السلام عليكم
هذى الموقف بسنه ٢٠١٥ بنهايته صار لمن جانو الدواعش نعلات الله عليهم بابا اطواع بل حشد الشعبي ويا الجيش فا اخر فتره كل انو حصرونه الدوعش وكلساع يروان يقتحموانه وكلساع مخابرنه ويكعد يوصي بينه وحنه نموت بجي ولمن يجي نجلب بي منقبل يرواح بس يضحك علينه بجم حجايه ويروح فا مره بليل كاعدين دك مبايل امي ماما متفتح رقم غريب بس الرقم لح صار الدكه ٦ ياله خلت اخويه يشيل الخط وفتح سبيكر الرجال كال
الرجال .. السلام عليكم انتو بيت فلان ابوكم فلان ابن فلان
اخويه.. كال اي تفضل
الرجال ... ابوكم الوحد مالته ضربوه بل هونات بل لحضه الخير لحكنه على ابوكم
اهنه امي لا شعورين كامت اصيح وخذات المبايل وحاجت الرجال
امي.. عليك علي ابن ابي طالب صداك عايش مابي شي اوينه هو كالي
الرجال .. وحق امامك علي هو عايش صح اني سني بس امان بامكم وحق ابي فضل العباس عايش بس حالته حيل خطره .... وصفله المكال ثاني يوم الصباح راحت وعافتنه بل بيت لئن بيت خالتي بصفنه وبيت عمتي هم نفس الشارع وبقت امي سبواع احنه ماقبلنه انعواف البيت وطبعن جان اخويه يشتغل الجبير وخويه الثاني الصغير بل مدرسه واني هم بل مدرسه اني غبات وضليت اشتغل وطبخ لخواني وخويه هو صار بمكان ابويه واني صرات بمكان امي بس اخويه الصغير جان بس يبجي حيل عذبنه المهم بل دفرات مشه سبواع واجتي امي ضعفانه وتعبنه كالت ابوكم يريد يشوفكم احنه ماصدكنه رحنه بدلنه
ورحنه شفت بابا ضهره كاله شاش وراسه هم ورجله طابه بيها شضيه امزقه الورده بل مستقبل سوا عمليه وكام يمشي عليه المهم وايده همات طابه شضيه امزقه ايده اصبعين ماتن عنده ميكدار يحركهن وعادي لسه ميتحركن ولدكتور يكول اكو شضيه براسه بينه وبين المخ سنتي بس وهذ السنتي نقذه لو ماهو جا هسه مسوي عمليه ونسبه النجاح ١ بل ١٠٠ الحمد الله مسواه و٦٠ شضيه بس بضهره اخويه الصغير شكد تافه يكول صار نفس سبوانج بواب مزراف ازراف ردات ادكه بس ستخطيته ومو وكته وره فتره رجع الصحته ورجع لجيش وعادي ولا كانما وهسى هو برتبت عريف وهم اخويه يصيحله العريف شنتاخ ههههه
مع السلامه
هم صير بيكم موقف مشابه واذ صا بيكم اكبتبو
