#السحر_الأسود
قنوت: قاعدين ف حوشنا الجديد😍😂
ساره: اي حوش
قنوت: تو نحكيلك رصيدي يبي يكمل...
زينب(الساحره): اهلا!
قنوت&فرح:اهلينن تفضلي! (اسماء&نجيه) ف مكان بعيد شويا لما شافن زينب جن
زينب: شخباركم انا جارتكم زينب
اسماء:اهلين بيك تمام واخبارك
زينب:بخير الله يدوم عليكم بالخير ويارب تكونو احسن جيران❤!
اسماء: ان شاء الله معرفه خير قعمزي اشربي معانا شاهي العشيه، قعمزت ويهدرزوا (نسيت نقوللكم ان زينب هي مرات اكرم)
.........................................
قسوره: يدخن ف حشيش، تأكد من قيس انه راقد وفتح رواشن الحوش بس نسا قصي وهنا كانت الصدمه لما قصي فتح باب الحوش وشاف خوه يدخن ف حشيش!
اكرم: هي زينب عطلنا و(ميسون& سماح بناتهم) ف الحوش بروحهن وعندهم ثلاث ولاد (معتصم&مروان&عمر)
زينب: بسلامه معرفه طيبه منورين الشارع
كلهم:بسلامه ان شاء الله
قصي:شن رايك نقولها لبوي توا؟
قسوره: ساكت وعيونه ف الارض
قصي: السكوت علامه الرضا فعلاً
قسوره: وربي منش راضي وعارف روحي غالط خير منقعد غلطت ونستمر ف الغلط
قصي: من امته ادخن ف حشيش؟
قسوره: اليوم وربي اليوم اول مره اصلا كله من معتصم ولد الحرام
قيس: كنكم شن فيه وانت وجك عليش مكردم هكي؟؟؟
قصي: يستاهل اكثر من هكي نزيد نكردمك معاه؟
قيس: كنك ازحح شن مداير خوك
قصي: يدخن ف حشيش
قيس:يرا ف شنو تخرط مستحيل يديرها؟
قصي: تيي دارها هذي اخر تربيت بوي معش ادافع عليه هكي تزيده!😡
قيس: نعنشكلك متقولهاش لبوي خليها بينا وقسوره شوري توا نفهم منه
قصي خش لدار مردش وكان ف قلبه مضايق هلبااااا
روحت نجيه وبنتها.
طلال: انزلن بسرعه عندي مشوار
اسماء: وين نبيك تجيبلنا جبنه البيتزا الملكه قسوره من كم يوم يطلب فيها
قنوت: ع فكره انا يلي طلبتها قبله
طلال: تي انزلن عطلتن عليا
الساعه 9:30 مساءٍ ف حوش اكرم ع سفره العشاء
اكرم: كحح كحح
معتصم: اشرب بوي جبتلك ميه
اكرم:صحيت، وين كنت اليوم؟
معتصم: في الكافي تعرفت ع واحد
مروان&اكرم:منو؟؟
معتصم:قسوره طلال..
اكرم: وين تعرفت عليه تقريبا نفس اسم الراجل يلي يبي يبني ف الارض يلي جنبنا!
معتصم: ما قلت ف الكافي جديات جيرانا؟
ميسون:ياريت عندعهم بنات شارعنا مكسد
زينب:عندهم بنت وحده
سماح:حي اكيد جوها سمح مادام بنت وحيده بس اكيد مدلعه ومتكبره
زينب: لا عكس يلي شفته طيبه ف حالها
معتصم: عمر
عمر: ها
معتصم: كنك ما تدوي معانا وانت ديما ساكت ناكت؟
عمر: وقت تعجبني هدرزتكم ندوي( عمر الوحيد كويس ف العيله الوحيد يلي عارف ب اعمال امه في الشعوذه)
نسيت نقوللكم ان معتصم هوا نفسه جار قسوره بس قسوره مش عارف!
.............................................
ف حوش طلال
محد عارف ب قصه قسوره الا قيس&قصي
قسوره:نادم يا قيس وربي ندمت والحمدلله من اول مرا عرفت الغلط!
قيس: مهم خويا قبل ما ادير شي فكر كويس لان شعور الندم ع غلط واعر ولو بعد سنين ح يمشي معاك وتكون نادم عليه طول عمرك فكر!
قسوره: تمام مهم عرفت الغلط ومكملتش فيه
................................................
تسريع ف الاحداث
طلال: بدا ف مشروع الحوش ويطلع من الصبح ويروح
ف ليل تعبان ونحف هلبا❤💔!
قصي: يلي كان معارض ع انه يطلع من حوشهم شاف الارض ومكان كان يهبل تغير رايه وبدا يساعد ف بوه هوا وقيس
اما قسوره واخذ دور الاطرش ف زفه ويقوللهم نبي دار ليا بروحي😂😂❤
اسماء وبنتها عاجبهم الجو❤.
قُصي: كان شبه يبات ف حوشهم الجديد وبوه و قيس و العمال يروحوا قبله يطول ما يروح
................................................
في يوم من ايام وهوا قاعد بروحه
زينب: تشوف فيه مع روشن حوشها وكانت ف عقلها تقول!
مش اول مرا يقعد بروحه ديما نشوف فيه خلي نمشي
دارت فنجان قهوه و غريبه ومشت!
زينب: اهلين كيف حالك
قصي: مرحبتين عمتي؟
زينب: انا جارتكم زينب نشوف فيك من صبح لتوا قاعد بروحك قلت نجيبلك حاجه تشربها
قصي: في عقله جيرانا شكلهم ناس كويسه، صحيتي عمتي
فاصل حبيت نقول حاجه مش اي حد كان شفت شكله طيب معناها نفس ما تتوقع ديما خلي وقت تتعرف ع الشخص اكثر بعدها تقدر تحكم ع الاقل، جربت مواقف هكي مع ناس واجد لاني صدقتهم! ح نستغل كل موقف صارلي مش اي حد نوثق فيه من اول مانعرفه (اول مثال زينب ح تشوفو نهايتها شنو وهذي نهاية كل شيطان انسي كل انسان مايستحقش طيبتنا وربي يمهل ولا يهمل)
مهم خلينا ف رواية
زينب: تفضل و سلملي ع امك هلبا
قصي: يوصل وصحيتي مرا ثانيه
زينب:😊هي بسلامه
..............................................
ساره: الوو
قنوت:الوو شن جوك😂
ساره: زفت ي بقره ي مغوليه شن قصه حوشكم الجديد باهِي؟
قنوت: شرينا ارض و بلا بلا بلا
ساره:😒 اخر من يعلم مهم شنخبار قصي😍😂
قنوت:معش نشوف فيه واجد!
ساره:حي عليا تزوج عليا وقعدت مطلقه😭
قنوت: تي لا قاعد ف حوش الاخر اطمني
ساره: لا بلكي يتزوج عارفته مش خاين راجلي
قنوت: راجل اسراء🙄
ساره: قنوتتت ي بقره صكفمكك انتِ عارفتني منحبش حد يقول هكي ولو ببصاره!
قنوت: عارفه نرفعلك ف ضغطك بس
ساره: نننننن😒
............................................
عند قصي
قعمز ع الارض وجاب فنجان القهوه والغريبه وكان يشوف بعيونه يمين ويسار منغير اسباب وشرب من القهوه وصارله!
يتبع...
تفاعلووو تفاعلوو نبي رايكم ف التعلقيات❤
الحلقات قصيره ممكن لان هذي اول بدايه ليا
