هذه اول بارت من اول قصة الي واتمنى يعجبكم
.............................................
فقدت روحي بلحضة
وكرهت العيش
كنت اعيش حياة سعيدة
مثل الحلم
وفجاة ارا نفسي في كابوس
فاقدة كل ما هو جميل في حياتي
جسد بلا روح
اتمنى ان اتخلص من الشعور
من نفسي
لاني فقدت فرحة وحياة جميلة
لماذا ابقى على قيد الحياة
وانا قد مت في لحضة الفقدان
واصبح فقدان روحي وفقدانهم معا
.................................................
ناي
جاي ارتب ملابسي
بالجنطة استعدادا لرحلتنه باجر للعراق
اتذكر هواي اشياء واماكن بالعراق
هناك طفولتي الجميلة
من 14 سنه اني مرايحة للعراق
دخلت ماما
اميرة : ها ماما كملتي
ناي : اي بس اسد الجنطة
اميرة : اي ماما كملي وروحي نامي باجر ورانا سفر
ناي: ان شاء الله ماما
كملت وحطيت الجنطة على صفحة ورحت نمت
افكر شلون راح يكونون اهل بابا خوش ناس مو خوش ناس الله كريم نمت
كعدت الصبح نزلت جوا
الاثاث مغطينه بجراجف هواي اشياء وديناهن للشحن علمود الوزن
بابا اتفق ويا عمو قائد على كلشي بالعراق
رحت للمطبخ لكيتهم يتريكون
ناي: صباح الخير
خالد واميرة: صباح النور
كعدت اكل
خالد: بابا اريد احجي وياج بموضوع
ناي: احجي بابا اسمعك
خالد: هناك اهلي ناس ملتزمين وكلهن محجبات وبابا بعد احنه راح نكعد وياهم ما ترهم انتي من دون البنات بلا حجاب واذا ما تردين بكيفج انا ما اجبرج على شي
ناي: لا بابا عادي اصلا اني هم فكرت بيها
خالد: خوش انا هسة ارتاحيت راح تلبسينه برضاتج
ناي: تدوم الراحة
خالد: الله يخليج
كملنه ورحنه للمطار طيارتنه بثمانية صار موعد الطيارة صعدنه واقلعت الطيارة من المانيا للعراق
وصلنه للعراق جان الدنيا ظهر والله حارة الدنيا هنا
استقبلنه عمو قائد وعمو حسام بالمطار
حسام: يا هلا باخوي الغالي شنو هالغيبة شلونها المانيا
خالد: والله مشتاقين لريحة الناس الطيبة هنا ومشتاق لامي وابوي
قائد: هم هم مشتاقيلك شلونج خوية ام ناي
اميرة : الحمد الله ماشي الحال انت شلونك ام غدير شلونها البنات الولد
قائد: بخير ومتانينكم هناك وانتي شلونج عمو ناي صايرة تخبلين
ناي: الحمد الله اني بخير
حسام : كبرانه وحليانه
ناي: عيونك الحلوة عمو
حسام: ههههه شني هالكلام الحلو
صعدنه بسيارة عالية وجبيرة
دفع رباعي
وصلنا لقصر جبير ما شايفة مثله بحياتي بس بالمسلسلات والافلام
انفتحت البوابة ودخلنه بالسيارة مثل الشارع الطويل وعلى الجانبين حديقة
وصلنه لباب القصر الي يدخل على البيت نزلنه من السيارة وعمو قائد اطه السويج للبواب علمود يصفها بالكراج
أنت تقرأ
فقدان الروح
ChickLitفقدت روحي بلحضة وكرهت العيش كنت اعيش حياة سعيدة مثل الحلم وفجاة ارا نفسي في كابوس فاقدة كل ما هو جميل في حياتي جسد بلا روح اتمنى ان اتخلص من الشعور من نفسي لاني فقدت فرحة وحياة جميلة لماذا ابقى على قيد الحياة وانا قد مت في لحضة الفقدان وا...
