لعنه القبر ..! (مكملة)

لازم اعرف

Part:2
لعنه القبر..!
enjoy♥️🙂

استغربت جدا "قدم نفسه قربان ليهم ؟!طب ليه ايه السبب اللى يخلى شخص يخاف لدرجه انه يقدم نفسه قربان للجن؟؟!"

جت فى دماغى اسأله كتير لازم اعرف اجابتها...

لحد ماقررت انى هروح بيت السيوفى ، خصوصا انى عرفت انه كان عايش لوحده فى بيته وبعد ما مات بيته اتقفل ..

تانى يوم استنيت الليل يليل عشان محدش يشوفنى وانا داخل بيته ..
دخلت البيت بالفعل ريحته كانت بشعه جدااا!! البيت شكله يخوف ع كل حيطه فى البيت فى نجمه سداسيه وكلام غريب اوى مش عارف افهمه ولا اقرأه حتى ...

فضلت امشى فى البيت لحد ما لقيت اوضته ايوة وصلت لغرفه طارق السيوفى.
الأوضه كانت مليانه كتب كتير ورسومات غريبه وكلام أغرب وجثث حيوانات!!!
مقدرش انكر انى كنت خايف جدا !
فضلت ادور فى الأوضه لحد ما لقيت اللى بدور عليه ، مذكرات طارق السيوفى....!
فرحت اوى انى لقيته بس خايف افتحه ..
الوقت اتأخر فاخدت المذكرات وروحت البيت وبدأت اقرأه...

كان فيه الآتى" اى  يقرأ الكلام ده لازم يعرف انا عمرى ما أذيت حد غير وانا مضطر ،كل الناس اللى اختفت دى انا اللى خطفتها ايوة انا وقتلتها وقدمتها قربان ليه .."مانيسو . مانيسو ده الجن اللى انا حضرته عشان يحمينى ايوة يحمينى من "رافيلى" رافيلى ده حضر بسبب اكبر غلطه عملتها فى حياتى من 10 سنين. كنت بعمل تعويذه عشان احضر جن زى كل مرة بس انا كنت عارف انها مش زى كل مرة ايوه كنت عارف لأنه مكنش اى حد من الجن ده كان ملك المملكه الوسطى فى الجن . كنت بحضره عشان يحمينى من طار قديم وبعدين اصرفه تانى .. حضرته بالفعل وعمل اللى طلبته منه بس جيت اصرفه معرفتش !!!معرفتش خالص .. وبدأ يهددنى ايوة يهددنى انى لو منفذتش اللى هو عايزة هيقتلنى .!!!

يتبع....

By:mervat fathy&mira mina.....♥️

رأيكوا فى الكومنتات اول مرة نكتب حاجه ومحتاجيت دعمكوا🥺