# الطريق_الى_الهاويه

ثامن

#الطريق_الى_الهاويه
ثامن
بقلمي فردوس عبد الليف
علاوي
شعور بالخوف من الساعات القادمه
اريد اهدأ حافظ قصيده واني كاعد
اردد بكلماتها
ياشمس غيبي هاجر حبيبي ياشمس غيبي هاجر حبيبي وجلمه جلمه بروحي لمي سوالف فاروكني فاروكني احباب قلبي والحزن مافاركني لحظه وحده اه منك يازماني لاتكظ الباب وبوجهي تسده ودعتهم والعمر ماي وتبده شلون اعيش والله مدري والحديقه وحشه اذ مابيه ورده دنيه الليل ولازم الباب انطر احباب قلبي يجون
دموعي تجري اليوم شلون اخلص من ابو موس
رعد شبيك علاوي ليش تبجي ؟
علاوي ولك ابو موس متحلف بي الليله واذا امتنعت يمكن يقتلني لو يسببلي عاهه
رعد اعرف اعرف
راح اساعدك بس لا تخليهم يعرفون اني ساعدتك اذا هددوك
لاتجيب اسمي
علاوي لاتخاف رعد
راح رعد ينظف ويغسل حمامات
اشرلي اروح للحمام
كمت تمشيت للحمام وبطلعته كالي خليتلك حبوب عالمغسله
اشربهن كلهن راح تتخربط وياخذوك للمستشفى
منا لحد ما ترجع الله كريم
عافني وراح حترت شسوي
خل ادخل اشوف شكو عالمغسله
شفت كلاص بلاستك بي مجموعه حبوب
ويمهم بطل ماي
بالبدايه ترددت خفت اشربهن واموت
بالنسبه الي الموت ارحم من وظعي لكن امي اخاف عليها
تموت وراي وخواتي شحايصير بيهن
تشجعت شربتهم جره وحده الموت ولا ابو موس
ينتصر علي
شربتهم ورجعت كعدت بمكاني
باوعت ع رعد مركز نظره علي لكن مبتعد
كعدت بمكاني لزمت السبحه وأسبح اول شي بدت معدتي تكلب وراها حسيت بمغص والم بطني اخخخخخخ بطني لحكوني الم فظيع ولكم مصاريني تتكطع لحكوني
اخ اخ صوتي وصل لاخر السجن جوي الحراس
شبيك هرجت الدنيا !!!!!
ماكدرت اسيطربس اصرخ لحكوني راح اموت ودوني
للمستشفى عندي مصران الاعور
ركض واحد منهم اخذ موافقه الضابط
واخذوني للمستشفى وياي حراس اثنين
سالني الطبيب وين الالم ؟
كتله دكتور اخذت حبوب
فتهم الطبيب راسا غسيل معده
كال وراها تكدر تطلع
توسلت بي كتله دكتور ابوس حذائك لاترجعني
بس الليله خليني رحمه ع موتاك
باوعلي وجهي اصفر فحص عيوني فتحها
كال عندك فقر دم حاد
والتهاب أمعاء راح اخليهم يعلكولك مغذي
ومن يكمل نام ارتاح والصبح اطلعك
دنكت بست ايده سحبها مني
جريت نفس علكولي مغذي واني متمدد بالسرير
بديت افكر بحل يخلصني من ابو موس وامثاله
ماكو غير أتظاهر عندي مرض معدي
خل انام هسه سرير ودوشك ودلال وباجر افكر بطريقه
اخليهم يعوفوني
ذيج الليله نمت نومه مريحه بعيد عن السجن وريحه المساجين
~~~~~
ام علاوي ريم ديري بالج عالبيت وخواتج طبخيلكم
فاصوليا اني رايحه لبغداد ويه خالج ابو امجد
ريم الله وياج يمه ربي يسهل عليكم
الام طلعنا لبغداد من الفجر وصلنا بداية الدوام
رحت للمحكمه قدمت عالاستئناف
كل واحديحجي شكل محد فهمني شسوي
الي ماعنده احد والي ميعرف الناس يضيع بدوائر بغداد
معاملتي وأوراقي بيدي وواحد يذبني عالثاني
مذله وتواسيل وقهر
توسلت بيهم نزلت دمعتي كدامهم واني اتوسل
محد عنده استعداد يسمعني
والي يسمعني يوعدني بعد اسبوع تعالي
لو احنا نتصل بيج
بقيت ع هالحال شهر اروح وارجع لبغداد وكل الي وعدوني
يساعدوني !!!!!
ماشفت منهم اي مساعده مجرد تعاطف بنفس الوقت
وراها ينسوني حتى الي اخذ رقمه واتصل بي
ميتذكرني وماعدهم غير كلمه احنا نتصل بيج
وكولهه وعود كاذبه
اخر مراجعه طلعت كعدت بره ابجي واخوي ابو امجد واكف
ويكولي كافي ام علي ترى صحتج ماتتحمل انت مريضه
لاترجعلج الجلطه ارحمي نفسج
كمت ع حيلي
وراي شخص صاحني حجيه حجيه فد دقيقه
التفتت
شفت ضابط ماشاء الله طول عرض ربي يحفظه
مرتب وهيبه عيونه حاده
مبين عليه شخصيته قويه بس عنده حنيه