوان
وكلامك انت عارف مين بيقوله ومحدش بيزعل
من النسوان اصل معروف عنهم اللت والعجن
أنت تقرأ
تحت المطر
Mystery / Thrillerتحت الامطار لا احد في الشوارع لكن هناك فتاه ملقاه علي الارض فقط شاب يراها ليأخذها الي مكان لا تتذكر فيه شئ ولا احد هي فقط خائفه ليست بكامل وعيها لا تعرف حتي اسمها ولا من اين اتت ولا الي اين تذهب
