💙ٱصُـ'ـُبُـ'ـُخُـ'ـُنُـ'ـُٱ وٌٱصُـ'ـُبُـ'ـُحُـ'ـُ ٱلُـ'ـُمُـ'ـُلُـ'ـُكُـ'ـُ لُـ'ـُلُـ'ـُهـُ'ـُ💙
صحيت مع اذان الصبح صليت وقريت حبه قران... بعداك شلت التلفون لانو اصلا م جايني نوم لقيت مهيد اون لاين رسلت ليو ف الواتس صباح الخير😀💙شويه كدة ورسل لي من وين يجي الخير وانتي اول زول يصبح علي😹رسلت ليو قلب مكسور 💔قال لي لصقيهو ب صباع امير🐸👊... عبيط كيف😑😒سفهته ودخلت الفيس لاقتني روايه ظابطه بديت اقرا فيها لحدي الساعه ٦:٣٠ جات شحنت التلفون واستحميت واتجهزت .. شربت الشاي مع الحاج والحجه واتوكلنا على الله💙.......... وصلنا فتحت باب العربيه ومشيت خطوتين لقيت الحاج م طلع😑رجعت ليو قلت ليو م نازل؟!! 🙄قال لي شويه بس عندي ورق ف العربيه بفتش فيهو و بجي قلت ليو تمامم 🐸كان قلت ليو ظابط بهرسني بالعربيه😹😹😹يلا الحاج بيوقف عربيته بعيد من المدخل ب شويه... مشيت قربت من المدخل لقيت عربيه مظلله سوداء واقفه قصاااد المدخل م اشتغلت بيها كتير ما عنو شاكه انو العربيه دي شفتها قبل كدة بس م متزكره وين😑😑😑كسرت حنكها ومشيت اثناء ما انا داخله لقيت رزان عاوزه تطلع رفعت حاجبي🤨نووع ماشه وين م جابت خبري وطلعت.. اتلفت ليها لقيتها متحركه ع العربيه وشكلها كدة متوتره... اثناء عاوزة تفتح الباب الجمب السواق تاني زحت يدها وجات داخله الشركه.. دا كله وانا واقفه بعاين ليها.. جيت راجعه ع الشارع اتلفت يمين لقيت ابوي جاي😹😹بت اللذينه خافت الحاج يشوفها لسوء الحظ الحاج كان مدنقر بيعاين للورق😏لو كان شافها كان ضبحها😏😹😹دخلته و ماشه ع المكتب لقيتها واقفه وشايله التلفون بتكتب ف شي😏طبعا انا بتبسم وعاجبني ليها😹😹ان شاءالله الحاج يشوفها ويجيب اجلها😏لمن شافتني بتبسم قامت صرت لي وشها و قالت لي خير؟! ولا رديت عليها مشيت ف سكتي سفهتها سفهت الكلاب😹😹شغاله بوزع ابتسامات للماشي والجاي 😹😹😹حتى سلمت على الناس واي زول ماري ب جمبي م عارفه حاسه ب شنو😹😹سلمت على ساره وصبحت ليها بقيت واقفه كدة لاحظت ليها سرحانه..طقطقت ليها قلت ليها ف شنو قال لي ثواني تعالي..مشينا قدام شويه وبقت بتتلفت قالت لي ان شاءالله يشوفوها🙂قلت ليها ف شنو قالت لي الزفت البتبقى ليكم دي قلت ليها اهاا رزان اي قبل شويت لاقيتها بره😹😹قالت لي اتخيلي شايله التلفون و بتتكلم مدنقره وطقشتني التلفون وقع و قعدت تقول لي انتي الغلطانه ومفروض تعتذري وقايله روحك شنو انتي م بتسوي ولا شي قدامي..وعاينت لي من فوق ل تحت ورفعت التلفون ومشت قلت ليها انتي م رديتي ليها😑قالت لي انا زاتي انخلعت بحاول استوعب لكن المره دي م بخليها✋قلت ليها شفتها ماشه على عربيه وتاني لمن شافت ابوي رجعت قالت لي اي كانت بتتكلم مع زول قالت ليهو هسي طالعه خليك قريب م تنزل من العربيه😏قلت ليها اممم كدي خلينا نفكر نتدسى حقك هسي محتاجه انوم يلا باي😹😹قالت لي ع فكره ف المكتب ف كاميرات وكان المدير شافك نايمه موضووعك مستحمي🐸💔قلت ليها i dont care النوم سلطان ي بيبي🐸✋قالت لي ولا عذر لمن انذر 😹😹كسرت الحنك مشيت المكتب تاني قعدت افكر قلت الحاج دا غايتو كان شافني بيجيب اجلي😑مشيت ليهو ف المكتب لاقتني السكريره بتاعته قالت لي مشى اجتماع وبرجع بعد ساعه😁راسي كبر و جري على مكتبي والشيطان لعب ب راسيي و هاك ي الطرحه و فكيت الجزمه واتربعت ف الكرسي وختيت راسي ف الدرج و يا النوم جاك زوول😹😹والله كسر من الثانيه ودقيت النومه😴😴
