من أسير الآخر ؟

الحلقه الثامنة ❤🙈

الحلقة الثامنة الخاصة
(( من اسير الاخر ؟ ))
#حلقات_خاصه_من_اسيره_بموافقه_ابي

_________________________________________

اذكروا الله
_________________________________________

بعد مرور شهرين تقريبا و قد ظهرت اغلبية النتائج الخاصة بالجامعات و دخل كل بيت من بيوت ابطالنا الفرح و السرور بمناسبة نجاح ابنائهم .

_________________________________________
في الصباح الباكر تحديداً في بيت محمد الدمنهوري نزل محمد علي الدرج وجد أولاده يجلسوا علي الطاولة و ينتظروه لتناول الفطار .. فجلس علي الكرسي ثم اردف قائلا حينما لاحظ غياب والده و اثير

" صباح الخير .. بابا مجاش ليه "

مودة بنبره هادئة " صباح النور .. مؤيد نزل لقي السواق مستنيه و رايح عند ياسمين و قاله انه هيقعد هناك يومين كده و يغير جو "

محمد بتفهم " ماشي .. فين اثير ؟؟ منزلتش ليه "

ابرار بهدوء " اثير نايمه يا بابي "

محمد بانزعاج " نايمه ليه مش هتفطر يعني رجعنا للسهر اللي ملوش لزمه اول ما الاجازه تيجي ده انا مبكرهش الا كده كل واحد ياكل في ميعاد "

موده بنبره هادئه " اهو بقا هنعمل ايه هي بس امبارح سهرت شويه غير ان بقالها فتره تعبانه في الامتحانات و بعديها مكنتش بتعرف تنام من انتظارها النتيجة و الحمدلله اخيرا اطمنت "

محمد و هو شرع في تناول طعامه " ماشي لما تصحي خليها تبقي تتصل بمازن علشان عايزها "

موده باستغراب " عايزها في ايه ؟ "

محمد بعدم فهم للموضوع كاملاً و ربما لانه منزعج ايضا بسبب ذلك الخبر الذي اتي له صباحاً " فرصه مش عارف في قناة ايه كده انتِ عارفه مازن و دماغه و الناس اللي يعرفهم في المواضيع دي و اما قولتله نجحت فقالي بقا ... انا مفهمتش اوي لما تتصل بيه هي هتفهم و انا هبقي اكلمه لما اروح الشغل و افهم اكتر "

كانت ابرار تاكل و كذلك مؤيد فهو يُركز في طعامه و يعبث به بلا جدوي فليست لديه شهية اصبح يفكر كثيرا بتلك المكالمات التي تجمعه أحيانا بنورا لا يعلم ما هو الشي الذي يجذبه لها دائما يتحجج بانه يريد الحديث مع حذيفة و لكنه في الواقع يريدها هي أدرك ذلك بعد سفرها

موده و هي توجهه حديثها الي محمد فهي شعرت ان به خطبٍ ما " مالك يا محمد في حاجه حساك مش مظبوط "
محمد " صحيت علي خبر وحش مازن لسه قافل معايا "

موده بقلق " في ايه "

مؤيد انتبه له و هو ينظر له بتسائل فادرف محمد بنبره بائسة ربما لم يري هذه المرأه مرتين في حياته و لكن من منا لا يفجعه خبر الموت من منا لا يشعر بانقباضه في قلبه عند سماعه بوفاه احدهم حتي و إن لم يكن قريب له