هنا تحديدا ف محافظه دمياط
ف احد العمارات المطله على الكورنيش
دخلت الام
- يالا يا بنات اتأخرنا على عمتكم دا الساعه بقت 8 و الفرح هيبدأ 8:30
- حالا يا ماما هخلص
- بالله يا ملك ما انتى مخلصه ف يومك
- الله بقى يا ماما ما كل بنت بتلبس و تتشيك و تحط ميك اب كمان ف اى فرح
- طب ما مليكه اختك اهى خلصت بقالها ساعه
- مليكه دى الملاك بتاعتنا اصلا
دخلت بنت جميله محجبه بشرتها بيضه اوى و خدوده حمرة طبيعى ، مش بتحط ميك اب ابدا مش طويله اوى و لا قصيره
خلصت كليه فنون تطبيقيه
، رسمه حدود لنفسها مخليه كل اللى يعرفها او يتعامل معاها يحترمها
البنت دى تبقى "مليكه العمرى" 23
و بتكون اخت ملك
ملك دى بنت جميله لكنها مش بنفس جمال اختها بتدرس ف كليه صيدله
ماشيه ورا الموضه و دى عندها 20سنه
- تعالى يا ماما و ملك هتخلص و تيجى علطول
- ماشى
**مامتهم خرجت و ملك قالت
- مليكه البسى طرحه و سيبى الخمار النهارده
- انا مرتاحه كده
- يا بنتى دا فرح
- بصى يا ملك ، الميك اب مش معيار ابدا للجمال دا وسيله للجمال مش اكتر ، لكن خليكى فاكره حاجه مهمه اوى انه ربنا خلقنا كلنا حلوين ف نقتنع بده فهمانى
- ما انتى بتقولى كده لانك بيضه و مش محتاجه تحطى حاجه
** مليكه قربت من ملك و حضنت وش اختها ب اديها
- بصى يا حببتى اللى خلق البيضه هو اللى خلق القمحيه و هو اللى خلق السودا كمان
كل واحده حلوه اوى بطبيعتها و انت ف عنيا احلى بنت ف الدنيا
- ربنا يخليكى ليا يا مليكه ، استنى انا هغسل وشى و هلف خمارى زيك و ننزل سوا
- تمام يا حببتى ، هطلع اروق اوضه مازن عشان كركبها و هو بيلبس تكونى خلصتى و ننزل
- تمام يا حببتى
** مليكه خرجت روقت اوضه اخوها مازن
"مازن العمرى"
27سنه مهندس معمارى بيحب اخواته اوى
و قريب منهم اوى
هو شكل مليكه بالظبط لكن أطول منها
** بعد حوالى نص ساعه كلهم نزلو
مليكه و ملك
و معاهم بابهم "مهاب العمرى"
منصبه كبير ف الميناء عنده 50سنه
انسان حنين جدا و بيحب اسرته اوى
و معيشهم ف مستوى كويس جدا
و مامتهم اسمها "منى "
ام طيبه اوى و حنينه زى امهاتنا كده
بتعامل ولادها كأنها صاحبتهم و قريبه منهم جدا
و دى " اخصائيه تحليل "
** وصلو اخيرا القاعه اللى معمول فيها الفرح
و كان فيه ناس كتير واقفه
ف مامتهم و باباهم سلمو عليهم و دخلو
القاعه
مازن اختار ترابيزه بعيده شويه عن الدوشه و قعد اخواته و فضل معاهم لحد ما باباهم و مامتهم ما جم قعدو معاهم
- الفرح جميل اوى ما شاء الله يا مهاب عقبال ما نفرح بمازن و اخواته
- يارب يا حببتى
جت اخت مهاب
اسمها امنيه و دى ابنها اتقدم لمليكه و لكنها رفضت لانه مكنش مناسب من وجهه نظرها
