وعيونج الماتت عليها الكحلة
بيهن سحر لمعة براءة طفلة❤️
نادين: رحت زرت ودعيت من الأمام أن يكون وياي
................
كرار : عدت العطوه إلي عطيناها لهل الفصليه وليوم ابوي يتصل بيهم ونشوف قرارهم
الشيخ : سلام عليكم دكتور صالح
صالح: وعليكم السلام هله شيخ
الشيخ: خلصت العطوه شنهو قراركم
صالح: شيخ احنه موافقين ع 200 مليون والفصليه وانشالله باجر جاييكم للبصره
الشيخ : اودعناكم
صالح: في امان الله
نادين: اتصل الشيخ ع بابا وكناله موافقين واني كل ماتقرب الروحه احس حالتي دسوئ بس ماكدر أضحي باخويه 💔
كرار : اتواصلنه ويه أهل الفصليه وكالوا احنه موافقين وباجر جاين
نادين: صار الليل كمت سويت عشه وكعدت ويه اهلي اريد أشبع منهم احس روحي بعد مراح اشوفهم 😔 كمت رتبت المطبخ وسويت بوشار وكعدنه نباوع فلم تقريبا لل1 بليل وراها كلمن كام لغرفته واني مااخذت عيني النوم لحد الأذان صليت وندعيت ونمت.......
الساعه 6:00 صباحا
كرار: كعدت اليوم وذكرت راح تجي الفصليه متحمس اشوفها بس إله اندمه ع ساعه إلي اجتي بيها واكسرهم ابتهم
الأب صالح : ليلى كومي كعدي نادين خنروح يلا
ليلى: ماكدر اودعها مامصدكه بنتي راح تروح مني
الاب: ليش اني إلي مصدك بنتي الوحيده راح تروح فصليه كومي كعديها
نادين : اجت امي كعدتني وتبجي وحضنته وضلينه نبجي سوه راح اشتاقلها كلش يارب صبرني اجه غيث ودعني وهو يبجي ونزل الجنط ملاتي بس ليث ابد مابجه واجه وكلي
ليث: نادين اني اسف سامحيني أنتي مامجبوره اضحين بحياتج علمودي (حضنتها)
نادين : حضني ليث وكال الحجي الفوك👆🏻.... حبيبي لدكول هيج اني مامضحيه بحياتي وهذا القرار احسن حته انت تعيش واني اعيش وبعدين اني اول وتالي راح ازوج ( احجي هيج حته ميضوج واني احس الف غصه بداخلي).
ليث: رحت من كدامها لان ماكدر اودعه صح اني ماجنت ميانه وياها مثل غيث بس تبقه اختي 💔
نادين : نزلت واني اشوف بيتنه واحس نفسي داودع كل شبر بي وشفت بابا شون مكسور ومدنك راسه.. بابا ارفع راسك اني رايحه حته ارفع راسكم واوكف الدم الله يخليك لدنك
الاب: اجت نادين وحجت هل حجي حضنته.... باباتي انتي بس هل وحده عندي شون مانكسر واني ادري فراكج صعب 😔💔
