#مسترجله..

🔥البارت الثامن🔥

سيف وهوا راكب من الدروج يسمع صوت تكسير ركب يجري لقي يوسف في الممر:شن فيه
يوسف :مش عارف
قربوا من غرفه سند وفتحوا الباب وانصدموا

🔥hanosha abdo 🔥
🔥هناء_عاشور 🔥

سجي متكيه علي السرير وتتفرج علي يدها وتتذكر في ملامح سيف وهوا قريب منها❤ وتبتسم
حنين تحسنت شويه نفسيتها وحتي هيا متكيه ومسكره عيونها لاكن عقلها يخدم
فاطمه امهم في سابع نومه😌

🔥hanosha abdo 🔥
🔥هناء_عاشور 🔥

سيف:سند
سندتلفتله :خير
كانت الدار مقلوبه تكسير وصت اغاني عاليه ودخان
يوسف جبد خيط المنظومه وطفاها وسيف لم باكوات الدخان :ارقد وتو غدوه نفهم خيرك ..طلعوا وسكروا الباب

________________

ثاني يوم 🌤🌤

من الصبح جايات خوات مجدي سالمه وسليمه وبناتهم وولادهم ..

سجي غيرت حوايجها لبست سروال جينز سماوي وقميص وردي ووشاح سماوي وطلعت .. طقت الباب فتحتلها بنت ..
سلويبتكبر: منو انتي
سجي 🤨:انتي يلي منو وسعي
سلوي شهقت عاساس انصدمت:مصحك شن تبي
سجي:انا نخدم هنايا
سلوي ابتسمت بشماته:قولي انك خدامه هنايا من الاول..
سجي حستها لاكن مبتش ترد عليها وخشت :السلام عليكم
&وعليكم السلام &
سميره:اهلين سجي
سجي:اهلين
سالمه :من البنيه هادي
سجي:انا الخدامه
سليمه شهقت :هي معقوله بنيه زيك تخدم في حياش الناس
سجيردت عليها وهيا تشوف لي سلوي:الخدمه مش عيب
كلهم سكتوا
سجي:يلا انا بنشوف شغلي .. ركبت من الدروج لقت واقفه قدام دار سند قدمت طقت الباب وسط صدمه البنت
هنادي:مصحك من انتي
سجي شافتلها من فوق لتحت :انتي يلي منو
سند فتح الباب وهز راسه بمعني شنو
سجي:بنشوف شغلي
سند تلفت وعطاها بالظهر وولع سبسي:خشي
هنادي مصدومه 😳😳:سنودي كيف حالك بيبي
سند:اولا بيبي قوليها لي روحك عمري23عام وثانيا لخصي شن تبي
هنادي بتكبر:من هادي
سند :تخدم هنايا خير في شي تاني
هنادي:لا
سند:امالا طيري ..سكر الباب في وجها
نزلت وهيا تخبط
سند فتح الصاك وقعد يحط في حوايجه
سجي استغربت:مسافر
سند :ايه
سجي لاحظت حزنه الكبير: سند فيك شي
سند وقف وشاف لي سجي:سلميلي علي حنين وقولها انتي احلا حاجه صارتلي 🥺
سجي:يوصل

🔥hanosha abdo 🔥
🔥هناء_عاشور 🔥

سجي كملت دار سند وكملت دار سمر واتجهت لي دار سيف طقطقت وخشت لقاته راقد ومن فوق مش لابس شي كالعاده .. دارت لفتها وكالعاده وجت قعدت تنوض فيه :سيف سيف
سيف فتح عيونه وشافلها ❤:الله لو كل يوم نتصبح عليك
سجي تحشمت:نننننننن نوض
سيف وقف خدي تبه وغسل وجهه ونزل يتريض🤪
سجي كملت باقي الدار وطلعت نزلت تحت لقت سميره وحماواتها بيطلعوا
سميره:كملتي سجي
سجي :مزال شويه
سميره: امالا نخليك سلام وطلعوا
سمر طلعت من الصاله تحك في عيونها :صباح الخير
سجي:صباح النور
سلوي :سمورتي
سمر🤔:من وين الحب نزل اهلين
سيف نزل من فوق :اووو انتوا هنايا
هنادي وسلوي:ايه
سلوي بدلع قربت منه :سوفتي كيفك
سيف:مليح .. وغمز لي سجي
سجي قلبت عيونها وخشت للمطبخ
كملوا هدرزه وطلع سيف للخدمه
سلوي :هي نمشوا للسوق
هنادي تحرك في الكوب بيدها :تمام السياره عندك
سلوي :ايه هي وتوا روحكم
سجي مقعمزه في المطبخ وتسمع فيهم وتسأل في نفسها"معقوله في ناس هكي الفلوس عاميه علي قلوبهم لهدي الدرجه"
نجاة"بست وين سارحه
سجي فاقت من سرحانها :هاا لاقاعده😊

🔥hanosha abdo 🔥
🔥هناء_عاشور 🔥

البنات خدو بعضهم ونزلوا للسوق بي سياره سلوي
اما سجي كملت شغلها وولعت الغساله علي الحوايج في دار سيف وقعمزت فيها تستني 🙂🖤لين زهقت قعدت تلود زي المهبوله في هاديك الدار لمحت دفتر اسود تحت السرير طبست خداته وقعدت تقري فيه .. وانصدمت من الكلام يلي فيه😳😳😳😳😳😳😳😳
_____________________

حنين مقعمزه في الحوش واخده ايجازه طبعا ...
طق طق ...
حنين ناضت فتحت الباب وانصدمت 😳:ممماهررر
ماهر دفها وسكر الباب وراه ..كان زارط
حنين دف فيه وتعيط وهوا يقطعلها في حوايجها ويضرب فيها
حنين😭:حول ياحقير يا واطي ياناس ساعدوني
ماهر متغلل🤬:تهربي سا مسخه والا يا 🚫🚫🚫ليا تلاته ايام نراقب فيك
حنين تبكي وتعيط لين فشلت من الضرب
_______________

سجي سكرتها وردتها وقاعده مصدومه 😳من يلي قراته خدت سله حطت الحوايج ونشرتهم ودخلت الجاف وقعمزت طبق فيه وهيا من كثر ما مصدومه محستش بي سيف يلي خش وقامها من الخلف ..تسكها عيطه
سجي 🤯:ااااااه حول يا سخيف الادب يا واطي
سيف😁:شن ديري في داري ومقعمزه علي سريري
سجي تفك في ايديها منه😑☹:نحي ايديك نخدم علي راسي شن ندير ترا
سيف نزلها ونحي جاكيته وحطها علي الكنبه وتسطح علي السرير .. اما سجي كملت تطبيق الحوايج ومره مره يحدفلها في كلمه تخليها تيبس من الحشم ووجها يولي احمر 😳😳

#يتبع
ياتري حنين كيف بيصرلها وهل ماهر حيغتصبها
وشن قصه المذكره ..كله حنعرفوه في الحلقه الجايه😁استنوني واسفه علي التأخير ..خوي تصاوب في الحرب مع البركان ادعوله 😭😭🖤
هناء عاشور