احببت عسكري

9

احببت عسكري"9"🔥✔
للكاتبه تقوى اذياب..........!
نص الليل:-
ملك كانت في غرفتها تبخر في شعرها ك العاده كملت جابت طاسة النسكافي و اتصلت برائد❤️...
ملك: هذاا شنوو😳😳🤦🏼‍♀
رائد: كان مدوش و شعره مبلول و ما كانش لابس شي الا سروال الصاعقه🔥.......خيرك شن فيه🌚❤️
ملك: وجهها تغير لونه و لكلام ضاع منها كانت اول مره تشوف رائد بي هالمنظر....ال هذا الل لبدله قصدي ماك لابس❤️🔥
رائد:لجو ساخن قريب نولي قديد يهون عليك نتقدد🙂❤️ بعدين خيرك تشوفي تحت شوفيلي ني هنا
ملك: رفعت راسها بدت تشوف لرائد.....❤️🔥
رائد:حاسك بتبكي من لحشمه😹😹
ملك: ما استاحشتني💔 اني مستاحشتك
رائد: ما توقع ملك تقول هالشيء ارتبك و بدي يشوف مره فوق مره تحت و يحرك في شعره عشان ما يبينش🔥......
ملك: قولي حتى اني استاحشتك❤️
رائد: ما قدر يسكت...و قاللها استاحشتك🔥🔥
ملك: مافيش حتى كسرة ولا تفتوفة انحبك🥺❤️
رائد: سكت شوي.....انتي عارفه اني نحبك❤️
ملك:😔😔😔😔زعلت لان عند بالها ان رائد معتبرها صديقه بس ما كانت تعرف ان كل كلمه كان يقولها كان يعنيها و ان ما يبيش يقرب منها خايف عليها تعلق بيه و يصير فيه شي🔥❤️.....!
رائد: جبل ما هز قلبي شي ولي هزني انت بس 🔥لونت كل السواد لكان تارس عالمي انت نور و شيء عجيب و ما اصدق ادمي و طيبت كل لجروح صلحت كل لغلط اقوى هم عندي يصير ينمحي ابوسه فقط❤️🔥
ملك: بدت تغني معاه ...انت مو بس قطعه مني انت روحي🔥
رائد: قاطع ملك فجأه.. خيرك🔥
ملك: كيف خيرني...
رائد: وضعك مش عاجبني حاس فيك شيء  ليك قداش يوم راسي ما تبي تطلعي منه....و ضحك.....ههههه تو تقوليلي انت تفكر فيا و غير اشقى بروحك ما ضميتي حوسة حوشك يا بال اديري عصبان ههههه اخخخ يا ربي اخ💔🔥
ملك:اي في شي 💔
رائد: قلت اني فيك شي.. ربي عاطيني ميزه بنادم نبدى حاطه في ركن في قلبي يبدا شي مضايقه ولا صايرله اي موضوع نحصل نخصه بسيطه بس💔🔥
ملك: يعني اني في قلبك❤️🔥
رائد: يعلم الله بغلاوتك عندي😓
____________________________
تاني يوم الصبح:-
ناضت ملك جهزت نفسها و لبست عفريته مع بلوزه بيضه و فردت شعرها رفعت جزء والجزء التاني مفرود مع ميكب باللون الوردي و طلعت تهبل❤️🔥....... كملت و طلعت من غرفتها ع غرفة جهاد!.........🔥🔥
وصلت ملك قدام الغرفه و طلعت الساعه؟؟
__________________________
الليله الماضيه:-
ملك: شفته كان مش قادر يمشي ع رجله في لبدايه شكيت في لموضوع بعدها قلت لا مستحيل🔥
رائد: مافي شي مستحيل و كل شي وارد....اسمعيني كويس الساعه هدي لي عندك اول ما تنوضي الصبح تتسحبي لي غرفته و تحطيها ليه و تراقبي لو لبسها وربي ليلتة سوده 🔥💔
___________________________
ملك: فتحت باب الغرفه تلفتت يمين ويسار كانت لغرفه فاضيه خشت لغرفه ع روس اصابعها حطت الساعه ع الكنبه و سمعت بصوت جاي من لحمام طلعت تجري🔥......او وقفت تراقب من فتحة باب الغرفه🔥
____________________________
جهاد: طلع من الحمام و كان ينشف في شعره...و انتبه لساعه!
ساعتي؟؟ شن جابها هنا ؟ ما دقق ع الموضوع و لبس الساعه🔥💔
ملك:لاااااا😳جهاااد انت يطلع منك كل هذا بس ليش؟
_____________________________
في سبها:-
موده: ماما لو ما تبي شي انا ماشه عند هناء و احتمال نبات عندها ليوم❤️
لطيفه: تمام ديري بالك ع روحك بس
موده: حاضر..♥️
وصلت موده بيت هناء و بدو ينفذو في اللي تفقن عليه🔥:
هناء: ها شنو جبتيها الشفره
موده: اكيد و كل شي جاهز ليوم نكملو كل شي🔥
هناء: شوفي شوفي هوينا ابليس يضرب في ولده و يقوله تعلم يا كلب🤣🤣
موده: انا ام جوزيف على سن و رمح😹😹🔥
هناء: هيا ابعتيلها لمقطع متحمسه الصراحه🌚
____________________________

هديل: كانت تجهز في نفسها عشان تطلع بس سمعت مسج واتساب وصلها🔥....... فتحت و كان فيديو ليها و هيا بتركب مع شخص في سياره.....حي عليا😭 وربي لو حد يشوف لفيديو يكون هذا اخر يوم في حياتي لازم نشوف حل بسرعه🔥...... اتصلت و اعتذرت لصاحبتها عن الطلعه و من الخوف خلت التلفون مفتوح و خشت لحمام تبدل
ع جية مروه لغرفتها🔥
مروه: هديل وينك خوك من بدري يستنا
هديل:غيرت رأيي مانبيش نمشي
مروه: خيرها هدي شن صاير معاها😒 كانت مروه بتطلع بس لفت انتباها التلفون و جي في بالها كلام ريم........ كانت اول مره تاخد مروه فيها كلام ريم  بعين الاعتبار و  فتشت تلفون هديل و شافت لفيديو🔥🔥🔥
____________________________
مود: و العب يلا🌚🔥✌🏻
هناء: اهرب يلا 🤣💃🏻
موده: و اخيرا بردت كبدي فيها لحقيره هدي🙂
هناء: عشان مره تانيه تفكر الف مره قبل لا تشوه سمعة ملك🔥
__________________________
تقوى: الله حيوووو الرجال🤣🌚
سوري تحمست 🤣🤣✌🏻🔥
_____________________________
في طرابلس:-
رائد: صار هو هكي🔥🔥
ملك: رائد خايفه مانبيش نقعد هنا حتى دقيقه🥺❤️
رائد : ملك شن نقول اني🔥
ملك: خليك قويه و بقلب راجل❤️
رائد:  ايوه خليك هك او  وراسك انتي هو لي ما يقعدش حواليك دقيقه🔥
___________________________
بعد مرور شهر......!!

في المستشفى:-
هديل:😭 يارب ما ليا غيرك اشفيلي ماما  يا رب
ريم: شن يفيد لبكي و هيا في المستشفى من تحت راسك و بسبب عملتك اللي درتيها ياما حذرتك و حذرت ماما من تصرفاتك بس شن بنقول💔🔥و طلع الدكتور!
هديل: دكتور طمني شن وضع ماما ان شاء الله احسن💔
الدكتور: لا الحمد لله احسن من لفتره لي فاتت و باديه تتجاوب مع العلاج و خلال يومين احتمال تصحي❤️
هديل:الحمد لله يا رب سمعتي شن يقول ريم
ريم: اي سمعت و الحمد لله ع كل حال ياريت بس تتعضي من بعد هاللي صار💔🔥
_____________________________
في طرابلس:-

كانو كلهم ملتمين ع سفرة لفطور و فجأه يدخل عليهم جهاد و لعيله كلها مشتلى و مش،مصدقين 🔥
منال: الهادي ولدي رجعلي اني قتلك ان مافيه شي كنت متأكده😭❤️...كانت منال تبكي و تحضن فيه
ناجيه: هكي دير في جداك تختفي فجأه كان صار فيا شي ولا في امك ولا بوك💔🔥
فاطمه:هكي تخوف ناس عليك معقوله شهر كامل هذا وانت كبير و عاقل🔥
جهاد: معليش سامحوني انتم عارفين ان يجوني ايام ما نحب نشوف حد و نبعد بس لمره هدي زودتها
الهادي: كان معصب و ماباش حتى يقرب عليه ولا يسلم... ع الاقل كنت عطينا خبر مش محسب حد انت رجل كرسي قدامك اني🔥
فيصل: معليش هدي اعصابك مش وقته لكلام هذا تناقشو بعدين....
ملك كانت واقفه و تشوف لي كل شي من فوق🔥
____________________________

خشت ملك و سكرت عليها باب غرفتها كانت فرحانه و هي تقفل في لباب :-
هذا و ما دارلي شي و دار فيه هكي مال لو مداير شن كان صار😹😹
رائد: كان حيصير اكتر 🔥
ملك:  التفتت .....😳😳رائد
رائد: كان لابس تيشرت صاعقه وشرت بنفس التصميم و ريحة لعطر متاعه معبيه الدار كان  مستند ع الحيط و يشرب في شاني محلاه❤️🌚..... اي رائد مش امس صرعتي وذاني في تلفون مستاحشتيني و تبي تشوفيني هاني جيت🔥و انتبه لي  ملك كانت مزال بلبسة النوم كانت مبينه فيها تفاصيل شعرها كان مفرود و منكوش بس برغم من هذا كانت تجنن❤️
ملك: التفتت بسرعه و خدت ملاية الصلاة حطتها عليها❤️
رائد: حط ايده ع عيونه و التفتت زيها....شنو ولينا نلبسو في كتوت و حركات😅😅🔥
ملك: ع اساس اول مره تشوفني لابسه هك و ان كنت ناسي
رائد: افكرك ....الله عليك ام كلتوم الله يبارك🤣✌🏻
ملك: ما ردت ع رائد حسة بدوخه و فقدت التوازن🔥
رائد: يتبع❤️🔥🔥🔥🔥🔥🔥
#تعديل...
اللي يقولولي في بعض حلقات قصيره صح كلامكم بس لان  اني نحاول نكتب القصه بدون ما ندير عليها تعديل و اضافات واجد لأسباب خاصه❤️